⚡️⚡️⚡️ RASMIY MUNOSABAT

🔵 Ijtimoiy tarmoqlarda Toshkent shahar Mirobod tumanidagi 175-sonli umumta’lim maktabining bir qismi gimnastika mahorat maktabi o‘quvchilari uchun ajratilishidan norozi bo‘layotgan ota-onalar nomidan tarqalgan murojaatlarga rasmiy izoh.

🔝 Bugungi kunda 175-umumta’lim maktabida 1430 nafar o‘quvchilar tahsil olishadi. O‘quvchilar sig‘imi, sinf xonalari yetishmovchiligi muammosi mavjud emas. Qolaversa, boshlang‘ich sinf o‘quvchilari uchun alohida bino mavjud.

🗣 175-sonli umumta’lim maktabi ma’muriyati tomonidan bildirilishicha, tegishli buyruqqa asosan, maktab bilan yonma-yon joylashgan Gimnastika mahorat maktabi o‘quvchilari uchun 175-maktab balansidagi asosiy binoning 4-qavatidan bir nechta sinf xonalari sport maktabi o‘quvchilarining ta’lim jarayoni uchun vaqtincha foydalanishga topshirilishi rejalashtirilgan
Oksana Chusovitina nomidagi ixtisoslashtirilgan sport maktabiga 2024/2025-oʻquv yili uchun hujjatlar qabuli davom etmoqda va tahsil oladigan o‘quvchilar aniq soni 27-avgustda aniq bo‘lishi bois, ajratiladigan sinf xonalari soni sport maktabiga qabul qilingan o‘quvchilar sonidan kelib chiqqan holda belgilanadi.

❗️ Shuni alohida ta’kidlash joizki, sport maktabi o‘quvchilari uchun ajratiladigan sinf xonalari bo‘yicha 175-maktabda tahsil oluvi o‘quvchilarning ota-onalariga zarur tushuntirishlar olib borilgan, yakuniy qaror bo‘yicha qo‘shimcha ma’lumotlar taqdim etiladi.

| Facebook | Telegram | Youtube | Web-site|