⚡️⚡️⚡️ Davlat xizmatchilarida korrupsiyaga nisbatan murosasiz munosabatni shakllantirish mavzusida o‘quv-seminar tashkil etildi

Bugun Mirobod tumanida joylashgan M.V.Lomonosov nomidagi Moskva davlat universiteti Toshkent shahar filiali binosida "O‘zbekiston Respublikasida korrupsiyaga qarshi kurashishning ustuvor yo‘nalishlari, davlat xizmatchilarida korrupsiyaga nisbatan murosasiz munosabatni va unga qarshi kurashish bo‘yicha ijobiy xulqni shakllantirish” mavzusida seminar o‘tkazildi.

➡️ Seminarda Toshkent shahar hokimligi Korrupsiyaga qarshi ichki nazorat bo‘limi mas’ullari, Mirobod tumani hokimligi apparat xodimlari, mahallalardagi xotin-qizlar faollari, mahallalar “yettiligi”, tumanlardagi mahallabay ishlash va tadbirkorlikni rivojlantirish markazlari xodimlari, hokim yordamchilari, yoshlar yetakchilari ishtirok etishdi.

✅ Seminarda mamlakatimizning korrupsiyaga qarshi kurashish siyosati, bu boradagi qonunchilik va olib borilayotgan keng ko‘lamli tizimli ishlar haqida ma’lumot berildi. Shuningdek, korrupsiyaga qarshi kurashishda zamonaviy mexanizmlarni joriy etish yo‘nalishidagi ishlarga ham to‘xtalib o‘tildi.

‼️ Shuningdek, korrupsiya holatlarining oldini olish uchun xodimlar o‘rtasida tushuntirish ishlarini olib borish, ularni ishga olishda kasb etikasi hamda odob-axloq qoidalarini alohida tushuntirishga ham e’tibor qaratildi.

❗️ Korrupsiya bilan bog‘liq jinoyatlar va ular uchun belgilangan javobgarlik xususida ma’lumot berildi.

| Facebook | Telegram | Youtube | Web-site|