#Adliya_hudud

Hududiy adliya organlari: kun davomida

🖥 Jarqoʻrgʻon tumanidagi “Alpomish” mahallasida “Adliya kuni” doirasida sayyor qabul oʻtkazildi, fuqarolarning 20 dan ortiq murojaatlari qabul qilindi.

🖥 Fargʻona viloyati adliya boshqarmasi tomonidan nodavlat notijorat tashkilotlari uchun davra suhbati va sayyor qabul oʻtkazildi.

🖥 Qoraqalpogʻistonda “Ijro.gov.uz” elektron tizimi samaradorligini oshirish masalalariga bagʻishlangan seminar boʻlib oʻtdi.

🖥 Mingbuloq tumani adliya boʻlimi xodimlari tomonidan “Qoʻgʻalikoʻl” hamda “Farovon” mahallasida sayyor qabul oʻtkazildi.

🖥 Andijon shahardagi 56-umumtaʼlim maktabida “Huquqiy bilimlar oyligi” doirasida oʻquv mashgʻulotlari oʻtkazildi.

🖥 Xorazm viloyati adliya boshqarmasi tomonidan Shovot tumanidagi “Yangi Oʻzbekiston” mahallasida ijtimoiy himoyaga muhtoj aholining kundalik hayotida uchrayotgan huquqiy muammolari uyma-uy yurish orqali oʻrganildi.

🖥 Yakkabogʻ tuman adliya boʻlimi tomonidan yil boshidan 152 ta murojaat koʻrib chiqilgan, fuqarolik ishlar boʻyicha tuman sudiga 588 mln soʻmdan ortiq ish haqi va unga tenglashtirilgan toʻlovlarni aholi foydasiga undirish yuzasidan 9 ta daʼvo arizasi kiritilgan.

🖥 Urgut tuman adliya boʻlimi xodimlari tomonidan tumandagi “Quyi Kamangaron” “Kamangaron” va “Xoʻja Ahror Valiy” mahallalarda “Adliya kuni” tadbiri oʻtkazildi.

🖥 Namangan viloyati adliya boshqarmasi boshligʻi “Adliya – yoshlar orasida” aksiyasi doirasida Namangan davlat universiteti yuridik fakulteti hamda viloyat yuridik texnikumi bitiruvchilari bilan uchrashdi.

🖥 Toshkent shahar adliya boshqarmasi tomonidan yoshlar uchun Oʻzbekiston Respublikasi Qurolli kuchlari akademiyasida “Ochiq eshiklar kuni” tashkil etildi.

📌 Каналга уланиш