Shok xabar, ko'ngli bo'shlar o'qimasin!

Aytishlaricha, mahallamiz asfalt bo'layotgan emish!

@mukhammadkarim_tukhtaboev

Musiqa tinglab kod yozish

Bugun sizlarga dasturchilar uchun tanish bo'lgan holat - musiqa tinglab ish qilish haqida aytib bermoqchiman.

E'tibordan chetda qolgan, ammo judayam muhim mavzu hisoblanadi. Chunki, bu jarayonni noto’g’ri yo’lga qo’yish ish samaradorligiga yaxshigina ta’sir qilishi mumkin. Ba'zilar shunchaki jim-jitlikda kod yozishni xohlaydi, ba'zilar esa musiqa sadosi ostida. Musiqa va dasturlashni yaqindan tushungan inson sifatida bu mavzuga chuqurroq kirib ko'rdim. Bu post esa aynan musiqa tinglab ish qiluvchilar uchun.

Maqsadingiz ishingizga fokus qilib, miyangizni bir joyga qo'yish, to'g'rimi? Demak, siz aqlingizni chalg'itadigan kuylardan, ovozlardan qochishingiz kerak. Ayniqsa, loyihaning mantiqiy qismlarida ishlayotganingizda.

1. Qo'shiq tinglamang. Sababi, qo'shiqda so'zlar, ma'no bo'ladi. So'z bo'lgan joyda miya ishlaydi, uni tushunishga harakat qiladi. Bu esa miyangizni bir qismi qo'shiqqa qaratilishini bildiradi.

2. Ma'no musiqada ham bo'lishi mumkin. Matni bo'lmasa ham ma'no bo'lishi mumkinmi degan savol tug'iladi. Ha, albatta. Shunday musiqalar borki, ularda ma'no to'la, huddi o'zining tilida nimalardir degandek bo'ladi. Bu turdagi musiqalardan domlalar o'z maruzalarida yoki mazmunli suhbatlar, she'rlar ostida foydalanishadi. Bu turdagi musiqalarni tinglaganingizda miyangiz ishlaydi, xotiralarni eslatishi mumkin.

Namuna:
- https://www.youtube.com/watch?v=9vIcR9BvS1U
- https://youtube.com/watch?v=k0VcX4BvOrc&t=65s
- https://www.youtube.com/watch?v=xFdm-IDvaDU

3. Ma'nosiz musiqalar siz uchun yaxshiroq. Bir xil tempda, tebranishda davom etadigan musiqalar sizga yordam bera oladi. Bu huddi, soatning chiqqillashiga o'xshaydi. Nafaqat musiqa, bir xil tebranishga ega bo'lgan istalgan jarayon miyaga yoqimli bo'ladi. Bolalarni uxlatishda beshikning tebranishi yordam bergani kabi.

Namuna:
- https://www.youtube.com/watch?v=M5QY2_8704o
- https://www.youtube.com/watch?v=mhNg55_IYiw
- https://www.youtube.com/watch?v=-sZqtdT-GVw

Ba'zida ma'nosiz narsalar ma’noli narsalarni tug’ilishiga hizmat qiladi.

@mukhammadkarim_tukhtaboev

Dasturlashni ustozimiz Qudrat akadan o'rganing!

Qudrat aka o'zini "Dasturlash bo'yicha eng kuchli ustoz" deb ayta olmabdi. Eng kuchli ustozligini shaxsan men tasdiqlayman. Siz tanigan ko'plab katta dasturchilar boshlang'ich dasturlashni Qudrat akadan o'rgangan. Agar siz foundation bo'yicha kurs izlab yurgan bo'lsangiz, siz uchun eng zo'r tanlov.

Men:
"Qudrat aka dasturlash bo'yicha eng kuchli ustoz!".

Saidolim aka:
"Qudrat aka kompyutersiz dasturlashni o'rgata olgan inson!"

Sardor og'a:
"Dasturlash bo'yicha bunday katta tajribaga ega ustoz hech qayerda yo'q, ishonavering, borlari ham dars bermaydi."

Kurs haqida batafsil: https://t.iss.one/QudratAbdurahimov/475

@mukhammadkarim_tukhtaboev

DevOps sohasi 2025-yilda o’rganish kerak bo’lgan top kasblar qatorida.

