ОГОҲ БЎЛГАН – АБГОР БЎЛМАС!

Ҳозирги кунда телеграм тармоғида кўплаб диний-маърифий мазмундаги каналлар фаолият олиб бормоқда. Гуруч курмаксиз бўлмагани каби, уларнинг барчасини ҳам тўғри ва ишончли деб бўлмайди. Шундай экан, ҳар бир каналга аъзо бўлишдан аввал яхшилаб ўйлаб кўринг, шошқалоқлик қилманг. Дастлаб, канални ким очгани, ким юритаётгани, агар савол-жавоб ташкил этилган бўлса, саволларга кимлар жавоб бераётганига эътиборли бўлинг!

Ўзбекистон мусулмонлари идораси юртимизда фаолият юритаётган имом-хатибларга тегишли расмий каналлардан фойдаланишни тавсия этади. Дўстларингиз ва яқинларингизни ишончли каналларга обуна бўлишга чақиринг. Ана шундай ишончли ва расмий каналлардан бири, Ўзбекистон мусулмонлари идораси www.muslim.uz порталининг телеграмдаги @muslimuzportal каналидир.

Ушбу каналда:
- Юртимиз ва Ислом оламида рўй бераётган диний соҳадаги янгиликлар;
- Турфа мақолалар;
- Қалбга яқин ҳикматлар;
- Тезкор ва аниқ савол-жавоблар;
- Қизиқарли ва манфаатли видеолавҳалар;
- Кундалик фотолавҳалар;
ва бошқа долзарб мавзудаги маълумотлар бериб борилади.

Дўстларингизни ҳам ишончли ва расмий каналимизга таклиф қилинг.
Каналимизга обуна бўлиш учун қуйидаги линкни дўстларингизга улашинг:

👉 Осон тавсия қилиш учун манзил.

👉 Каналга уланиш манзили.

“Мен билан кетасизми?..”

Ибратли воқеаларга қизиқиб ўқиб юрадиган ходимимиз Шаҳзоджон бугун:

– Ака, ажойиб бир ривоятни қачонлардир рус тилида ўқиган эдим. Мазмунини гапириб берсам, ўзбекчада ёзсангиз, ўқиганларга фойдаси тегиб қолармиди? – деб қолди.

– Нега ёзмас эканмиз, қани айтиб беринг-чи, – дедим.

– Бир подшоҳнинг тўртта хотини бўлган экан. Уларнинг ҳаммаси ақлли ва соҳибжамол бўлган экан. Аммо подшоҳ ҳаммасидан навниҳол, соҳибжамол ва меҳрибон бўлган тўртинчи хотинини яхши кўрган экан. Подшоҳ унга қимматбаҳо совғалар харид қилар, дуру жавоҳирлар билан безалган куйлаклар олиб берар... кўнгли нимани истаса, ўшани муҳайё қилар экан. – дея ривоятни бошлади у.

Ҳукмдор ер юзидаги энг чиройли аёл бўлган учинчи маликани жонидан ҳам ортиқ кўриб ёнидан уни бир нафас айирмас, шикорга чиқадими, бошқа мамлакатларга сафарга борадими, ўзи билан бирга олиб кетар экан. Чунки унинг ҳусну малоҳатини ҳамма кўришини истар экан. Аммо айни пайтда учинчи маликани ўзини ташлаб бошқа бири билан кетиб қолади деб хавотирланиб ҳам юрар экан.

Подшоҳнинг иккинчи хотини ниҳоятда ақл-заковатли, фаҳм-фаросатли, сабр-тоқатли ва меҳрибон аёл бўлиб, уни шу сифатлари учун яхши кўрар экан. Подшоҳ ҳар доим мушкул вазиятларда унга маслаҳат солар ва бу аёл ҳар қандай масаланинг оқилона ечимини топар экан.

Биринчи хотини эса уларнинг ичида энг ёши улуғи бўлиб, у аёл подшоҳга акасидан қолган мерос экан. У эрининг янада бадавлат ва қудратли бўлиши учун қўлидан келган ҳамма ишни қилар экан. Аммо қанчалик севмасин, подшоҳ унга кўп эътибор қаратмас экан.

