VAZIR O‘RINBOSARI NAMANGANDAGI TA’LIM MUASSASALARIDA BO‘LDI

Ilm maskanlardagi shart-sharoitlar va ta’lim jarayonlari bilan yaqindan tanishish maqsadida Maktabgacha va maktab ta’limi vaziri o‘rinbosari Farhod Boqiyev Namangan shahridagi 1-, 6 -, 31 – hamda Davlatobod tumanidagi 58 – umumiy o‘rta ta’lim maktablariga tashrif buyurdi. Davomat, darslarga tayyorgarlik holati ko‘zdan kechirildi. Vazir o‘rinbosari o‘quvchilarning taklif va istaklari bilan qiziqib, ularning kelgusi hayoti, o‘qish va izlanishlarida omad va muvaffaqiyatlar tiladi. Ustoz – murabbiylar bilan muloqot chog‘ida o‘g‘il – qizlarni milliy va umuminsoniy qadriyatlar, urf –odatlarni hurmat qilishga o‘rgatish, vatanparvarlik tuyg‘usini kuchaytirish, bo‘sh vaqtlarini mazmunli tashkil etish kabi masalalarga ahamiyat qaratildi. “Mahalla – maktab –oila” tamoyili asosida hamkorlik, ta’lim sifatini yaxshilash yuzasidan mas’ullarga aniq topshiriqlar berildi.

Namangan viloyati maktabgacha va maktab ta’limi boshqarmasi Axborot xizmati