Stajyor-o‘qituvchilarni ishga qabul qilish tartibi ishlab chiqildi

Xabaringiz bor, O‘zbekiston Respublikasi Prezidentining tegishli Farmoniga asosan 2023/2024-o‘quv yilidan boshlab pedagogik kasblarga birinchi marta ishga qabul qilinadigan oliy ma’lumotli talabgorlar stajyor-o‘qituvchi sifatida faoliyat yuritishi belgilangan.

Shu munosabat bilan Maktabgacha va maktab ta’limi vazirligi tomonidan stajyor-o‘qituvchilarni ishga qabul qilish bo‘yicha tegishli ko‘rsatma ishlab chiqildi.

Unga ko‘ra, ilk bor ishga qabul qilingan stajyor-o‘qituvchilardan ishga qabul qilingan vaqtdan boshlab bir yil muddat davomida kasbiy sertifikatga ega bo‘lishi talab etiladi. Stajyor-o‘qituvchilarga ular kasbiy sertifikat olguniga qadar oliy ma’lumotli (toifasiz) o‘qituvchining bazaviy tarif stavkasi qo‘llaniladi.

“O‘qituvchi-stajyor” bilan Mehnat kodeksining 104-moddasida muvofiq mehnat shartnomasiga kiritilishi shart bo‘lgan holatlar, jumladan o‘qituvchi-stajyorlarning bir yil davomida kasbiy sertifikat olishi majburiyati ko‘rsatilgan holda mehnat shartnomasi tuziladi.

Shu munosabat bilan, vazirlikning 2023-yil 9-avgustdagi tegishli xati bilan o‘qituvchi-stajyorlarni ishga qabul qilish jarayonini mazkur ko‘rsatmalarga muvofiq amalga oshirish vazifalari yuklatildi.

Eslatib o‘tamiz, Farmonga ko‘ra, Maktabgacha va maktab ta’limi vazirligiga 2023-yil 1-noyabrga qadar umumiy o‘rta ta’lim muassasalarida faoliyat yuritadigan pedagog kadrlarni kasbiy sertifikatlash sinovlaridan o‘tkazish tartibini belgilovchi Hukumat qarori loyihasini Vazirlar Mahkamasiga kiritish hamda 2024-yil 1-yanvardan boshlab tizimni amaliyotga joriy etish topshirilgan.


Vazirlikning rasmiy sahifalariga ulanish
Telegram | Youtube | Facebook | Instagram

Наманган вилоят мактабгача ва мактаб таълими бошқармаси томонидан янги 2023-2024-ўқув йилига тайёргарлик бўйича қилинган ишлар


Вилоят мактабгача ва мактаб таълими бошқармаси тасарруфида 3 713 та таълим ташкилотлари фаолият олиб бормоқда.
Жумладан, мактаб тизимида 714 та умумтаълим мактаблари, 14 та Президент, ижод ва ихтисослаштирилган мактаблар, 13 та “Баркамол авлод” болалар мактаблари, 1 та Болалар кутубхонаси ҳамда 1 та малака ошириш маркази ва 25 та нодавлат мактаблар фаолият юритмоқда.
Бугунги кунда вилоятимизда 714 та мактабларда жами 519 947 нафар ўқувчиларга 37 790 нафар ўқитувчилар таълим-тарбия бериб келмоқдалар.
Вилоятда 1 та Президент мактаби, 1 та Ижод мактаби, 12 та ихтисослаштирилган мактаблар фаолият олиб бориб, 470 нафар ўқитувчилар 4 482 нафар ўқувчиларга таълим-тарбия бериб келмоқдалар.
Шунингдек, мактабгача таълим тизимида вилоятда мактабгача таълим ташкилотлари сони 2 934 тани ташкил этиб, шундан, давлат секторида 606 та (1 та ташкилотга қарашли), 2 327 та нодавлат секторда (55 та давлат-хусусий шерикчилик, 68 та хусусий, 2 204 та оилавий) бўлиб, уларга 192 701 нафар (75,1%) тарбияланувчилар қамраб олинган.