Ҳосили калом, подшоҳи олам хотинларининг ҳар бири билан ўзига яраша муомалада бўлиб юраверибди-ю, орада унга бир оғир дард илашиб, олиб кетаманга тушибди. Ҳар доим эъзозда юрган подшоҳ жон бериш азобидан ваҳимага тушибди ҳамда соҳибжамол маликаларни қолдириб кетишга кўзи қиймабди. Жилла қурса, улардан бирини ўзи билан олиб кетишни хаёл қилибди.

Шу ўй билан у энг севган ёри – кенжа маликани чақирибди. Ҳар доим унинг чорлашини муштоқлик билан кутадиган, келгани заҳоти ўзини бағрига отадиган, шириндан ширин сўзлари билан кўнглига қувонч бағишлайдиган кенжа малика одатдагидек шоду хандон кириб келибди. Аммо унинг дардидан воқиф бўлиб, ўзини ҳам бирга олиб кетиш ҳақидаги гапини эшитганидан сўнг:

“Эй подшоҳи олам! Сиз узоқ умр кўрдингиз, ҳаётнинг аччиқ-чучугини тотдингиз, бутун мамлакат измингизда бўлди, тўрт марта уйланиб роҳат-фароғатда ҳаёт кечирдингиз. Мендан катта опаларим, яъни кундошларим ҳам ҳаётнинг лаззатини мендан кўп тотиб, бас, дегунча ўйнаб-кулдилар. Бу гапларни айтишимдан мақсад – нега шу нарсаларга ақлингиз ета туриб, айнан мени олиб кетмоқчи бўлганингиз каминани ҳайрон қолдирди. Ахир мен ҳаётда нима кўрибман. айни ўйнайдиган-куладиган даврим келган чоқда ёши катта “опа”ларим туриб мени ўлимга етаклаганингиздан қаттиқ ранжидим. Мен ҳали ҳаётга чанқоқман. Гўзал кунларим ҳали олдинда. Сиз яхшиси, “опа”ларимдан бири билан бирга бора қолинг, вақти келганда мен ҳам бориб қоларман...” деб жавоб берибди-да, хонадан шошилиб чиқиб кетибди.

ᅠ
ᅠ
БАТАФСИЛ
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

Абу Ҳурайра (розияллоҳу анҳу)дан ривоят қилиниши-
ча, Расулуллоҳ (соллаллоҳу алайҳи ва саллам):
“Аллоҳ таоло эрта тонгми ва кечқурунми, масжидга борган кишининг ҳар бир қадами миқдорича жаннатда манзил тайёрлаб қўяди”, деганлар (Имом Бухорий ва Имом Муслим
ривояти).

@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

Ғаззолийнинг фикрича, инсонларнинг бутун саодати учун икки нарса шарт: биринчиси – илм, иккинчиси – амал. Мутафаккир таъкидлашича, инсоннинг бахтли бўлиши учун илмнинг ўзигина етмайди, балки киши илми ёрдамида тана ва руҳини тарбия қилишга бурчлидир. Аллома ўз асарида Фатҳ Мусалийнинг қуйидаги фикрларини келтиради: “Касалга обу таом берилмаса, ўладими?” деб сўрадилар. Атрофдагилар: “Ҳа, ўлади”, дейишди. Айтдилар: “Қалбга ҳам уч кун илм берилмаса, ўлади”.

ᅠ
БАТАФСИЛ

@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

Йил йилга ўхшамайди...

Аслида мўминнинг ўтказган ҳар дақиқаси, куни, ойи, йили фазилатли бўлади. Аммо бу йилнинг хайру барокати бўлакча бўлди. Ҳижрий ҳисобимиз бўйича 1438 йил юртимизда шу қадар ажойиб тарзда ўтдики, саноқда адашиб кетмаслик учун бу фазилатларни фаслларга бўлиб эсласак маъқул бўлади.

Яратганнинг марҳамати ила айнан мана шу йилда ҳамма фасл мўътадил келди: қишда қор мўл бўлди, аммо қаттиқ совуқ бўлмади; баҳорда ёмғир дала-даштларга керак вақтидан кечикмай ёғиб турди; ёзда қаттиқ иссиқ бўлиб одамларни ва бошқа жонзотларни беҳаловат қилмади, айниқса, рамазон ойидаги саррин ҳаволарни эсланг – қандай ажойиб эди; куз фасли ҳам тўлиб-тошиб кириб келди, ҳаммаёқда пишиқчилик, серобчилик...

