ЁНҒИННИ ЎЧИРИШ УЧУН НАМОЗНИ БУЗИШ МУМКИНМИ?
#намоз

❓790-САВОЛ: Намоз ўқиб турган пайтда ёнғин чиқиб кетса, ёнғинни зудлик билан ўчириш учун намозни бузиш мумкинми?

💬 ЖАВОБ: Бисмиллаҳир Роҳманир Роҳим.
Намоз ўқигувчини ёки бошқа шахсни жони ёки молига аниқ хатар етадиган вазиятларда шариатимиз намозни бузишга рухсат беради. Бу ҳақда "Мухтасар фил фиқҳил ҳанафий" китобида шундай дейилган:

يباح قطع الصلاة إذا خاف ضياع شيء قيمته درهم أو أكثر

яъни: "Қиймати бир дирҳам (тақрибан 0,425 грамм тилланинг қиймати) ёки ундан кўпроқ нарса ҳалокатга учрашидан хавф қилинган пайтда намозни бузишга рухсат берилади".

Демак, саволда сўралган ҳолатда ҳам намозни бузишга рухсат берилади ва ҳолат барқарор бўлгандан кейин бузилган намозни қайта ўқилади. Валлоҳу аълам.

Савол йўллаш
📲 @SavollarMuslimUzBot

Telegram | Instagram | Facebook | Tiktok

ҲОМИЛАНИНГ НЕЧА ОЙЛИГИГАЧА НАМОЗ ЎҚИШ МУМКИН?
#қисқа_савол_жавоблар

❓CАВОЛ: Ҳомиладор аёл бола неча ойлигигача намоз ўқиши керак?

💬 ЖАВОБ: Бисмиллаҳир Роҳманир Роҳим.
Ҳомиладор аёл то боласини туққунича намозини тўхтатмайди. Туққанидан кейин нифос қони келади. Мана шу қон тўхтагунича намоз ўқимай туради. Бу узрли ҳолат бўлади. Қон тугагач яна намозини давом эттиради. Агар ҳомиладорлик вақтида намоз ўқишга қийналса, ўзининг ҳолатига қараб ўтириб ўқиши ҳам жоиз. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ҚУРЪОН ТАЪЛИМИ УЧУН ҲАҚ ОЛИШ ТЎҒРИМИ?
#қисқа_савол_жавоблар

❓CАВОЛ: Ҳозирги кунда баъзи қори акалар Қуръондан таълим бергани учун ойлик белгилаб қўйишган. Масалан бир ойга шунча деб. Бу қанчалик тўғри?

💬 ЖАВОБ: Бисмиллаҳир Роҳманир Роҳим.
Уламолар Қуръон таълими учун ойлик белгилаб ҳақ олиш жоиз эканига фатво берганлар. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Видеолавҳа

123. ОВОЗ ЧИҚАРИБ ДУО ҚИЛИШ ҲАҚИДА

YouTube | Instagram | Facebook | Tiktok

🔗 Улашинг: @diniysavollar

Ёш авлод муаллимлар олдида омонатдир. Албатта, уларнинг таълим-тарбияси борасида устозлар масъулдирлар. Улар келажакда комил инсон бўлиб етишишлари учун бор имкониятларини ишга солишлари зарур. Чунки ҳадиси шарифда шундай дейилади: “Ҳар бирингиз раҳбардирсиз ва қўл остингиздагилардан масъулдирсиз” (Муттафақун алайҳ)...

➡️ДАВОМИНИ ЎҚИШ

@muslimuzportal | @mp3muslim | @diniysavollar

Ҳақиқий дин олимини қандай таниб оламиз!?

