#Қуръон_мусобақаси

Самарқандда Қуръон мусобақасига тайёргарлик

@muslimuzportal 👇
https://telegram.me/joinchat/BO0aAj0jjw0GT5rhPph8OQ

#Тилни_сақлашлик

Ҳакимлардан марҳамат қилинади: “Жим туришлик (тилни сақлашлик)да етти минг яхшилик бор. Унинг ҳаммаси етти калимада жам бўлади. Ҳар калимада минг яхшилик бор”, деганлар.

1. Жим туришлик чарчоғи йўқ ибодатдир;
2. Безаксиз зийнатдир;
3. Давлатсиз ҳайбатдир;
4. Деворсиз қўрғондир;
5. Бировларга узр айтишдан беҳожатликдир;
6. Яхшилик ва ёмонлик амалларни ёзувчи фаришталарга роҳатдир;
7. Айблари учун беркитувчидир. Ҳакимлар яна: жим туришлик олим учун зийнат, жоҳил учун сатр (парда)дир, деб марҳамат қилганлар.

Аллоҳ барчамизни тил сабабли келадиган офатлардан асраб, Ўзининг зикрида бўлишимизни насиб этсин!

@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

Эртага Қуръон мусобақаси маёғи Самарқандда нур сочади
#Ўзбекистон_Қуръон_мусобақаси_2018

Азиз Қуръон мухлислари галдаги қорилар мусобақаси Ер юзининг сайқали бўлмиш Самарқандга кўчмоқда. Бу шаҳар халқимиз довруғини бутун дунёга таратган, азиз авлиёлар қўним топган табаррук маскандир. Аждодларимиз бир неча йиллар муқаддам имон-эътиқоднинг бақувват пойдеворини худди шу заминда мустаҳкамлашган.
Эрта, 18 январь кунидан бошлаб ушбу вилоятнинг бир неча туманларида мусобақанинг ҳудудий босқичлари бошланади. Сиз азизлар билан уч кун давомида Жиззах ва Сирдаё вилоятларида хушовоз қорилар тиловатини тинглаб, кўп роҳат олдик.

Ўлкамизнинг ҳар бир ҳудудида ана шундай қориларнинг ўзига хос савти, оҳанги бор, албатта. Самарқанд қорилари ҳам ўзларининг маҳоратлари билан жуда ҳам машҳур. Айниқса, варш қироати билан ҳаммани эътиборини ўзига тортган қорилар айнан мана шу заминдадир. 

Дарҳақиқат Қуръон қалбнинг шифоси, ҳидоят манбаидир. Аллоҳ таоло айтади: «Биз мўминлар учун шифо ва раҳмат бўлган Қуръон оятларини нозил қиламиз...» (Исро, 82). Қуръон мўминлар қалбидаги маънавий иллатлар, нифоқ, ширк, адоват ва тўғри йўлдан тойиш кабиларни бартараф этади.

Эртага Имом Бухорий ҳазратларининг ҳоки поклари қўним топган ёдгорлик мажмуасида Самарқанд вилоятидаги Қуръон мусобақасининг ҳудудий босқичига оқ фотиҳа берилади. Ҳозирдан тайёргарликлар жуда авжида, мусобақа muslim.uz сайти ва ижтимоий тармоқ саҳифаларида онлайн узатиб борилади.
Қуръонни қалбга жо айлаш, Каломуллоҳни яхши кўриш инсонни икки дунё саодатига етиштиради. Шундай экан, барча Қуръон ихлосмандларини эртага Самарқандга таклиф этамиз, Қуръоний зиёфатга марҳабо, азизлар!

Ўзбекистон мусулмонлари идораси Матбуот хизмати
@muslimuzportal обуна бўлинг ёки дўстингизга тавсия этинг | Muslim.uz

Диққат: Имом Бухорий мажмуасидан Қуръон мусобақаси онлайн узатилади

Самарқанд вилоятидаги Имом Бухорий ёдгорлик мажмуасида Қуръон мусобақасининг ҳудудий босқичига оқ фотиҳа берилди. Мусобақани онлайн узатиш ишлари бир неча дақиқадан сўнг бошланади.
Азиз мухлислар Самарқанд вилояти Пайариқ туманидаги интернет тезлигининг заифлиги сабабли мусобақани онлайн узатишда узилишлар ва камчиликлар бўлиши мумкин. Бунинг учун сизлардан узр сўраймиз. Бор куч ва имкониятимизни ишга солиб, камчиликларни бартараф этишга ҳаракат қиламиз. Аллоҳ таоло Ўзи мадад беришини сўраб, дуо қилиб туришингизни илтимос қиламиз.

Бизнинг muslim.uz портали ва ижтимоий тармоқлар орқали кузатиб боринг. Энг хушовоз қориларнинг ҳузурбахш тиловатларидан баҳраманд бўлишга барчани чорлаймиз.