Қўшни мамлакатлар билан муносабатларимиз янада яхшиланиб бормоқда. Айниқса, давлатимиз раҳбарининг Туркманистон ва Қозоғистонга қилган қисқа муддатли сафарлари, Россия Федерацияси, Хитой Халқ Республикаси, Саудия Арабистонига ташрифлари бағоят самарали бўлди.

“Халқ билан мулоқот йили”да президентимизнинг ўзи ҳаммага ўрнак бўлди: ҳали у вилоятда, ҳали бу вилоятда бўлиб ҳар доим аҳолининг орасида юрибди, ҳатто нуроний отахону онахонларни зиёрат қилиб, азали хонадонларга таъзияга кириб чиқишга ҳам улгурмоқда...

Президентнинг виртуал қабулхонаси ва унинг таъсирида очилган бошқа виртуал қабулхоналар жамиятда ошкораликнинг янги босқичга кўтарилишида муҳим роль ўйнамоқда.

Давлатимиз раҳбари Президентлик сайлови олдидан бўлган учрашувларда “Янгича ва мустақил фикрлайдиган, масъулиятли, ташаббускор, илғор бошқарув усулларини пухта ўзлаштирган, ватанпарвар, ҳалол кадрларни танлаш ва тайёрлаш бўйича самарали тизим яратилмас экан, давлат бошқарувида сифат ўзгариши юз бермайди”, деган эди. Ана шу фикрнинг ижроси ўлароқ кадрлар танлаш масаласига жиддий эътибор қаратилмоқда. Шунингдек, кичик бизнес ва хусусий тадбиркорликка эркинлик бериш, улар фаолиятига ноқонуний аралашувга йўл қўймаслик, ҳуқуқбузарликларнинг барвақт олдини олиш ва профилактика самарадорлигини ошириш сиёсатимизнинг устувор йўналиши ва давлат органларининг биринчи даражали вазифаси этиб белгиланди. Ёшларни китоб ўқишга қизиқтириш, аҳолининг китобхонлик савиясини янада оширишга алоҳида эътибор берилаётгани янада қувончлидир.

Давлатимиз раҳбарининг илм аҳлларига, ижодкор зиёлиларга эътибор қаратиш, улар учун имтиёзли кредит асосида уй-жой бериш, қалам ҳақларини ошириш борасидаги тавсиялари олиму ижодкорларни янада руҳлантириб юборди.

Шу тариқа, санашда давом этаверсак, ислоҳотлар жадаллашиб, кишиларимизнинг фаровон ҳаёт кечириши учун қулай шароитлар яратилиб бораётгани кўз ўнгимизда гавдаланиб келаверади.

Хўш, бу ишлар давом этаётган экан, биз нима қиляпмиз? Юртимизда юз бераётган ишларга нима қилсак кўпроқ ҳисса қўшган бўламиз?

Ушбу саволнинг жавоби мана бу ҳадисда ўз ифодасини топган.

Ҳармала ибн Абдуллоҳдан ривоят қилинади:

“... у зотнинг олдиларига яқинроқ туриб:

“Эй Аллоҳнинг Расули, нима қилишимни амр қиласиз?” дедим.

“Эй Ҳармала! Яхшилик қил, ёмонликдан четда бўл. Қулоғинг эшитганда ёқимли бўлган нарсага назар сол. Одамлар орқангдан сен ҳақингда нима дейишларини ёқтирсанг, ўша ишни қил.

Ўзингга ёқмайдиган нарсаларга ҳам назар сол. Одамлар орқангдан сен ҳақингда нима дейишларини ёқтирмасанг, ўша ишни қилма”, дедилар.

Қайтганимда ўйлаб кўрсам, мана шу икки насиҳат ҳеч нарсани қолдирмай ўз ичига олган экан” (Имом Бухорий ривоят қилган).

Дамин ЖУМАҚУЛ
ᅠ
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

ОНЛАЙН ДИНИЙ-МАЪРИФИЙ ДАРСЛАР 📚

Ҳурматли мухлислар!

