⚡️ Президент администрацияси масъуллари бошчилигидаги ишчи гуруҳ Миробод туманидаги ижтимоий объектларнинг куз-қиш мавсумига тайёргарлигини танқидий ўрганмоқда

Хабар берганимиздек, куни кеча Миробод тумани ҳокимлигида Ўзбекистон Республикаси Президенти Администрацияси масъул ходими С.Сулаймонов, Бош прокуратура масъул ходими - С. Бурхонов раислигида куз-қиш мавсумини беталафот ўтказиш ва “Яшил макон” умуммиллий ҳаракати доирасида белгиланган вазифалар ижросини таъминлаш бўйича йиғилиш ўтказилган эди.

◾️ Тадбирда туман ҳокими А.Сайфутдинов, ҳоким ўринбосарлари, сектор раҳбарлари, тумандаги коммунал соҳа ҳамда ижтимоий соҳа раҳбарлари иштирок этдилар.

◾️ Йиғилишда республика, шаҳар ва туманлардаги масъул 47 та корхона ташкилотлардан бириктирилган масъуллар кечадан бошлаб эълон қилинган “Долзарб 30 кунлик” давомида маҳаллалардаги кўп қаватли уйлар, ижтимоий объектларнинг куз-қиш мавсумига тайёргарлик ҳолатини ўрганиб, объектларни куз-қиш даврида барқарор ишлашга тайёрлаш бўйича камчиликларни тезкорликда бартараф этиш юзасидан топшириқлар берилди.

◾️ Таъкидландики, ижтимоий-иқтисодий ҳаётимизда йиллар давомида тўпланиб қолган муаммолар очиқ-ойдин кўрсатилиб, уларни ҳал этишга доир муҳим вазифаларни белгилаб олиш ва муаммоларни бартараф этиш бугуннинг талаби ҳисобланади.

❗️ Куз-қиш мавсумига тайёргарлик кўриш бўйича амалга оширилаётган ишларни тизимли мониторинг қилиш мақсадида тегишли ташкилот ва идораларнинг мутахассисларидан иборат Миробод туман штаби фаолияти йўлга қўйилди.

▶️ Бугун, 17-октябрь куни, туманимиздаги 2-сектор ҳудудида туманда куз-қиш мавсумини беталафот ўтказиш ва “Яшил макон” умуммиллий ҳаракати доирасида белгиланган вазифалар ижросини таъминлаш бўйича саф йиғини бўлиб ўтди.

❗️Ҳозирда тумандаги 4та сектор кесимида ишчи гуруҳ ўз фаолиятини олиб бормоқда.

▶️ Ўрганиш давомида аниқланган камчиликларни бартараф этиш бўйича чоралар кўрилмоқда.

| Facebook | Telegram | Youtube | Web-site|