⚡️⚡️⚡️ Toshkent shahar hokimi «qizil» toifaga kiritilgan “Yangi Qo‘yliq” mahallasiga takroran keldi

Shu yilning 8 aprel kuni Toshkent shahar hokimi Shavkat Umurzakov boshchiligidagi ishchi guruh tumanimizning «qizil» toifaga kiritilgan “Yangi Qo‘yliq” mahallasida o‘rganish ishlarini olib borgan edi.

Bugun poytaxt hokimi o‘tgan tashrif chog‘ida tuman mas’ullariga berilgan topshiriqlar ijrosi holatini o‘rganish uchun takroran “Yangi Qo‘yliq” mahallasiga tashrif buyurdi.

Mirobod tumani sektor rahbarlari, tumandagi tashkilot va bo‘linmalar rahbarlari ishtirokida o‘tkazilgan yig‘ilishda mahallani ijtimoiy-iqtisodiy rivojlantirish bo‘yicha hisobotlar tinglandi.

Xususan, Mirobod tuman hokimi Anvar Sayfutdinov tomonidan ushbu mahallani “Obod mahalla” dasturi asosida aholi uchun qulay va obod manzilga aylantirish bo‘yicha taqdimot qilindi.

Unda, mahalla hududida yashil hududlarni ko‘paytirish maqsadida 900 tup mevali, manzarali daraxt va buta ko‘chatlarini ekish, mahallani xavfsiz va avtomobillardan xoli hududga aylantirish, shuningdek, aholiga qulaylik yaratish maqsadida xonadonlar soniga teng zamonaviy ko‘p qavatli avtoturargoh barpo etish, har bir ko‘p qavatli uy oldida besedkalar o‘rnatish, mahalla hududidagi bolalar maydonchalari yoniga vorkaut maydonchalarini qurish, mahalla guzarini barcha shart-sharoitlarga ega zamonaviy va ko‘p qavatli ko‘rinishda bunyod etish kabi takliflar bildirildi.

Yig‘ilish davomida mahalla hududidagi obodonlashtirish ishlarini jadallashtirish, noqonuniy qurilmalarni bartaraf etish, aholini qiynab kelayotgan muammolarga va murojaatlariga tezkor yechim topish, aholi, xususan, yoshlar bandligini ta’minlash, ularni sport bilan shug‘ullanishga qiziqtirish, oilalardagi muhitni yanada sog‘lomlashtirish bo‘yicha mas’ullarning hisobotlari eshitildi.

Tashrif yakunida “Yangi Qo‘yliq” mahallasini eng zamonaviy, ko‘rkam va aholi uchun qulay mahallaga aylantirish yuzasidan tegishli rejalar ishlab chiqilib, mas’ullar oldiga aniq vazifalar qo‘yildi.

| Facebook | Telegram | Youtube | Web-site|

✅ Mirobodda “Vatanparvarlik oyligi” doirasida “Men ham harbiy bo‘laman” tanlovi bo‘lib o‘tdi

✅ Yurtimiz bo‘ylab davom etayotgan “Vatanparvarlik oyligi” doirasida yoshlarni vatanparvarlik ruhida tarbiyalash, ularni harbiy xizmatga bo‘lgan qiziqishlarini oshirishga qaratilgan targ‘ibot tadbiri bugun 294-sonli umumta’lim maktabida bo‘lib o‘tdi.

➡️ Respublika Ma’naviyat va ma’rifat markazi Mirobod tumani bo‘linmasi, tuman mudofaa ishlari bo‘limi hamda maktabgacha va maktab ta’limi bo‘limi hamkorligida tashkil etilgan mazkur tadbirda tumanimizdagi barcha umumta’lim maktablari yuqori sinf o‘quvchilari ishtirok etishdi.

✅ Tanlov davomida o‘quvchilar chaqiriluvchilarning tibbiy ko‘rikdan o‘tish jarayonlari bilan tanishib, o‘qotar qurollarni sochib-yig‘ish musobaqasida bellashdilar.

‼️ Musobaqa yakuniga ko‘ra barcha g‘oliblarga faol ishtiroki uchun tashakkurnomalar topshirildi.

| Facebook | Telegram | Youtube | Web-site|