Бугун соат 15:00 да Тафсир фанидан бўлиб ўтадиган навбатдаги онлайн дарсимизда "НОЗИОТ" сурасининг тафсири давом этади.
Маълумот учун, “Нозиот” – суғурувчилар, деган маънони англатади. Бу ерда танадан жонни суғуриб олувчи фаришталар назарда тутилган.
Сурада қиёмат қойим бўлиш жараёни, Мусо (а.с.) билан Фиръавн ўртасида ўтган можаролар, бу дунёнинг фоний экани каби илоҳий ўгитлар билан бирга Пайғамбар (а.с.)нинг дилларига тасалли берилган.

16:00 да Ақида фанидан бўлиб ўтадиган дарсда, Мулла Али Қори ҳанафийнинг “Зовъул маолий” асари асосида "Аллоҳ таолонинг мутлақ эҳтиёжсиз экани ҳақида эътиқодимиз" мавзуси шарҳланади.

❕ Бизни тўғридан тўғри кузатиб, билимларингизни бойитиб боришингизни тавсия қиламиз! ❕

Энди ҳафтанинг ҳар душанба, сешанба, чоршанба ва пайшанба кунлари тафсир, ақида, фиқҳ, ҳадис шарҳи, ислом тарихи ва сийрат, тажвид ва араб тили фанларидан онлайн дарслар олиб борилади. Ушбу дарсларни таниқли уламолар ва Тошкент ислом институтининг маҳоратли устозлари ўтказишади. Агар Сизда мавзу юзасидан қандайдир саволлар бўлса, уларни олдиндан телеграмдаги “@MuslimUzAdmin1Bot”га юборишингиз ёки дарс жараёнида тўғридан-тўғри беришингиз мумкин.

Ушбу онлайн дарсларни қуйидаги ижтимоий тармоқ саҳифаларида тўғридан-тўғри кузатишингиз мумкин:
Facebook: https://www.facebook.com/muslimuzportal/

Дарслар HD форматида қуйидаги манзилда жойлаштирилади.
Youtube : https://www.youtube.com/channel/UCLbdL0ibb4zqlqe7LRNOSNQ

Ўзбекистон мусулмонлари идораси
ахборот хизмати

MUSLIM.UZ – HIDOYAT MASKANI
@muslimuzportal Дўстларингизга ҳам улашинг. (https://telegram.me/joinchat/BO0aAj0jjw0GT5rhPph8OQ)

Eslatma! Tafsir fanidan 9-onlayn dars bo'lib o'tmoqda!
https://www.facebook.com/muslimuzportal/videos/1926964074208176/

@muslimuzportal

Eslatma! Aqida fanidan 8-dars bo'lmoqda!
https://www.facebook.com/muslimuzportal/videos/1926986850872565/

@muslimuzportal

Абдуллоҳ ибн Амр (розияллоҳу анҳу)дан ривоят қилинади: Бир киши Расулуллоҳ (соллаллоҳу алайҳи ва саллам)дан: “Исломда қайси амал яхши?” деб сўради. Пайғамбаримиз унга: “Очларга таом беришинг, таниган ва танимаганингга салом беришинг”, дедилар (Имом Бухорий).

@muslimuzportal

ОНЛАЙН ДИНИЙ-МАЪРИФИЙ ДАРСЛАР 📚

Ҳурматли мухлислар!

Бугун соат 15:00 да Фиқҳ фанидан навбатдаги онлайн дарс бўлиб ўтади. Унда "Нажосатларни поклаш" мавзуси шарҳланади. Ушбу дарсни Тошкент ислом институти ўқитувчиси Ҳасанжон домла Қодиров олиб боради.
Cоат 16:00 да эса Ҳадис фанидан навбатдаги онлайн дарс бўлиб ўтади. Унда "Саҳиҳ ва Ҳасан ҳадисларнинг турлари" мавзуси шарҳланади. Ушбу дарсни Тошкент ислом институти ўқитувчиси Фазлиддин домла Сувонов ўтади.

