Sherzodxon Qudratxoʻja: Demokratik saylovlarni debatlarsiz tasavvur qilib boʻlmaydi

“Debat Xoll” media markazida “Davlat boshqaruvi va sud-huquq tizimini takomillashtirish” mavzusida navbatdagi teledebat boshlanadi.

Kirish soʻzida Milliy media birlashmasi raisi Prof. Dr. Sherzodxon Qudratxoʻja shunday dedi:

— 27-oktyabr kuni Oliy Majlis Qonunchilik palatasi hamda mahalliy kengashlarga deputatlik saylovlari uchun teledebatlar juda muhim bahs-munozara maydonidir. Erkin, demokratik saylovlarni debatlarsiz tasavvur qilib boʻlmaydi.

Oʻtgan teledebatda siyosiy partiyalarning raislarini taklif qildik va bosh mavzu sifatida odamlar uchun muhim boʻlgan ijtimoiy-iqtisodiy yoʻnalishlarni tahlil qilgan edik. Bugun esa har qanday davlatning asosini belgilab beruvchi – Davlat boshqaruvini takomillashtirish va qonun ustuvorligini taʼminlash masalalarini muhokama qilamiz. Zero, inson manfaatlarini taʼminlash, uning huquq va erkinliklarini muhofaza qilish, orzu-intilishlarini roʻyobga chiqarish hamisha birlamchi vazifa va maqsad boʻlishi kerak.

✅Obuna bo‘ling / Подписывайтесь / Subscribe