➡️БАТАФСИЛ ЎҚИШ
@muslimuzportal | @mp3muslim | @diniysavollar

​ИБН АТОУЛЛОҲ ИСКАНДАРИЙНИНГ КАРОМАТЛАРИДАН БИРИ

Имом Ибн Аннаҳвий раҳимаҳуллоҳ айтадилар: Бир куни Ибн Атоуллоҳ Искандарийнинг илм мажлисларига келдим. Ўша вақтда у зот ўз замонасининг тасаввуф аҳли орасида ЭНГ катта уламолардан эдилар. У кишига қараб туриб илмларига ҳавасим келди ва ичимда: бу зот қайси мақомда эканлар-а? – деб ўз-ўзимга айтдим. Шу вақт шайх гапдан тўхтаб менга қарадиларда: Эй, Ибн Аннаҳвий! Осий ва гуноҳкорларнинг мақомидаман, дедилар. Бу гапни эшитиб хайратда қолдим ва салом бериб секин кетдим. Ўша кечаси Расулуллоҳ соллаллоҳу алайҳи васалламни тушимда кўрдим. У зот бир тепаликнинг устида турибдилар, саҳобалар у кишининг атрофларида, одамлар тўпланган. Шу пайт Расулуллоҳ соллаллоҳу алайҳи васаллам: Қани Тожуддин ибн Атоуллоҳ? - дедилар. Ибн Атоуллоҳ: Мен шу ердаман, деб жавоб бердилар . Расулуллоҳ соллаллоҳу алайҳи васаллам унга: Тур ўрнингдан ва гапир. Аллоҳ таоло сенинг гапингни яхши кўради, дедилар . Ибн Атоуллоҳ Аллоҳнинг муҳаббати ҳақида гапира бошладилар.

Алаҳсиб ўрнимдан турдим ва шу заҳоти Ибн Атоуллоҳнинг ҳузурларига югурдим. Қарасам у киши Расулуллоҳ соллаллоҳу алайҳи васалламнинг ҳузурларида гапираётган гапларини айтиб турган эканлар. Ўзимга ўзим: Мана бу юксак мақом экан, дедим. Шунда Ибн Атоуллоҳ менга табассум билан боқиб: Эй, Ибн Аннаҳвий! Сенга махфий бўлганлари бундан ҳам буюк, дедилар.

Ҳомиджон домла Ишматбеков,
Ўзбекистон мусулмонлари идораси
раисининг биринчи ўринбосари.
@muslimuzportal | @mp3muslim | @diniysavollar

АЁЛ КИШИ ВАФОТ ЭТГАНДА ТАЛОҚ ТУШАДИМИ?
#қисқа_савол_жавоблар

❓CАВОЛ: Аёл киши вафот этганда, талоқ тушади ва эри унинг олдига киролмайди ва қабрга ҳам қўйиши мумкинмас дейишади. Бу қанчалик тўғри?

💬 ЖАВОБ: Бисмиллаҳир Роҳманир Роҳим.
Ўлим сабабли эр-хотин ўртасидаги никоҳ риштаси узилади. Масалан, аёлнинг отаси, фарзанди, ака-укаси, жиянлари, амаки ва тоғалари турганда эр аёлини қабрга қўя олмайди. Лекин юқорида саналганлар бўлмаса, бегонадан кўра эр аёлини қабрга қўйишга ҳақли бўлади. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Видеолавҳа

125. “ПИРИМ ҚЎЛЛАСИН” ДЕБ ДУО ҚИЛСА БЎЛАДИМИ?

YouTube | Instagram | Facebook | Tiktok

🔗 Улашинг: @diniysavollar

Имом Жаъфари Содиқ р.а. айтадилар:
Отам менга шундай насиҳат қилдилар:

1. Ўғлим! Ғофил ва фосиқ дўстлар билан бирга бўлган (дини, эътиқоди) соғлом бўлмайди.
2. Гуноҳ ишлар қилинган жойларга кириб-чиқиб юрганнинг боши туҳматга қолади.
3. Тилини эҳтиёт қилмаган пушаймон бўлади.

«Сирлар хазинаси» рисоласи

Каналга аъзо бўлинг👇
👇
@tavbauz матбуот хизмати