❕ Бизни тўғридан тўғри кузатиб, билимларингизни бойитиб боришингизни тавсия қиламиз! ❕

Энди ҳафтанинг ҳар душанба, сешанба, чоршанба ва пайшанба кунлари тафсир, ақида, фиқҳ, ҳадис шарҳи, ислом тарихи ва сийрат, тажвид ва араб тили фанларидан онлайн дарслар олиб борилади. Ушбу дарсларни таниқли уламолар ва Тошкент ислом институтининг маҳоратли устозлари ўтказишади. Агар Сизда мавзу юзасидан қандайдир саволлар бўлса, уларни олдиндан телеграмдаги “@MuslimUzAdmin1Bot”га юборишингиз ёки дарс жараёнида тўғридан-тўғри беришингиз мумкин.

Ушбу онлайн дарсларни қуйидаги ижтимоий тармоқ саҳифаларида тўғридан-тўғри кузатишингиз мумкин:
Facebook: https://www.facebook.com/muslimuzportal/

Дарслар HD форматида қуйидаги манзилда жойлаштирилади.
Youtube : https://www.youtube.com/channel/UCLbdL0ibb4zqlqe7LRNOSNQ

Ўзбекистон мусулмонлари идораси
ахборот хизмати

MUSLIM.UZ – HIDOYAT MASKANI
@muslimuzportal Дўстларингизга ҳам улашинг. (https://telegram.me/joinchat/BO0aAj0jjw0GT5rhPph8OQ)

Араб саҳросидан улкан жониворлар қолдиқлари топилди

Палеонтологлар Саудия Арабистонининг Жидда шаҳридан қадимда араб саҳросида яшаган ҳайвонларнинг қолдиқларини топишди.

Уларнинг ёши ярим миллион атрофида. Топилган суяклар филларнинг Elephas recki турига мавжуд.

Бу филлар Африка ва Яқин Шарқда 3,5 млн - 300 минг йиллар бурунга қадар яшаган.

Олимлар баландлиги 4.5 метр бўлган ўша ҳайвонлар бугунги филлардан камида икки баробар оғир бўлган, дея тахмин қилмоқда.

Робия ЖЎРАҚУЛОВА
тайёрлади.
ᅠ

@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

Фиқҳ фанидан "Нажосатларни поклаш" мавзусида 8-онлайн дарс бўлиб ўтмоқда. Қуйидаги манзил орқали кузатишингиз мумкин: https://www.facebook.com/muslimuzportal/videos/1927335514171032/

Ҳадис шарҳи фанидан "Саҳиҳ ва Ҳасан бошқп тур ҳадислар" мавзусида 9-онлайн дарс бўлиб ўтмоқда. Қуйидаги манзил орқали кузатишингиз мумкин: https://m.facebook.com/story.php?story_fbid=1927357384168845&id=1608085119429408

Москвада Қуръон байрами нишонланди
#ДУНЁ_ЯНГИЛИКЛАРИ

Ўтган ҳафта Москвада Қуръон байрами нишонланди. Байрам Москва концертлар саройининг Crocus City Hall концерт залида XVIII халқаро қорилар мусобақаси финали доирасида ўтказилди. Мусобақа финалида бешта энг зўр қори қатнашди. Финалда Россиядан вакил бўлиб Зариф Баракатулло иштирок этди.

Эслатиб ўтамиз: ҳар йили Қуръон байрамида минглаб одамлар йиғилади. Бу йилги меҳмонлар кенг дастурлар доирасида кутиб олинди. Унга кўра, хоҳлаганлар амру маъруф тинглаши ва мастер классда қатнашиши мумкин. Шунингдек, байрам дастурига ҳаж ва умрага ҳамда Туркия ва Мароккога саёҳат ютуқларини қўлга киритадиган ютуқлар ҳам киритилди. Шунинг билан бирга, ҳалол маҳсулотлар хайрия тадбири ҳам ташкил этилди. Болалар учун эса махсус дастур тайёрланди.

