"Kusherbayevga murojaat" telegram kanalida "Bu qurilmalar buzilsa 16 kishi tabiiy extiyojlarimizni qanday qondiramiz?" sarlavhasi ostida e’lon qilingan postga RASMIY MUNOSABAT

✅ Post muallifi o‘zi yashayotgan ko‘p qavatli uy buzilayotgani, quruvchi tomonidan yashash uchun zarur shart-sharoitlar tobora qisqartirilayotgani haqida yozgan.

Ushbu holat yuzasidan quyidagilarni ma’lum qilamiz:

🗣 O‘zbekiston Respublikasi Uy-joy kodeksining 27-moddasiga asosan yer uchastkalari davlat yoki jamiyat ehtiyojlari uchun olib qo‘yilishi munosabati bilan fuqarolar mulkida bo‘lgan uylar (kvartiralar) buzilgan taqdirda, mulkdorlarga ularning tanlovi bo‘yicha va taraflar kelishuviga ko‘ra, uy-joy maydonining ijtimoiy normasidan kam bo‘lmagan sahndagi, barcha qulayliklari bo‘lgan, avvalgisiga teng qimmatli boshqa turar joy mulk qilib beriladi hamda dov-daraxtlarning bozor qiymati to‘lanadi yoxud buzilayotgan uy (kvartira), boshqa imoratlar, inshootlar va dov-daraxtlarning bozor qiymati, shuningdek yer uchastkasiga bo‘lgan huquqning bozor qiymati to‘liq hajmda to‘lanadi.

🗣 Buzilayotgan uyning (kvartiraning) bozor qiymati berilayotgan uy-joyning bozor qiymatidan ortiq bo‘lgan taqdirda, bu farq mulkdorga kompensatsiya qilinishi lozim, berilayotgan uy-joyning bozor qiymati buzilayotgan uyning (kvartiraning) bozor qiymatidan ortiq bo‘lgan taqdirda ushbu farq mulkdor tomonidan qaytarilishi talab etilmaydi.

🗣 O‘zbekiston Respublikasi Vazirlar Mahkamasining 2019-yil 16-noyabrdagi “Jismoniy va yuridik shaxslarning mulk huquqlari kafolatlarini ta’minlash hamda yer uchastkalarini olib qo‘yish va kompensatsiya berish tartibini takomillashtirishga doir qo‘shimcha chora-tadbirlar to‘g‘risida”gi 911-sonli qarori bilan tasdiqlangan nizomga asosan, ko‘chmas mulk obyektlari buzib tashlanishi munosabati bilan mulkdorlarga kompensatsiya berilishi belgilab qo‘yilgan.

❗️ Ko‘chmas mulk obyekti buzilgan taqdirda, faqat mulkdorlarga kompensatsiya berish masalasi ko‘rib chiqilishi ma’lum qilinadi.

| Facebook | Telegram | Youtube | Web-site|