Ўзбекистон мусулмонлари идораси Матбуот хизмати

#САМАРҚАНД: Қуръон мусобақасидан фотолавҳалар.
@muslimuzportal | Muslim.uz

#САМАРҚАНД: Қуръон мусобақасидан фотолавҳалар.
@muslimuzportal | Muslim.uz

#Самарқанд
Ахмедов Ёқубжон қори Исматулло ўғли қироати

@mp3muslim
https://t.iss.one/joinchat/AAAAAEFE_ihGgcOzHL2JoA

#САМАРҚАНД: Қуръон мусобақасидан фотолавҳалар.
Қуйидаги линк орқали онлайн кузатишингиз мумкин: https://www.facebook.com/muslimuzportal/videos/1978024182435498/
@muslimuzportal | Muslim.uz

#Самарқанд
Зийнат қори. Фирдавс қори тадбирда гўзал қироати

@mp3muslim | mp3muslim.uz
https://t.iss.one/joinchat/AAAAAEFE_ihGgcOzHL2JoA

Мусобақа иштирокчиларига Муфтий ҳазратнинг саломи етказилди

Аввалроқ, Самарқанд вилоятидаги Имом Бухорий ёдгорлик мажмуасида Қуръон мусобақасининг ҳудудий босқичи бўлиб ўтаётгани ҳақида хабар берган эдик.

Самарқандда бўлиб ўтаётган мусобақада Қуръон мусобақаси ҳайъати раиси Абдулҳаким қори сўзга чиқиб, мусобақа иштирокчиларини ушбу улуғ кун билан муборакбод этди. Абдулҳаким қори Ўзбекистон мусулмонлари идораси раиси, муфтий Усмонхон Алимов ҳазратларининг саломларини самарқандликларга етказди.

Бугун аср намози вақтигача эркакларнинг мусобақаси якунланиб, аёл-қизларимизга навбат берилади. Мусобақанинг яна бир ҳудудий қисми Пастдарғом туманида ҳам олиб борилмоқда. Ҳурматли Қуръон ихлосмандлари барчангизни Самарқандда бўлиб ўтаётган Қуръон мусобақасига таклиф этамиз.

Қуръон байрамингиз муборак бўлсин.

ЎМИ матбуот хизмати
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

#САМАРҚАНД: Қуръон мусобақасидан фотолавҳалар.
Қуйидаги линк орқали онлайн кузатишингиз мумкин: https://muslim.uz/index.php/yangiliklar-2016/uzbekistan/item/5142
@muslimuzportal | Muslim.uz

#ВИДЕОЛАВҲА:
Қорилар мусобақасидан лавҳа: "Маҳмудов Баёзхон қори"
https://muslim.uz/index.php/media-17/videolav-alar/item/5139

Жонли эфир Пасдарғомдан олиб берилади
#Ўзбекистон_Қуръон_мусобақаси_2018

Самарқанд вилояти Пасдарғом туманида бўлиб ўтаётган Қуръон мусобақасининг ҳудудий босқичи жуда ҳам жўшқин кайфиятда бўлиб ўтаётгани сабабли мутахассисларимиз ушбу туманга йўл олишди. Мазкур ҳудуддаги мусобақани пешин намозидан сўнг онлайн узатиш ишлари бошланади.
Бизнинг muslim.uz портали ва ижтимоий тармоқларни кузатиб боринг.

Ўзбекистон мусулмонлари идораси Матбуот хизмати
@muslimuzportal обуна бўлинг ёки дўстингизга тавсия этинг | Muslim.uz

Сакинат, ихлос, тақво ва илм мужассам мадраса

Буюк ипак йўлида жойлашган Бухоро шаҳридаги энг кўҳна ёдгорликлардан бири Мир Араб мадрасасидир. Ушбу мадраса Марказий Осиёда узоқ вақт зиё тарқатиш билан машғул бўлган илм даргоҳидир. Мир Араб мадрасаси шонли тарихининг янги давридан ҳозирги кунгача мингдан ортиқ малакали диний ходимлар, жуда кўплаб муфтийлар, уламолар ва бугунги кунда фаолият юритаётган имом-хатиблар таълим олганлар. Бу илм масканидан қўшни Республикаларнинг Ислом дини ривожига ҳам сезиларли ҳисса қўшган кўплаб машҳур уламолар етишиб чиққан.

Мир Араб мадрасасини бутун оламга машҳур қилган нарса ҳеч муболағасиз айтишимиз мумкинки, мадрасадан етишиб чиққан забардаст алламолар ва улар мерос қолдирган буюк асарлардир. Бу мадрасада турли даврларда олимлар, мударрислар таьлим бериб келдилар. Масалан яқин асрларда бу мадрасада Аҳмад Дониш, Садриддин Айни, Муфтий Эшон Бобохоннинг устозлари Миён Бузрук ҳам шу ерда таҳсил олиб, кейин мударрислик қилганлар.

