1️⃣ Келажак авлодлар учун бир сиқим яхшилик, бир мисқол тоза ҳаво, бир чимдим соя яратайлик – сафимизга қўшилинг, азиз мирободликлар!

➡️ Миробод туманида "Яшил макон" умумиллий лойиҳаси доирасида 🌱 кўчат экиш ишлари жадал давом этмоқда.

Хусусан, бугун Фарғона йўли кўчаси бўйлаб ўнлаб кўчатлар экилди.

Ҳурматли юртдошлар, азиз мирободликлар!

Яшаб турганимиз, кичик Ватан деб билганимиз – Миробод туманини янада гўзалроқ, янада ободроқ кўриш, у билан фахрланиб юришимиз учун имкониятлар эшиги очилмоқда: кузги дарахт экиш мавсуми аллақачон старт олди!

Биз бу юртда, бу маконда омонат эмасмиз, биз бунда униб-ўсмоқчи, фарзандлар тарбиялаб, бахтли ҳаёт кечирмоқчимиз, шу билан бирга биз бу маконни, обод гўшани янада обод қилиб, келажак авлодлар – набиралар ва эвараларга, ундан кейинги авлодларга қолдирмоқчимиз. Бунинг эса ишончли йўли, аниқ тартиби бор – кўчат экиб, боғ яратиш.

🤝 Бугун экилган ҳар бир дарахт бизнинг орзуларимиз, мақсадимиз ва кўнгил нолаларимизни албатта келажак авлодга етказади, нафақат етказади, балки уларнинг паноҳи ҳам бўлади, соя-салқин, тоза ҳаво ва мева билан таъминлайди.

❗️ Бу ишларни эса биз ўзимиз ҳеч қачон қилолмаган бўлардик.

Шундай экан, сафимизга қўшилинг ва туманимизни яшил маконга айлантириб, ўзимиз учун, болалар, фарзандлар, келажак авлодлар учун ҳеч бўлмаганда бир сиқим яхшилик, бир мисқол тоза ҳаво, бир чимдим соя яратайлик – ҳар биримиз ҳеч бўлмаганда биттадан кўчат ўтқазиб, парваришлайлик.

Бу иш сизу бизнинг қўлимиздан келадиган ва бажаришимиз зарур ва инсоний бурч бўлган ишлардир.

☘️ Кўчат ўтқазиб, юртни обод қилишдек хайрли ишда чеккада турманг, азиз мирободликлар!

✅ Янги Ўзбекистон – Яшил маконда бирга яшайлик!

#Миробод_тумани_Яшил_макон
#Кузги_мавсум

| Facebook | Telegram | Youtube | Web-site|