"Бахрин" маҳалласида қурилиш ва таъмирлаш ишлари қизғин давом этмоқда

Аввал хабар берганимиздек, Марғилон шаҳридаги "Бахрин" МФЙда “Обод хонадон”, “Обод кўча” ва “Обод маҳалла" дастури бўйича аҳоли турмуш даражасини ошириш, уларнинг муносиб ҳаёт кечириши учун зарур шароитларни яратишга қаратилган комплекс ёндашув асосидаги қурилиш-таъмирлаш, ободонлаштириш ишлари давом этмоқда.

Хусусан бугун маҳалла ҳудудидаги ички кўчаларда жойлашган, нураб қолган эски уйлар бузилиб, лойиҳа асосида янги объектларнинг қурилиш ишлари қизғин тус олган.

Маҳалла ҳудудидаги "Хўжапорсо" қабристонининг нураб қолган эски девори бузилиб, ўрнига пухта, замонавий кўринишдаги янги девор қуриш ишлари ҳам давом этмоқда.

Асосий ва ички кўчаларда яроқсиз ҳолга келиб қолган бетон таянчлар янгисига алмаштирмоқда. Аҳоли яшаш хонадонларининг фасад қисмларини мукаммал таъмирдан чиқариш жараёнлари эса якунига етказилиш арафасида.

Бир сўз билан айтганда, маҳаллада қурилиш ва таъмирлаш ишлари қизғин давом этмоқда.

#Erkin_Vohidov_nomidagi_ijod_maktabi
#Margʻilon_shahar_musiqali_maqom_teatri

✅Davlatimiz rahbari ishtirokida o‘tkazilgan Respublika ma’naviyat va ma’rifat kengashi yig‘ilishida idora va muassasalarda oyning bir kuni “Teatr kuni” deb belgilanib, xodimlarning teatrlarga borishini yo‘lga qo‘yish ta’kidlangan edi.

🤩Mazkur tashabbusni qo‘llab-quvvatlash maqsadida Erkin Vohidov nomidagi ijod maktabida Marg‘ilon shahar musiqali maqom teatri jamoasi tomonidan “Alisher Navoiy” nomli spektakli namoyish etildi. Unda ijod maktabi jamoasi, pedagoglar, o‘quvchilar va keng jamoatchilik vakillari ishtirok etishdi.

✅Asar mualliflari Nurullo Abbosxon, sahnalashtiruvchi rejissor Doston Haqberdiyevlarga maroqli kun uchun o‘z minnatdorchiligimizni bildiramiz. Mahorat bilan kuylangan qo‘shiqlar tomoshani yanada qiziqarli, ta’sirli va ruhiy tarbiyaga boyitgani bilan tomoshabinni o‘ziga jalb qildi.

https://t.iss.one/maqom_teatr

Буюк Британиянинг Werner Capital инвестицион компанияси Фарғонада чиқиндини қайта ишлаш лойиҳасига 13 млн. доллар сармоя йўналтиришни режалаштирмоқда

Вилоят ҳокими Хайрулло Бозоров Буюк Британиянинг чиқиндиларни қайта ишлаш соҳасига сармоялар киритишга ихтисослашган Werner Capital инвестицион компанияси бошқарув кенгаши раиси Томас Вернерни ҳамда унинг маҳаллий ҳамкорларини қабул қилди.

Учрашувда Werner Capital компаниясининг сармоялари ҳисобига Фарғона тумани Саткак қишлоғи яқинида жойлашган марказий чиқиндихона ҳудудида амалга ошириш режалаштирилаётган, қиймати 13 млн. доллар бўлган икки босқичли чиқиндини қайта ишлаш лойиҳаси муҳокама қилинди.

Батафсил: https://fergana.uz/site/view/news/11383594

Fergana.uz | Telegram | Facebook | YouTube | Facebook | Instagram | Twitter

Вилоятимизда мактаб таълими соҳасида мавжуд ҳолат танқидий-таҳлилий муҳокама қилинди

Бугун вилоят ҳокимлиги мажлислар залида таълим соҳасида юртимизда амалга оширилаётган кенг кўламли ислоҳотларнинг вилоятимиздаги ижроси ҳолатининг танқидий ва таҳлилий муҳокамасига бағишланган йиғилиш бўлиб ўтди.

Видеоалоқа орқали вилоятимиздаги шаҳар ва туманлар студиялари ҳам уланган йиғилишда вилоят ҳокими Хайрулло Бозоров, вилоят секторлари раҳбарлари, ҳуқуқ-тартибот идоралари раҳбарлари, таълим соҳаси мутасаддилари, вилоятдаги 1039 та мактаб таълими муассасаларида фаолият юритаётган 55 мингдан зиёд педагогларнинг вакиллари сифатида келган мактаблар директорлари, илғор ва намунали ўқитувчилар иштирок этдилар.

Йиғилиш давомида таълим соҳасида амалга оширилаётган ислоҳотларнинг вилоятимиздаги ижроси ҳолати танқидий ва таҳлилий муҳокама қилиниб, соҳа олдида турган устувор вазифалар белгилаб олинди, мактаблардаги таълим, тарбия ва маънавият даражасини кўтаришда ўзаро ҳамкорликни янада кенгайтириш бўйича чора-тадбирлар белгиланди.

Батафсил: https://fergana.uz/site/view/news/11383595

Fergana.uz | Telegram | Facebook | YouTube | Facebook | Instagram | Twitter