#VatanHimoyachilariKuni #QurolliKuchlar33
#Margʻilon, #HarbiyVatanparvarlikOyligi

Marg‘ilon shahrida harbiy-vatanparvarlik tadbiri tashkil etildi
 
💫Marg‘ilon shahar Erkin Vohidov nomli ijodkorlar bog‘i hududida joylashgan sport majmuasida “Yangi O‘zbekiston armiyasi – mamlakat tayanchi, xalqimiz faxri!” shiori ostida O‘zbekiston Qurolli Kuchlari tashkil etilganining 33-yilligi vaVatan himoyachilari kuni munosabati bilan bayram tadbiri tashkil etildi. Ushbu tadbirda Marg‘ilon shahar hokimligi, Sharqiy harbiy okrug harbiylari hamda okrug faxriylar vanuroniylar kengashi a’zolari, shahar mudofaa ishlari bo‘limi, 48982-sonli harbiy qism xizmatchilari, nuroniylar, harbiyorkestr jamoasi va marg‘ilonlik 2 ming nafarga yaqin yoshlarqatnashdi.  
 
🇺🇿Tadbir avvalida faxriy qorovullar boshchiligida bayram qatnashchilari harbiycha yurishni amalga oshirdilar. Shundan so‘ng, sport majmuasi harbiy maydonchasida Mudofaa ishlari bo‘yicha Marg‘ilon shahar bo‘limi boshlig‘i X.Djuraboyev so‘zga chiqib, yig‘ilganlarni kirib kelayotgan bayram bilan qutlab, tantanali bayram tadbirini ochib berdi. Tadbir davomida Harbiy orkestr tomonidan ijro etilgan turli yo‘nalishdagi musiqalar va jangovor  faxriy qorovulning saf chiqishlari barchada katta taassurot qoldirdi.  O‘quvchi-yoshlar vatan posbonlarining chiqishlarini olqishlar bilan qarshi olishdi.
 
❤️‍🔥Tadbir yakunida harbiylar tomonidan tayyorlangan ko‘rgazmada zamonaviy milliy armiyamizda qo‘llaniladigan qurol-aslahalar namoyish etilib, vatan posbonlari yosh avlod vakillarining turli yo‘nalishdagi savollariga javoblar berib o‘tdilar.  Aytish joizki, mazkur tadbirlar eng avvalo, yoshlarni harbiy-vatanparvarlik ruhida tarbiyalash, ularda yurtga muhabbat va daxldorlik hissini oshirish, milliy g‘ururni mustahkamlashga xizmat qiladi.
 
“Yangi O‘zbekiston armiyasi – mamlakat tayanchi, xalqimiz faxri!”


Web sayt| 🕊Telegram|📱Facebook

Марғилон шаҳар ҳокимлигида 2024-йилда оила ва хотин-қизлар тизимида амалга оширилган ишлар бўйича кенгайтирилган ҳисобот йиғилиши бўлиб ўтди

Шаҳар ҳокими 1-ўринбосари Дилшоджон Тўлқинов ҳамда оила ва хотин-қизлар бўлими бошлиғи Гулнорахон Жўрабева бошчилигида ташкил этилган ҳисобот йиғилишида оила ва хотин-қизлар йўналишига масъуллар, хусусан, маҳалла ва ички ишлар органлари хотин-қизлар билан ишлаш бўлими ходимлари, мактаб ва мактабгача таълим тизими, соғлиқни сақлаш, бандлик ва бошқа қатор ташкилот ва корхоналар вакиллари иштирок этди.

Тадбир давомида жорий йилда оила институтини мустаҳкамлаш, хотин-қизларнинг қонуний манфаатларини ҳимоя қилиш, уларнинг ижтимоий-сиёсий фаоллигини ошириш, жамиятда гендер тенглиги масалалари, она ва бола саломатлигини сақлаш, хотин-қизларни касбга ўқитиш ва бандлигини таъминлаш каби йўналишлар муҳокама қилинди.

Ҳисобот йиғилишида Марғилон шаҳрида мазкур йўналишда олиб борилган ишлар статистикаси ҳоким ўринбосари томонидан танқидий муҳокама этилди. Унга кўра хотин-қизлар бандлиги, аёллар ўртасида содир этилган ҳуқуқбузарликлар, ажрим ва эрта туғруқ каби масалалар ҳолати ўрганилди.

Масъуллар томонидан январь-декабрь ойлари давомида шаҳарда аёлларни тадбиркорликка кенг жалб этиш, эҳтиёжманд оилаларни ижтимоий қўллаб-қувватлаш борасида амалга оширилган ишлар бўйича йиғилганларга маълумотлар бериб ўтилди.

Йиғилиш давомида Давлатимиз раҳбарининг жорий йил ноябрь ойида Олий Мажлис Қонунчилик палатаси ва Сенатининг биринчи мажлисида сўзлаган нутқининг ғоя ва вазифаларини амалиётга татбиқ этиш ҳар бир давлат хизматчининг устувор вазифаси эканлиги яна бир бор таъкидланди.

Якунда ҳоким ўринбосарлари томонидан Оила ва хотин-қизлар тизимидаги 2025 йил учун устувор йўналишларда амалга оширилиши зарур бўлган мақсад ва вазифалар белгилаб олинди.

Марғилон шаҳар Ахборот хизмати

Web sayt| 🕊Telegram|📱Facebook

2024 йил 25 декабрь куни Марғилон шаҳридаги Рақамли технологиялар АЙТИ марказида вилоят ҳуқуқни муҳофаза қилиш органлари раҳбарлари томонидан давлат ва жамоат ташкилотлари иштирокида оммавий сайёр қабул ўтказилди

       Қабулда  фуқаролар томонидан суриштирув ва дастлабки тергов ҳаракатлари, ИИО хизматига ишга, ўқишга кириш, ишга қайта тиклаш, ИИО кадрлар фаолияти билан боғлиқ ротация масаласи, светофор ва йўл белгиларини ўрнатиш, ижро ҳужжатлари ижросига оид, бандлик, соғлиқни сақлаш, суд, ер-мулк, банк кредити ва бошқа масалалар бўйича  фуқаролар ҳамда тадбиркорлардан, жами 83 та мурожаатлар қабул қилинди. Қабул давомида  20 та мурожаат  жойида ижобий ҳал этилиши таъминланди. 13 та мурожаат бўйича малакали мутахассислар томонидан ҳуқуқий маълумотлар берилиб, 50 та мурожаат қўшимча ўрганиш талаб этилиши зарурати сабабли соҳа масъуллари томонидан назоратга олинди.

Шунингдек, Марғилон шаҳар ҳокими Ш.Нисбатхонов ва сектор раҳбарлари томонидан ҳам фуқаролар ва тадбиркорлар учун қабул ташкил этилиб, жами 7 нафар фуқаролар томонидан бандлик, ижтимоий ҳимоя ва  тикув машинаси олишда ёрдам, аҳоли пунктини ободонлаштириш, коммунал соҳа ва бошқа йўналишлардаги мурожаатлари кўриб чиқилди. Улардан 3 таси жойида ижобий, 2 та мурожаат бўйича мурожаатчиларга ҳуқуқий маълумот берилди. 2 та мурожаат бўйича  белгиланган муддатларда кўриб чиқиш мақсадида мутасаддиларга топшириқлар берилди.

Марғилон шаҳар Ахборот хизмати

Web sayt| 🕊Telegram|📱Facebook