Робия ЖЎРАҚУЛОВА тайёрлади
ᅠ
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

Диний таълим соҳасидаги ислоҳотлар
#ЎЗБЕКИСТОН_ЯНГИЛИКЛАРИ

...
Қорилар мусобақаси:

Президентимиз Шавкат Мирзиёев жорий йил 1 сентябрь куни Ҳазрати Имом мажмуасидаги ташрифи чоғларида Қуръон мусобақаларини ўтказиш ҳақида ўзларининг таклиф ва тавсияларини берган эдилар. Дарҳақиқат, ҳозирда Қуръонни тўлиқ ёд олишни ўргатадиган таълим даргоҳи Тошкент ислом институтининг “Таҳфизул Қуръон” кафедраси Республикамизда ягона бўлиб турибди. Шундай бўлсада, қориларимиз жаҳон миқёсида ўтказилаётган мусобақаларда олий ўрин соҳиблари бўлмасаларда, Юртимиз шарафини муносиб ҳимоя қилиб келмоқдалар. Алломалар юрти, бухорийлар, термизийлар юртидан келган қорилар сифатида Эрон Ислом Республикаси, Иордания Ҳошимийлар қироллиги, Саудия Арабистони, Индонезия, Кувайт ва Россия Федерацияси каби мамлакатларда ислом институти ва ўрта махсус билим юрти талабалари шу кунга қадар иштирок этиб келишаётган эди. Худо хоҳласа, Ислом цивилизация маркази ташкил этилиши билан жаҳон миқёсидаги қорилар мусобақаси алломалар юртида ҳам ташкил этилади. Ўшанда мураттаб ва мужаввид қориларимиз аждодларига муносиб ворис сифатида юртимиз довруғини жаҳонга ёйишади, Қуръон тиловати таралаётган Юртда Яратганнинг баракотлари ёғилади, иншааллоҳ. Бундан ташқари Ислом цивилизация марказидаги конференциялар залида илмий-амалий, диний-марифий йўналишдаги халқаро конференциялар ўтказилади.

Онлайн дарслар;

Ўзбекистон мусулмонлари идораси раҳбарияти кўрсатмаси ва бевосита раҳнамолигида “muslim uz.” порталида диний-маърифий онлайн дарслар ташкил этилганлиги “жаҳолатга қарши маърифат” ғоясининг яна бир кўриниши бўлди. Тафсир, ақида, ҳадис, фиқҳ, ислом тарихи ва араб тили фанларидан юртимизнинг кўзга кўринган олимлари ва ТИИ ўқитувчилари динимиз асосларини халқимизга холисона етказиб беришда ўз билим ва салоҳиятларини аямаяптилар. Бу эса халқимизни дину диёнатни тўғри англайдиган, ёт ғояларга алданиб қолмайдиган, илм-маърифатли шахслар бўлиб тарбияланишларига хизмат қилади...

ᅠ
БАТАФСИЛ
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

Охират уламоларининг сифатлари
#МАҚОЛАЛАР

Дунёда илмли инсондан, зиё йўлини тутган охират уламоларидан кўра яхши одам йўқ. Уларнинг наздида, дунё ва охират бамисоли кундош. Улар охиратни дўст тутиб, ўзларини фойдаси оз илмлардан четга олади, нафи улуғ илмларга интилади.

Шақиқ Балхийдан ривоят этилишича, у зот Хотимдан: «Мен билан бир қанча вақт бирга бўлдинг, нима ўргандинг?» деб сўради. Хотим: «Саккиз масалани ўргандим:

Биринчиси – халойиққа боқдим, ҳар бирининг маҳбуби борлигини билдим. У вафот қилиб қабрга етса, маҳбуби ундан ажралади. Бу ҳолни кўриб қабримда мен билан бирга бўлсин дея барча ҳасанотларимни (яхши амалларимни) ўзимга маҳбуб этдим.

Иккинчиси – Аллоҳнинг таолонинг: «Нафсни орзу-ҳавасдан, бекорчи нарсалардан қайтарди» (Нозиот сураси, 40-оят), деган сўзига таҳаммум ила назар солдим ва нафсимни ҳавойи нафсдан ҳимоя қилишга жаҳд қилдим. Натижада у Аллоҳ тоатида қарор топди.

Учинчиси: – яна шуни билдимки, қиммати бор нарсани ҳамма ўзида сақлаб туради. Сўнг Парвардигорнинг: «Сизлардаги барча нарса тамом бўлади, Аллоҳ ҳузуридаги нарсалар боқий» (Наҳл сураси, 96-оят), деган оятига назар солдим, бас, ҳар доим қўлимга қиммати бор нарса тушиб қолса, уни дарҳол Аллоҳ ҳузурида боқий қолиши учун Ўзига йўлладим.

