⚡️⚡️⚡️ Mirobod tumanida kurash bo‘yicha “Prokuror kubogi” musobaqalari bo‘lib o‘tdi

Bugun, 9-oktabr kuni, 1-sonli sport maktabida kurash sport turi bo‘yicha “Mirobod tumani prokurori kubogi”ning final bosqichi bo‘lib o‘tdi.

Tadbirda Mirobod tumani hokimi Anvar Sayfutdinov, Mirobod tumani prokurori Bobur Abdullayev, tuman IIOFMB boshlig‘i Otabek Xodjayev hamda umumiy o‘rta ta’lim maktablarining 50dan ortiq sportchilari qatnashdilar.

Mirobod hokimi Anvar Sayfutdinov tadbirni ochib berar ekan, Yurtboshimiz tomonidan jismoniy tarbiya va sport sohasiga qaratilayotgan e’tibor va imkoniyatlar haqida so‘zladi.

Asrlar davomida mardlik, bag‘rikenglik, olijanoblik va halollik timsoli sifatida e’zozlanib kelingan, o‘zbek xalqining tarixiy merosi - “Kurash” milliy sport turini qayta tiklash, yoshlar o‘rtasida ommalashtirish, qobiliyatli kurashchilarni aniqlash va saralash bo‘yicha tumanda amalga oshirilayotgan keng ko‘lamli tadbirlar haqida ta’kidlab o‘tdi.

Shundan so‘ng “Mirobod tumani prokurori Kubogi” final bosqichiga start berildi.

Tumandagi 39ta mahallalardan final bosqichigacha yetib kelgan kurashchi sportchilar o‘z vazn toifalari bo‘yicha bellashdilar.

Qizg‘in va murosasiz kechgan bahslar yakunida o‘z vazn toifalarida g‘olibliklikni qo‘lga kiritan polvonlar diplom va qimmatbaho sovg‘alar bilan taqdirlanishdi.

Musobaqaning tuman bosqichida birinchilikni qo‘lga kiritgan polvonlar o‘z vazn toifalari bo‘yicha shahar bosqichida ishtirok etishadi.

| Facebook | Telegram | Youtube | Web-site|