Shahrimiz tumanlarida “Obod mahalla”, “Obod ko‘cha”, “Obod xonadon” dasturlari doirasida tizimli ishlar amalga oshirilmoqda.

Xususan, mahallalarda markaziy va ichki ko‘chalarni tartibga keltirish, ko‘p qavatli uylarga tutash hududlarni tozalash va obodonlashtirish, eskirib, hayot va salomatlik uchun xavfli darajaga yetib kelgan bolalar maydonchalarini yangilash, ijtimoiy obyektlarning holati va kuz-qish mavsumiga tayyorgarlik darajasini tekshirish ishlari bajarilmoqda.

Toshkent shahar hokimligi va boshqa tegishli tashkilotlar mutasaddilaridan iborat ishchi guruh hududlarga chiqib, ishlarni ko‘zdan kechirdi.

Bunday tashriflardan biri kuni kecha Mirobod tumanining “Yangi Qo'yliq” va “Ziyo Nur” mahallalarida bo'lib o'tdi. U yerda to‘planib qolgan va olib ketilmagan chiqindilar, fuqarolar tomonidan o‘zboshimchalik bilan qurib olingan qurilmalar, aholiga noqulaylik tug‘dirishi mumkin bo‘lgan boshqa omillar aniqlanib, kamchiliklarni tez sur’atlarda bartaraf etish ta’minlandi.

Shahrimiz mahallalarini o‘rganish ishlari davom etmoqda.

Toshkent shahar hokimi vazifasini bajaruvchi — Hukumat komissiyasi raisi o‘rinbosari Shavkat Umurzakovning Sergeli tumanida yuz bergan favqulodda holat sabablarini o‘rganish, ko‘rilgan talafotlarni bartaraf etish va jabrlanganlarga yordam ko‘rsatish bo‘yicha olib borilayotgan ishlar yuzasidan dastlabki
AXBOROTI

Toshkent shahri Sergeli tumanida yuz bergan favqulodda holatdan jabrlangan aholining muammolarini tezkor bartaraf etish maqsadida 1205 qisqa raqamli Ishonch telefoni tashkil etildi.

Hududdagi 26 ta ko‘p qavatli uydagi 592 ta xonadon hamda 8 ta xizmat ko‘rsatish shahobchasi, 1 ta maktab va 2 ta MTT binolarining fasad qismi hamda deraza-romlariga zarar yetgani aniqlandi.

Shuningdek, hududdagi 24 ta ko‘p qavatli uy va 25 ta hovlining fasad, oyna-rom va tom qismi zarar ko‘rgan.

Qisqa muddatda turar joylar tiklanadi.