Айни вақтда мадрасада 130 та талаба таҳсил олаётган бўлиб, улар диний ва дунёвий илмларни эгалламоқдалар. Талабаларимиз учун шинам синфхоналар, иссиқ ётоқхоналар ҳамда 200 та талаба 5 маҳал намозларини адо этишлари, амалиёт дарсларини ўтказишлари ва нотиқлик санъатидан фойдаланишлари учун янги таъминланган масжид талабалар фойдаланиши учун топширилди. Шу билан бирга мадрасада 100 га яқин ўриндан иборат бўлган янги таҳоратхона ва 200 та талаба ва устозлар овқатланишлари учун янги ошхона қурилиши якунланмоқда.

Бу мадрасанинг асрлар давомида илм маскани булиб, зиё нури таратиб келаётганига яна бир сабаб бу мадрасага асос солган улуғ зот нақшбандия тариқатининг улуғ пири Мир Араб саййид Абдуллоҳ Яманийнинг шарофати ва барокотларидан десак ҳеч муболаға қилмаган бўламиз. Зеро ривоятларда айтилишича, шайх Мир Араб ҳазратлари, мадраса қиёматгача илм ва таълим маскани бўлиб қолишлигини сўраб дуо қилган эканлар. Шу дуолар шарофати ила муҳтарам Президентимиз Шавкат Миромонович 2017 йилнинг 11 март куни мадрасага ташрифи чоғида дунёга донғи кетган бу зиё масканида ёшларимизнинг таҳсил олишлари учун барча шарт-шароитларни яратиш бўйича тавсиялари келажакда яна Бухорийлар чиқишига туртки бўлди. Билим юрти жамоаси малакали диний кадрлар етиштириш учун астойдил хизмат қилмоқдалар. Бундан ташқари мадраса ҳовлисида Мир Араб саййид Абдуллоҳ Яманийнинг муборак жасадлари дафн этилган. Аллоҳ таолонинг дўсти бўлмиш Мир Араб шарофатлари боис ушбу мадрасада сакинат, ихлос, тақво ва илм то Қиёматга қадар боқий қолажак!

ФОТОЛАВҲАЛАР
@muslimuzportal обуна бўлинг ёки дўстингизга тавсия этинг | Muslim.uz

“Ўзбеккино” Имом Бухорий тўғрисидаги фильмга доир хабарларга тузатиш киритди
https://muslim.uz/index.php/yangiliklar-2016/uzbekistan/item/5141

@muslimuzportal | Muslim.uz

Намозхонлар Альцгеймер касаллигига дучор бўлмайдилар
#Намоз #хотира

Альцгеймер касаллиги мия функциясининг сўниши аломатларидан биридир. Бу касалликка чалинган одам худди ёш боладек бўлиб қолади. Бемор бўлиб ўтган воқеаларни эслаб қололмайди, қайси кунлигини, ҳафталигини, ўзининг ёши, турар жойини билмайди. Энг ёмони, бемор яқинларини, ҳатто аёли, ўғил-қизларини танимай қолади. Одамлар билан мулоқот қилиш қобилиятини йўқотади. Оддий ишларнинг қандай бажарилишини билмайди.

Касаллик ривожланиб бориши билан чалкашишлик, таъсирчанлик ва агрессивлик, кайфият ўзгариши каби симптомлар намоён бўла бошлайди, гапириш ва айтилган гапни тушуниш қобилияти бузилади, узоқ муддатли хотиранинг йўқолиб бориши кузатилади, онгнинг сусайиб бориши билан бемор ишдан, харакатдан қолади. Организм фаолиятининг борган сари йўқолиб бориши ўлимга олиб боради.

Олимлар олиб борган тадқиқотларнинг натижасига кўра, беш маҳал намозни адо этиш Альцгеймер касаллигининг ривожланиш хавфини ва хотиранинг заифлашини 50 фоизга камайтириши аниқланди. Хужуъ-хузу билан адо этилган намоз қон томирлари тизимида қон айланишини яхшилайди, танага куч-қувват бағишлайди. Тадқиқотда жами 65 ёшдан ошган 892 нафардан ортиқ киши иштирок этди.

Даврон НУРМУҲАММАД тайёрлади
@muslimuzportal обуна бўлинг ёки дўстингизга тавсия этинг | Muslim.uz

ОНЛАЙН ДИНИЙ-МАЪРИФИЙ ДАРСЛАР 📚
#ДАРС

Ҳурматли мухлислар!

Бугун соат 14.00 да «Сийрат» фанидан "Қамал даври" мавзусида 24 - дарс бўлиб ўтади.

Ушбу дарсни Имом Бухорий номидаги Тошкент ислом институти катта ўқитувчиси, Сийрат фани устози Абдул Азим Зиёуддин домла олиб боради.

Онлайн дарсни қуйидаги ижтимоий тармоқ саҳифамизда тўғридан-тўғри кузатишингиз мумкин:
Facebook: https://www.facebook.com/muslimuzportal/

@muslimuzportal обуна бўлинг ёки дўстингизга тавсия этинг | Muslim.uz