Ўзбекистон Республикаси Конституцияси қабул қилинганлигининг  32 йиллиги муносабати билан Марғилон шаҳар ҳокимлиги томонидан байрам тадбири ташкил этилди

 🇺🇿Марғилон шаҳар маданият марказида сектор раҳбарлари, шаҳар ҳокими ўринбосарлари, ҳуқуқ-тартибот идоралари, шаҳар кенгаши депутатлари, таълим, соғлиқни сақлаш, маданият, иқтисодий ва коммунал соҳа  вакиллари  ҳамда нуроний ва ёшлар иштирокида “Конституция - эркин ва фаровон ҳаёт гарови!” деган бош ғояни ўзида мужассам этган ташкилий-амалий ҳамда  мусиқий байрам тадбири бўлиб ўтди.

📝Байрам тадбирини шаҳар ҳокими Шукуруллохон Нисбатхонов очиб, Давлатимиз конституцияси - Янги Ўзбекистонни барпо этишда, ижтимоий давлат тамойиллари ва унинг ривожланиши, халқаро ҳуқуқ нормаларига риоя этилишидаги ўрни, Янги таҳрирдаги Конституцияни яратишда халқаро ҳуқуқнинг умумэътироф этилган қоидаларига қатъий амал қилинганлиги ҳақида сўз юритиб байрам билан барчани қутлаб, тадбирни очиб берди.

🗂 Шундан сўнг, шаҳар адлия бўлими бошлиғи М.Ҳайдаров сўзга чиқиб,  Конституциянинг яратилиш тарихи ва ундаги ўзгартиришлар ҳамда янги таҳрирдаги Конституция ҳақида тўлиқ маълумотлар бериб ўтди.

📚 Тадбир давомида турли бадиий жамоаларнинг чиқишлари байрамга  ўзгача шукуҳ бахш этди. Хусусан, турли миллат вакилларининг вилоят Миллий марказининг маданий дастурлари, ҳарбий ватанпаварлик руҳидаги бадиий кўринишлар ҳамда хушовоз ҳонандаларининг Ватанни мадҳ этувчи куй ва қўшиқлари намойиш этилди.

Марғилон шаҳар ҳокимлиги ахборот хизмати

Web sayt|Telegram|Facebook