Тўртинчиси – одамларда мол-дунё, аслу насл, шон-шараф борлигини кўрдим. Менда улардан бирортаси ҳам йўқ. Бас, мен буюк Аллоҳнинг: «Батаҳқиқ, Аллоҳ ҳузурида энг мукаррамингиз – энг тақводорингиздир» (Ҳужурот сураси, 13-оят), деган сўзига боқдим ва Унинг ҳузурида мукаррам бўлиш учун тақво қилдим.

Бешинчиси – инсонлар бир-бирларига ҳасад қилишларини билдим ва улуғ Аллоҳнинг: «Биз ўрталарида маишатларни (турлича) тақсимлаб қўйдик» (Зуҳруф сураси, 32-оят), деган сўзига назар ташладим ва ҳасадни тарк этдим.

Олтинчиси: – одамлар бир-бирларига қарши адоват этишларига гувоҳ бўлдим. Шунда Парвардигори оламнинг: «Дарҳақиқат, шайтон сизларга дўст эмас, уни душман деб билингизлар» (Фотир сураси, 6-оят), деган сўзига қарадим, дарҳол одамларга адоват этишни тарк қилиб, шайтонни ягона душман деб билдим.

Еттинчиси: – инсонлар ризқ-рўз талабида ўзларини хор-зор этаётганларини кўрдим. Шунда мен улуғ Аллоҳнинг: «Ер юзидаги барча ҳайвонларга ризқни фақат Аллоҳ беради» (Ҳуд сураси, 6-оят), деган сўзига назар ташладим, бас, Аллоҳ менга юклаган вожиботларни адо этиш билан машғул бўлиб, Унинг ҳузуридаги менга тегишли нарсаларни тарк этдим.

Саккизинчиси – одамлар ўзларининг тижоратлари, касб-корлари ва сиҳҳат-саломатликларига бино қўйиб беташвиш эканини кўриб, мен ягона улуғ Аллоҳга таваккал этдим.

Охират уламоларининг сифатлари шундай. Улар султонлардан ғамда бўлиб, уларга ихтилот – аралашишда эҳтиёткор бўладилар».

Ҳузайфа розияллоҳу анҳудан: “Расулуллоҳ саллоллоҳу алайҳи васаллам: «Сизлар фитна ўринларидан эҳтиёт бўлинглар», дедилар. У зотдан: «Фитна ўринлари нима?» деб сўрашди. У зот жавоб бериб бундай дедилар: «Умаролар эшиклари. Сизлардан бир киши амир ҳузурига кириб ёлғонни ростга чиқаради, ўзида йўқ нарсани сўзлайди».

Ана шундай илму таълимот ва тақвога амал қилиб боришда Аллоҳнинг ўзи сизу бизга куч ва қувват ато айласин.

Мухторжон ШАРОФУДДИНОВ,
Марҳамат тумани бош имом-хатиби
ᅠ
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

Муҳаммад соллаллоҳу алайҳи васаллам илмни талаб қилиш вожиблигини айтиб, “Илмни талаб қилиш ҳар бир мусулмонга фарз”, дедилар.
Имом Термизий Абу Дардо розияллоҳу анҳудан ривоят қилди: “Расулуллоҳ соллаллоҳу алайҳи васалламдан эшитдим айтдилар: “Ким илм талабида бир йўлдан юрса, Аллоҳ унга ана шу илм сабабли жаннатга йўлни осон қилиб қўяди. Албатта, малоикалар ўз қанотларини илм толиблари учун рози бўлган ҳолда қўяди. Албатта, илм толиби учун осмондаги ва ердаги бор нарса, ҳатто сувдаги балиқлар ҳам истиғфор айтади. Олимнинг обиддан афзаллиги ўн тўрт кунлик ойнинг бошқа юлдузлардан афзаллиги кабидир. Баъзи балоғат олимлари дедики: “Илм ўргансанг, у сени кичиклигиндан улуғ қилади, катта бўлганингда сени тўғри йўлга йўллайди.

