⚠️ "Афросиёб" маҳалласида қад кўтарилаётган ноқонуний қурилма юзасидан мурожаатга МУНОСАБАТ

➡️ Миробод туманидаги “Афросиёб” маҳалласи Якуб Колас кўчаси 10-уйда истиқомат қилувчи фуқаро Елена Барсукова “Халқ назорати” гуруҳига мурожаат йўллаб, ўзи истиқомат қилувчи уйнинг орқа томонида қурилаётган ноқонуний қурилма бўйича тушунтириш берилишини сўраган.

Е.Барсукова ўз мурожаатида шунингдек, янги қурилаётган объект электр токини 10-уйга қарашли муҳандислик-коммуникация тармоқларидан олиши, бунинг оқибатида истиқболда юзага келиши мумкин муаммолардан ташвиш билдирган.

✅ Ушбу мурожаат юзасидан шуни маълум қиламизки, Миробод тумани ҳокимининг уй-жой, коммунал хизмат кўрсатиш ва ободонлаштириш масалалари бўйича ўринбосари Шерзод Якубов, Миробод тумани ҳокимининг матбуот-котиби – ахборот сиёсати бўйича маслаҳатчиси Дилшода Раҳматова ҳамда “Афросиёб” МФЙ раиси Хусан Жамилов мурожаатчи Елена Барсукова ва 10-уйда истиқомат қилувчи бошқа фуқаролар билан учрашиб, қад кўтарилаётган объект борасида тушунтириш бердилар.

Жумладан, Ўзбекистон Президентининг “Кўп квартирали уй-жойларни бошқариш тизимини янада такомиллаштириш тўғрисида”ги қарори ижросини таъминлаш мақсадида давлатга тегишли ушбу ҳудудда “Афросиёб” маҳалласидаги кўп қаватли уйларга хизмат кўрсатувчи бошқарув сервис компанияси учун бино қурилаётгани маълум қилинди.

Фуқароларга электр токи борасидаги хавотирлари асоссиз эканлиги тушунтирилди ҳамда бошқарув сервис компанияси афзалликлари ҳақида атрофлича маълумот берилди.

| Facebook | Telegram | Youtube | Web-site|

🇺🇿 Миробод ҳокими туманда “Обод маҳалла”дастури доирасида олиб борилаётган қурилиш-таъмирлаш ишларини кўздан кечирди

✔️ Миробод ҳокими Шуҳрат Пулатов туманда “Обод маҳалла” дастури доирасида ижтимоий соҳа объектларида олиб борилаётган қурилиш-таъмирлаш ишларини назорат қилди.

➡️ Хусусан, “Банокатий” маҳалласида жойлашган 175-ўрта умумтаълим мактабида бўлиб, бу ерда олиб борилаётган мукаммал таъмирлаш ишларини кўздан кечирди.

➡️ Ҳоким тўрт қаватли мактабнинг дарс хоналари, спорт залини кўздан кечириб, пудрат ташкилотга айрим тузатишларни киритиш бўйича кўрсатмалар берди.

➡️ Капитал таъмирлаш ишлари доирасида мактабда жумладан, иссиқлик, канализация ва сув таъминоти тизимлари алмаштирилган. Мактаб фасади янгиланмоқда.

➡️ Шунингдек, 175-мактаб "Ташаббусли бюджет" жараёнида фаол иштирок этиб, 1,2 млрд сўмлик лойиҳа ғолибига айланган. Ушбу маблағларга 43та ўқув синфхонасидан 31тасини янги мебел жиҳозлари билан жиҳозлаш кўзда тутилмоқда.

➡️ Мактаб ўқувчилари таъмирлаш ишлари вақтида вақтинча шу ҳудудга яқин бошқа мактабларга тақсимланган. Таъмирлаш ишлари якунланиши билан улар ўзларининг мактабига қайтиб, ўқишни давом эттиришади.

➡️ Ҳоким пудрат ташкилотга ишларни сифатли бажариш ва таъмирлаш ишларини қисқа муддатда якунлаш бўйича кўрсатмалар берди.

| Facebook | Telegram | Youtube | Web-site|

#Тротуар

📌 Фитрат ва Эски Саракўл кўчалари кесишмасидан бошлаб “Фурқат” боғигача тротуар ва велосипед йўлакчасининг қурилиш жараёни.

—————

📌 Процесс строительства тротуара и велосипедной дорожки на улице Эски Саракуль.
🟢 На облагораживаемой территории также монтируют систему полива.

| Facebook | Telegram | Youtube | Web-site|