♾ "Биродарлик” маҳалласида тиббиёт шохобчаси фойдаланишга топширилди

🔝 Бугун, 25 февраль куни, “Биродарлик” маҳалласида Миробод тумани 1-сонли оилавий поликлиника тасарруфида бўлган илк кичик маҳалла тиббиёт шохобчаси фойдаланишга топширилди.

🫥 Тиббий пункт соат 8-00дан 20-00 гача фаолият юритади ва унда профессионал тиббий ёрдам олиш учун барча шарт-шароитлар мужассам қилинган: жумадан, оилавий шифокор, патронаж ҳамширалари, доя ҳамшираси ва умумамалиёт ҳамширасидан иборат тиббий бригада фаолияти йўлга қўйилган.

➡️ Тиббий пункт 18 та зарур тиббий жиҳозлар: хусусан, тиббий тарози, бўй ўлчагич, тана ҳароратини ўлчаш учун термометр, фонендоскоп, пульсоксиметр, стетоскоп, глюкометр, офтальмо-ото-риноскоп, тиббий кушетка, муолажа столи ва дори воситалари билан жиҳозланган.

🔘 Пунктда хотин-қизлар, ҳомиладор аёллар, болалар учун тиббий кўрик, бирламчи ёрдам, шунингдек, сурункали хасталикка чалинган, диспансер назоратида турувчи аҳолига тиббий шифокорлар томонидан хонадонбай хизмат кўрсатиш фаолияти амалга оширилиши кўзда тутилган.

🟢 Шунингдек, малакали шифокорлар томонидан скрининг тадбирлари ўтказилади, “саломатлик мактаблари” фаолияти йўлга қўйилиб, аҳоли орасида соғлом турмуш тарзи тарғиботига бағишланган тадбирлар ўтказилади.

✍️ Пункт аҳолига тиббий-санитария ёрдамини кўрсатиш учун зарур инфратузилма - узлуксиз электр, тоза ичимлик суви ва канализация билан таьминланган.

🫥 Тиббий пунктни ташкил этишдан мақсад, аҳолига кўрсатилаётган бирламчи тиббий санитария ёрдамининг сифат ва самарадорлигини ошириш, кўламини кенгайтириш ва тиббий хизматни аҳолига янада яқинлаштиришдир.

| Facebook | Telegram | Youtube | Web-site|

Tashkent_Land телеграмм каналида "Опасная яма на улице Фаргона йули и последствия..." сарлавҳаси билан пост эълон қилинди.
Муаллиф тегишли чоралар кўрилишини сўраган.

Ушбу ҳолат юзасидан қуйидагиларни маълум қиламиз:

➡️ Хавфли чуқурча ҳосил бўлган Фарғона йўли кўчаси шаҳар ободонлаштириш бош бошқармаси балансидаги кўча бўлиб, ҳозирги кунда объект пудратчи ташкилот "GRAND ROAD TASHKENT" МЧЖ томонидан тўлиқ фойдаланишга топширилмаган.

Масъулларнинг маълум қилишича, ҳозирги кунда Фарғона йўли кўчаси бўйлаб чўккан люкларни кўтариш ва асфальтга тайёрлаш ишлари амалга оширилмоқда.

| Facebook | Telegram | Youtube | Web-site|

#СайёрҚабул

📌 “Банокатий” маҳалласида аҳоли муаммолари тингланди

🟢 Миробод тумани ҳокими Шуҳрат Пулатов бугун “Банокатий” маҳалласида фуқаролар учун навбатдаги сайёр қабулни ўтказди.

➡️ Хусусан, бугун, 25-февраль куни муаммоларига ечим топиш учун ҳоким қабулига ёзилган фуқаролар сони 17 нафарни ташкил этди.

🔵 Фуқаролар ҳокимга уй-жой, иш билан таъминлаш, таълим кредитини тўлашда амалий ёрдам, тиббий муолажалар учун моддий ёрдам, уй атрофини ободонлаштириш, ҳокимият балансида бўлган ер майдони учун солиқдан келаётган қарзорлик сингари ва бошқа ўзларини қийнаётган масалалар юзасидан мурожаат қилишди.

🟢 Масалан, Миробод туманида яшаётган Россия фуқароси фарзандини мактабга жойлаштириш ва уй-жой олиш учун банкдан кредит олиш масаласи бўйича мурожаат билан келган экан. Мурожаатчига тегишли ҳуқуқий маслаҳатлар берилди ва масаласи ижобий ҳал этилиши учун тегишли мутасаддилар бириктирилди.

🐍 Барча мурожаатлар бўйича қабулнинг ўзида чора тадбирлар белгиланиб, ҳал этиш учун мутасаддиларга топшириқлар берилди.

🫥 Айрим мурожаатлар ҳуқуқий маслаҳатлар билан ечим топди.

| Facebook | Telegram | Youtube | Web-site|

⭐️ Жаҳолатга қарши - маърифат зарур

Миробод тумани мажлислар залида туман ҳокимлиги администрацияси, давлат идоралари масъуллари, МФЙ раислари, Ёшлар етакчилари ҳамда маҳалла фаоллари иштирокида ўтказилган “Жаҳолатга қарши маърифат” деб номланган тадбирда аҳолининг, айниқса ёшларимизнинг турли радикал оқимлар таъсирига тушиб қолишининг олдини олиш борасида муҳим тавсиялар берилди.

Тадбирда сўзга чиққан туман ҳуқуқни муҳофаза қилиш идоралари ходимлари шиддат билан ривожланиб бораётган бугунги глобаллашув жараёнида эртанги кунимизнинг эгалари бўлган ёшларимизнинг бундай зарарли одатлардан сақлашда маънавий иммунитети ҳар қачонгиданда юксакроқ бўлишини, ва уларни бу иллатлардан сақлашда нафақат ҳуқуқ-тартибот идоралари, балки шу юртнинг барча фуқаролари ўз ҳиссасини қўшиши кераклигини таъкидлаб ўтдилар.

Тадбирда маърузачилар томонидан диний экстремизм ва терроризм, маънавий таҳдидлар каби салбий иллатлар ва унинг зарарли оқибатлари ҳақида батафсил маълумотлар берилди ва бугунги кунда фикрга қарши фикр, ғояга қарши ғоя, жаҳолатга қарши маърифат билан курашиш ҳар қачонгидан кўра муҳим аҳамият касб этаётганлиги таъкидланди.

Бугун юртимиз тинч, осмонимиз мусаффо. Униб-ўсиб келаётган ёшларимизни мана шундай фаровон кунларимизнинг қадрига етишга, тинчликни кўз қорачиғидай асраб-авайлашга ўргатишимиз зарур. Айниқса, ота-оналар фарзандларининг юриш-туриши, улар руҳиятида кузатилаётган салбий ўзгаришларга бепарво бўлмаслиги шарт.

Ушбу мавзудаги тарғибот тадбирлари тумандаги барча корхона ва ташкилотлар, маҳаллаларда ўтказилади.

| Facebook | Telegram | Youtube | Web-site|