So’ngi paytlarda mendan DevOps chi so’raydiganlar soni ancha ortdi. Ammo nomzod topishda qiynalaman. Tanishlarimning esa bir dunyo ishlari bor. DevOps bo’yicha kurslar o’tilayotganini eshitdim. Boshqa qayerda bunday kurs borligini bilmayman to’g’risi.

Havola:
https://t.iss.one/fintechhubuz/1250

Juda qiziqarli va jiddiy kasb. Maoshlari ham jiddiy ))

@mukhammadkarim_tukhtaboev

O’zimiznikilar “Daydi Shamol” nomli kino olishibdi.

Asosiy qahramon (haker):
- Men JavaScript da yozaman.

Asal Shodiyeva (haker):
- Men Assembler da yozaman. Script Kitty ekansizlarku ))

O’zining yo’nalishi bo’yicha ajoyib kino bo’libdi. Youtube ga qo’yilganda ko’rarsizlar 😅 Bu postni JS chilarga yuborib qo’ying.

@mukhammadkarim_tukhtaboev

Karyerada bo’yiga va eniga o’sish

Kecha Jahongir aka “Dasturchilar uchun menejer bo’lish lavozim oshishi emas...” deb yozibdi. Bu fikr shubhasiz yarim to’g’ri. Negaligini esa batafsil tushuntirishga harakat qilaman.


Lavozimlar narvon shaklida emas

Ko’pchilik korxonadagi lavozimlar strukturasi haqida o’ylaganda uni faqat tepaga ketgan narvon shaklda tasavvur qiladi. Lavozim oshishi uchun esa, shu narvondan pog’onama-pog’ona chiqish kerak deb hisoblanadi. Ingliz tilida “going up the career ladder” degan jumla ham bor.

Lekin aslida lavozimlar narvon shaklida tuzilmagan, ayniqsa yirik bigtech kompaniyalarda. U ko’proq piramidaga o’xshaydi. Ya’ni u yerda ham bo’yiga, ham eniga o’sish imkoniyati bor. Faqat bir jihati, o’sish davomida ular bir-biridan uzoqlashmaydi, aksincha ikkalasi ham markazga qarab yuradi.

Kompaniyaga yangi kelgan va karyerasini endi boshlagan paytingizda (men ham shu qatori) esa piramidaning eng quyi burchagiga joylashasiz. Sizda esa o’sish yoki lavozim oshishiga harakat qilishning esa ikki xil yo’li bor: eniga qarab markazga yoki tepaga.


Eniga o’sish

Jahongir aka fikri nega yarim to’g’ri ekanini allaqachon tushungan bo’lsangiz kerak. Ular ham aslida “O’sish faqat bo’yiga emas, eniga ham bo’lish mumkin” demoqchi bo’ldilar.

Eniga o’sish sizning bilimingiz, tajribangiz, muammolarni yecha olish va boshqa qattiq ko’nikmalaringiz (hard skills) orqali amalga oshadi. Dasturiy muhandislik borasida bu Software Engineer, Software Engineer II, Senior Software Engineer, Lead, Principal, Distinguished va hokazolarga bo’linib ketadi. Har xil kompaniyalarda bu har xil nomlanadi. Lekin odatda 7-8 darajadan iborat bo’ladi.

Men masalan, L1 darajadaman. L4 darajaga chiqish esa o’rtacha 5+ yil vaqt oladi. Undan uyog’i taxminan har bir daraja 5 yildan 😐

Eniga o’sishda ham aytganimdek markazga qarab yuriladi, ya’ni unda ham ko’proq odamlar bilan ishlashingizga, ko’proq narsalarga javob berishingizga, ko’proq asabingizni sarflashga majbur bo’lasiz. Faqat asosiy farqi, eniga o’sishda boshqalarni boshqarishga (rasman) javobgar bo’lmaysiz.


Menejerlik haqida ikki og’iz

Bo’yiga o’sishga o’tishdan oldin menejerlikka o’tish har doim ham bo’yiga o’sishni anglatmasligini eslatib ketish kerak. Product Manager, Program Manager, Scrum Manager kabilar menejer sifatida odamlarni emas, boshqa narsalarni boshqarasiz.

Dasturchilikdan bu kasblarga o’tish, shubhasiz, umuman boshqa yo’nalishga o’tishni anglatadi.


