🔵 “Меҳр дафтари”даги болаларга мебел, маиший техника ва ноутбуклар совға қилинди

▶️ Миробод туманида етим ва ота-она қарамоғидан маҳрум бўлган эҳтиёжманд оилалардаги болалар туман ҳокимлигининг болаларни ҳимоя қилиш шўъбаси томонидан “Меҳр дафтари” платформасига киритиб борилади. Болалар тизимли равишда моддий ва маънавий қўллаб-қувватлаб келинади.

✅ Хусусан, бугун, 6-ноябрь куни, туман ҳокимлиги биносига “Меҳр дафтари”даги 12 нафар ёшлар таклиф этилиб, уларга маиший техника, мебел жиҳозлари ва ноутбуклар топширилди.

🔴 Туман ҳокимининг ўринбосари Саидрасул Саидханов совғаларни ўз эгаларига топширар экан, тўпланганларга кейинги йилларда Давлатимиз Раҳбари томонидан етим болалар ва ота-она қарамоғидан маҳрум бўлган болаларни тарбиялашнинг тубдан янгиланган тизимини жорий этилгани, “Меҳр дафтари” платформасидаги болалар тақдири ҳамиша давлат эътиборида эканлиги ҳақида сўзлади.

“Сизларни бу ерга таклиф этишимиздан мақсад, ҳаётингизда асқотадиган жиҳозлар, маиший техникалар ва ноутбукларни совға қилмоқчимиз. Барчангизга мустаҳкам соғлик ва ишларингизда муваффақиятлар тилаймиз! Агар ораларингизда оила қурмаганлар бўлса, оила қуришни, оиласи борларга эса – бахт ва фаровон ҳаёт тилаб қоламиз! Бугун олаётган совғаларингиз яхши кунларингизда хизмат қилсин! Бундан буёғига ҳаётларингиз фақат ва фақат ёруғликдан иборат бўлсин”, - дея ёшларга мурожаат этди ҳоким ўринбосари.

🔺 Ўз ўрнида, совғаларни қабул қилиб олган ёшлар катта эътибор ва ғамхўрлик учун миннатдорликларини билдирдилар.

| Facebook | Telegram | Youtube | Web-site|