2023/2024 ўқув йилида 1-синф ўқувчилари учун вазирлик томонидан 61 941 дона “Президент совға”си “Таълим таъминот” ДУКга етказиб берилган.
2023 йил 10 август куни ҳолатига 55 330 дона (89,3%) 1-синф ўқувчилари adm.maktab.uz сайтига киритилган.
“Таълим таъминот” ДУК томонидан худудларга 51 554 дона (93,2%) “Президент совға”си етказиб берилиб, мактабларга 51 432 дона (99,7%) етказиб берилган.
“Президент совғаси” таркибида 12 турдаги ўқув қуроллари мавжуд:
Ўқувчи сумкаси,
12 дона дафтар,
Расм дафтари,
Aкварел бўёқлари,
Рангли қоғозга,
Қаламдон,
Шарикли ручка,
Рангли қалам,
2 дона оддий қалам,
Пластилин,
Елим,
2 дона ўчирғич

Ўзбекистон Республикаси Президентининг “2023-2025 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида” 2022 йил 30 декабрдаги ПҚ-465-сон Қарорига асосан Наманган вилоятидан 2023 йил инвестиция дастурига 30 та яъни, 16 та умумтаълим мактабларини реконструкция қилиш ҳамда 14 та мактабгача таълим ташкилотларини (2 та янги қурилиш, 12 та реконструкция) қуриш ва реконструкция қилиш ишлари киритилган бўлиб, бажариладиган қурилиш-таъмирлаш ишларининг тендер қиймати жами 196 млрд. 577 млн. 858 минг сўмни (умумтаълим мактаблари учун 114 млрд. 120 млн. 97 минг сўм ва мактабгача таълим ташкилотлари учун 82 млрд. 457 млн. 761 минг сўм) ташкил этади.
1 та мактаб (Учқўрғон туман 5-мактаб) ҳамда 2 та мактабгача таълим ташкилоти (Чуст тумани “Гулзор” МФЙда “Янги Ўзбекистон” массиви худудида 360 ўринли МТТ қуриш объекти ҳамда Поп тумани “Миришкор”да “Янги Ўзбекистон” массиви худудида 360 ўринли МТТ қуриш объектлари) йилдан-йилга ўтувчи объект ҳисобланади.
Жорий йилнинг 1 август ҳолатига барча объектларда молиялаштириш очилган бўлиб, буюртмачи томонидан 94 млрд. 435 млн. 671 минг сўм ёки йиллик режага нисбатан 53% маблағ тўлаб берилган бўлиб, пудратчи ташкилотлар томонидан 114 млрд. 606 млн. 241 минг сўмлик ёки йиллик режага нисбатан 65% қурилиш таъмирлаш ишлари бажарилган.
1 та умумтаълим мактаби, яъни Учқўрғон тумани Ўрда боғ МФЙ худудида жойлашган 5-мактабни реконструкция қилиш (540 ўринли янги ўқув биноси қуриш ва 18х30м ўлчамдаги спорт зал қуриш) объектида қурилиш-тиклаш ишлари якунланаётган бўлиб, фойдаланишга топшириш далолатномаси расмийлаштирилмоқда.
2 та объектда, жумладан, Чуст тумани “Гулзор” МФЙда “Янги Ўзбекистон” массиви худудида 360 ўринли МТТ қуриш объекти ҳамда Поп тумани “Миришкор”да “Янги Ўзбекистон” массиви худудида 360 ўринли МТТ қуриш объектларида ишлар тўлиқ якунланиб, фойдаланишга топширилди. Қолган объектларда ишлар белгиланган муддатларда фойдаланишга топширилиши бўйича чора-тадбирлар ишлаб чиқилиб, қурилиш-таъмирлаш ишлари жадал суръатларда олиб борилмоқда.