Bo’yiga o’sish

Bo’yiga o’sishni ortiqcha tushuntirishga hojat yo’q. Lekin uning eng asosiy 2ta shartini aytib ketish kerak:
1. Bo’yiga o’sish davomida siz, albatta, odamlarni boshqarishga javobgar bo’lib borasiz. Qanchalik o’sgan sari javob beradigan odamlaringiz ham shunchalik ko’payadi
2. Yuqoriga o’sishda markazlashish majburiy bo’ladi. Ya’ni aytganimdek lavozimlar strukutrasi piramida, to’g’ri to’rtburchak emas. Shuning uchun ham oldinroq ham faqat “tepaga” deb ketdim “tepaga qarab markazga” emas.

Bulardan esa yana ba’zi xulosalar kelib chiqadi:
1. Tepaga qarab yurganingiz sari kenglik torayib, lavozimlar ahamiyati tenglashib boradi. Masalan, CFO, CTO, CIO, COO, CMO hammasi teng va CEO ga hisob beradi. CEOda esa solishtiriadigan odamning o’zi yo’q :)
2. Yuqoriga qarab yurishni tanlasangiz, oxirgacha faqat yuqoriga qarab intilish yo’li qoladi xolos


Hali aytadigan gaplar ko'pku, lekin hozircha shu yerda to'xtagan ma'qul.

Xulosa va maslahat o'rnida esa

Eniga o'sish sharti — qattiq ko'nikmalar (hard skills) kuchayishi yoki tabiiy kuchli bo'lishi. Bo'yiga o'sishda esa yumshoq ko'nikmalar (soft skills) o'rni asosiy rolda. Qaysi tomonlama iste'dodingiz va qiziqishingiz baland ekaniga qarab o'sish yo'nalishini tanlash mumkin.

#career_life #engineering_life #postbase

P.S: Keyingi postda qattiq va yumshoq ko'nikmalar haqida batafsilroq yozaman

@Janob_Musayev

O’zimda mavjud qobiliyatlardan imkonim borida va imkonim boricha foydalanishni boshladim. Hatolari bo’lsa, oldindan uzr so’rayman.

Oxirini eshitib, o’zimni istiqlol san’at saroyida konsert berayotgandek his qildim 😅

@mukhammadkarim_tukhtaboev

Microsoft 6000 ta ishchini ishdan bo’shatganini bunga aloqasi yo’q 😆😂

Toshkentni havosi ifloslanganidan xursand emasman, lekin so’ngi paytlarda kitoblar tilga kirishni boshlagani meni xursand qilyapti )

@mukhammadkarim_tukhtaboev

🥋🥋🥋

Mana bugun belbog'ni ham yangiladik. 😄

Jigarrang bu Strong Middle degani :)

Yuzimga e’tibor bermaysizlar, belbog’ rangi bilan bir xil bo’lib qolibdi. Qirg’izistonga sayohat mahsuli bu 😄

@mukhammadkarim_tukhtaboev

Eshitib baxo beringlarchi, layk va komment bilan qo’llab quvvatlab yuborsangiz degandim. Shunchaki olovcha bo’lsa ham ))

https://www.youtube.com/watch?v=gEpSvEbcHJo

Shu yana 1-2 oy sport va san’atda aktivroqman. Undan keyin yana IT da zo’r yangiliklar bilan qaytaman. Rejalari tayyor ))

O'zi ijtimoiy loyiha bo'lishiga qaramasdan, yaxshigina maosh ham taklif qilishmoqda. Agar o'zingizni nomzod sifatida ko'rsangiz ariza qoldiring ))

25-may. Bitirganimizga 10 yil bo'libdi.

Hurmatli bitiruvchilar, 11 yilni qanday o'tkazganingizni bilmayman, ammo qanchalik tez o'tganini bilaman.

Endi navbat oliygohga va kasbiy hotirjamlikka. Uni qanday o'tkazishingizni ham bilmayman, ammo ishoning, oliy ta'limdagi 4 yil ham shuv etib o'tib ketadi.

Yakunda ham hayotingizni qanday o'tganini bilmasam kerak, ammo umringizni qanchalik tez o'tib ketganini bilaman.

Bugun sizga havas bilan qarayapman. Chunki oldingizda cheksiz imkoniyatlar turibdi. Foydalaning, ishlaringizda omad tilayman!

@mukhammadkarim_tukhtaboev