ᅠ
БАТАФСИЛ
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

#ИБРАТЛИ_ҲИКОЯЛАР
КЕТМОНЧА

Курсдошим Норқобилни учратиб қолганим яхши бўлди. У дарҳол уйига таклиф қилди. Ҳангомалашиб ўтирар эканмиз, пешайвон токчасида, қуёш шуъласида калтароқ сопли кетмонча диққатимни тортди. Кетмончанинг азизлаб қўйилганидан ажабланганимни пайқаган Норқобил бундай деди:

“Кетмонча 90 ёшли отамдан эсталик. Ҳар сафар унга кўзим тушганда, кўз олдимда отам гавдаланади. Шу кетмон отамга доимий ҳамроҳ бўлган. Шунинг учун ҳам ҳар уч кунда артиб, тозалаб токчага олиб қўяман. Ҳар-ҳарда ишлатиб ҳам тураман. Бундан уч ой олдинги воқеа содир бўлмаганида отам 100 ёшга кирармиди... Аллоҳ билгувчи, лекин ўша кунги ишимни эсласам виждоним азобланади. Ўзимни койиб гоҳида кўрнамаклик қилдим деб маломат ҳам қиламан.

Отамни ҳар куни гоҳ помидор, гоҳ ловия орасида кетмон чопаётганини кўраман.

– Қуёшнинг иссиғида нима зарур, сизга, – десам.

– Эрмакда болам, – деб қўярди.

Отамни кетмон кўтариб юрганини кўрганлар мени койийди.

– Отангга дам берасанми, йўқми?!

– Сенинг отангда қасдинг борми?

Бу гапларни қайта-қайта эшитаверганимдан бир куни ўзимни тутиб тура олмадим. Ишдан барвақт келган эдим. Отам кетмончада кечки сабзининг ариғини ковлаётган экан.

– Сизга нима зарур, ота, уйга кириб дамингизни олсангиз бўлмайдими? Шу кетмончани менга беринг, дедим-у, қўлидан олиб, ирғитиб юбордим.

Отам бўлса:

– Бу нима қилганинг, болам! Суянчиғимдан айирдинг-а! – деди. Яна бир нималар деб ғулдираганча хонасига кириб кетти.

Бир соатлар чамаси ўтди. қилмишимдан пушаймон бўлиб узр сўрагани кирсам иситмаси чиқиб алаҳсираб ётибди. Дарров дўхтир чақирдим. Дори-дармон қилдик, фойдаси бўлмади. Саҳар чоғида жон таслим қилди. Отамнинг ўлимига мен сабабчи бўлиб қолдим. Ўзимни ҳеч кечиролмайман. Отам 100 ёшга кирармиди деган фикр хаёлимдан ўтаверади...”

Дўстимнинг юзини ёш томчилари қоплаб олди. Мен эса қўлларимни дуога очдим.


Абдусаттор ҒОФУРОВ
ᅠ
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

ҒОШИЯ СУРАСИ
“Ғошия” – ўраб олувчи. Қиёматнинг сифатларидан бири. Дарҳақиқат, у ҳамма мавжудотни ўз таъсир доирасига олувчи бўлгани учун унинг номларидан бирига айланган. Сурада туя, осмон, тоғ ва ерларнинг илоҳий ҳикмат асосида ажойиб ва ғаройиб шаклда яратилгани, уларга ибрат ва маърифат назари билан боқиш зарурлиги, шунингдек, Макка мушриклари томонидан қаттиқ қаршиликка учраган Пайғамбар (а.с.) то Мадинаи мунавварага ҳижрат қилиб келганларидан сўнг ислом дини шону-шавкатга эга бўлгунича ўз умматини насиҳат ва эслатма услубида даъват қилишдан иборат экани зикр этилади.
@mp3Muslim | mp3Muslim.uz
https://t.iss.one/joinchat/AAAAAEFE_ihGgcOzHL2JoA

Ғошия сураси
#Қуръон #mp3muslimUz
▫️ Ҳасанхон Яҳё ва Ҳусайнхон Яҳё Абдулмажид
💾 1,03 МБ
🕑 02:33
@mp3Muslim | mp3Muslim.uz
https://t.iss.one/joinchat/AAAAAEFE_ihGgcOzHL2JoA

Омад калити
#Ибратли ҳикоя #mp3muslimUz
💾 1,10 МБ
🕑 02:43
@mp3Muslim | mp3Muslim.uz
https://t.iss.one/joinchat/AAAAAEFE_ihGgcOzHL2JoA