⚡️⚡️⚡️ Kambag’allikni qisqartirish va bandlikni ta’minlash vaziri o‘rinbosari Ra’no Turdiboyeva O'zbekiston Respublikasi Prezidentining «2024-yilda yangi ish o'rinlarini tashkil etish va aholi bandligiga ko'maklashish dasturi to'g'risida»gi Qarorining joylardagi ijrosini o‘rganish maqsadida tumanimizda bo‘ldi.

Vazir o’rinbosariga “Alfraganus" majmuasida oshirilayotgan yangi loyihalar, yaratilgan va kelgusida yaratiladigan ish o‘rinlari borasida ma’lumotlar berildi.

Ayni paytda majmuada aholi turar joylari, mehmonxonalar, o‘quv muassasalari, bog‘ hamda yirik savdo majmuasi barpo etilmoqda.

Majmuada dastlab 800 ta, to‘liq quvvatda ish boshlagach 2000 ta doimiy ish o‘rni yaratiladi.

Ish beruvchilar bilan bo‘lib o‘tgan muloqotda amalga oshiriladigan yangi loyihalar uchun ishchi kuchini yetkazib berish masalalari muhokama qilindi.

Majmuada kelgusida qaysi soha vakillariga ehtiyoj ortishidan kelib chiqib “Ishga marhamat” monomarkazlarida ayni o‘sha yo‘nalish bo‘yicha fuqarolar kasb-hunarga o‘qitilishi va tayyor mutaxassis sifatida ushbu kompleksga jalb qilinishi aytib o‘tildi.

Asosiy masala ish beruvchilar va vazirlikning tuman bo‘limi o‘rtasidagi aloqalarni mustahkamlashga lozimligiga qaratildi.