🗣МУФТИЙ ҲАЗРАТ: “ҲАЖ ДУНЁВИЙ МАҚСАДЛАР УЧУН БОРИЛАДИГАН САФАР ЭМАС”

🕌 Бугун Ўзбекистон мусулмонлари идораси раиси, муфтий Шайх Нуриддин Холиқназар ҳазратлари пойтахтимизнинг Учтепа туманидаги “Маҳкамбой ҳожи ота” жоме масжидида жума намозини адо этдилар. Жамоат намози олдидан Муфтий ҳазратлари “Исломда сафар ва мусофирлик одоблари” мавзусида суҳбат қилдилар.

💬 Маъруза давомида мусулмон киши ҳаж ва умра, илм излаб, ризқ излаш, яқин кишисини кўриш учун сафар қилиши ва унда қуйидагиларга: яхши ният, сафарга чиқишдан аввал қарзларни узиш ва омонатларни эгаларига қайтариш, сафар учун солиҳ йўлдош танлаш, имкон борича саҳар вақти сафарга отланиш, йўлда мусофирлар ўзларига бир раҳбар сайлаб олишлари каби одобларга риоя қилиши лозимлигини айтиб ўтдилар.

🌙 Муфтий ҳазратлари суҳбат асносида сафарларнинг улуғи ва фазилатлиси бўлган ҳаж ҳақида алоҳида тўхталиб, жумладан бундай дедилар:

– Ҳаж ва умра роҳатланиб келадиган сафар эмас. У моддий, жисмоний ва руҳий-ахлоқий ибодат. Шу боис унга тайёргарлик кўриб, алоҳида аҳамият қаратиш зарур. Бу сафарлар риё, кўз-кўз, дабдаба ва мақом олиш, дунёвий мақсадлар учун қилинмайди, балки унга Яратган Роббимиз розилиги ва ибодат нияти ила борилади. Зеро, Пайғамбар алайҳиссалом: “Қабул қилинган ҳажнинг мукофоти фақат жаннатдир”, деганлар.

🤲 Мазмунли суҳбат якунида элу юрт тинчлиги ва фаровонлиги, бу йилги ҳаж сафари хайрли ва баракали бўлишини сўраб дуо қилинди.

✅ Ўзбекистон мусулмонлари идораси
Матбуот хизмати

#juma #muftiy
⏺ MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

#xabar #muftiy #juma
🌙 ШАЙХ НУРИДДИН ХОЛИҚНАЗАР ҲАЗРАТЛАРИ: ҒАЙБНИ АЛЛОҲДАН ЎЗГА ҲЕЧ КИМ БИЛМАС!

🕌 Бугун, 11 июль куни Ўзбекистон мусулмонлари идораси раиси муфтий, Шайх Нуриддин Холиқназар ҳазратлари жума намозини Тошкент шаҳридaги “Ҳувайдо” жоме масжидида адо қилдилар.

🎙 Муфтий ҳазратлари жамоат намозидан олдин йиғилганларга жума кунида дуолар қабул бўлиши ҳақида сўзлаш баробарида “Сеҳр ва фолбинларга ишониш – жамият бирдамлигини бузувчи иллат!” мавзусида манфаатли суҳбат қилиб бердилар.

🗣 Мавъизада бугунги кунда сеҳргарлик ва фолбинлик билан шуғулланаётган ва уларнинг найрангига учаётганлар, афсуски, ортиб бораётгани, динимизда уни касб қилган ва уларга ишонувчилар қаттиқ кораланиши, сабаби фолбинлар инсонлар ўртасидаги ижтимоий алоқаларга катта зарар етказиши, кишилар орасига душманлик уруғини сочиши, ғайбни билишни даъво қилиш билан катта гуноҳкор бўлишлари ҳақида айтиб ўтдилар.

🌙 Шайх Нуриддин Холиқназар ҳазратлари Қуръони каримдаги: “Айтинг: “Аллоҳдан бошқа осмонлар ва Ердаги бирор кимса ғайбни билмас” (Намл сураси, 65) оятини шарҳлаш асносида замон ривожланиши билан ғайбни даъво қилувчилар ҳам янги қиёфага кираётгани, энди улар ўзининг фолбин, коҳин ёки афсунгар каби хунук ва қўрқинчли номларини ўрнига “экстрасенс”, “паранормал ҳолатлар бўйича мутахассис”, “экзорцист”, “ноёб қобилият соҳиби” каби жозибадор, беозор, ҳатто баландпарвоз номлар билан атаётгани, қилаётган ишлари эса ёлғон ва фирибгарликдан бошқа нарса эмаслигини таъкидладилар.

🤲 Суҳбат якунида Ҳақ таолодан элу юртимиз тинчлик-фаровонлиги ва бутун дунё мўмин-мусулмонларини турли фитна ва хурофотлардан сақлашини сўраб хайрли дуолар қилинди.

✅ Ўзбекистон мусулмонлари идораси
Матбуот хизмати

😄 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

#xabar #muftiy #juma
🌙 МУФТИЙ ҲАЗРАТЛАРИ: АЛЛОҲДАН МОЛ-ДУНЁ ТАЛАБ ҚИЛИШДА ГЎЗАЛ ЙЎЛ ТАНЛАНГ!

🕌 Бугун, 18 июль куни Ўзбекистон мусулмонлари идораси раиси муфтий, Шайх Нуриддин Холиқназар ҳазратлари жума намозини Тошкент шаҳридaги "Яккасарой" жоме масжидида адо қилдилар.

🎙 Муфтий ҳазратлари жамоат намозидан олдин йиғилганларга “Ўзганинг ҳаққидан ҳазар қилайлик!” мавзусида манфаатли суҳбат қилиб бердилар.

🗣 Мавъизада бугунги кунда бировнинг молини нотўғри йўл билан ейиш ва ўзганинг хаққига хиёнат қилишдек оғир гуноҳлар, жумладан, қарзини қайтармаслик, тарозидан уриш, муаллифлик ҳуқуқини поймол қилиш, порахўрлик, қиморбозлик, фирибгарлик каби иллатлардан ҳазар қилиш лозимлигини қатъий таъкидладилар.

🌙 Шайх Нуриддин Холиқназар ҳазратлари Қуръони каримдаги: “Эй, имон келтирганлар! Мол-мулкларингизни ўртада ноҳақ (йўллар) билан емангиз!...”(Нисо сураси, 29) оятини шарҳлаш асносида Аллоҳ таоло инсониятни Ер юзида ҳалол ризқ талаб қилишга амр этгани, унинг акси бўлмиш ҳаромдан ҳазар қилишга буюргани ҳамда ҳалол ва ҳаром нарсаларни очиқ баён қилганини айтиб ўтдилар.

🤲 Суҳбат якунида Ҳақ таолодан элу юртимиз тинчлик-фаровонлиги ва ҳалол-пок молу давлат топиш, ноҳақ-ботил йўллар орқали келадиган моллардан асрашини сўраб хайрли дуолар қилинди.

✅ Ўзбекистон мусулмонлари идораси
Матбуот хизмати

😄 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook