📌 Миробод туманида вояга етмаган ёшлар томонидан содир этилган жиноятлар юзасидан йиғилиш ўтказилди, муаммолар муҳокама этилди

➡️ Бугун, 21 февраль куни Миробод тумани ҳокимлигида “Ҳар бир вояга етмаган ёш тақдири давлат ҳимоясида” шиори остида профилактик ҳисобга олинган тўрт нафар вояга етмаган ёшлар, ёшлар муаммоларини ўрганиш бўйича раҳбар ходим ҳамда туман сектор раҳбарлари ва масъуллари иштирокида учрашув ўтказилди.

🫥 Учрашувда Тошкент шахар ҳокимлигининг ҳарбий ишлар бўйича маслаҳатчиси П.Душаев, Тошкент шаҳар ҳарбий прокурори адлия полковниги А. Бобоев, Миробод тумани 3-сектор раҳбари, полковник М.Атаназаров, сектор вакиллари, Миробод тумани ҳокимининг ёшлар масалалари бўйича ўринбосари С.Саидханов, Ёшлар агентлиги, маданият, спорт, маънавият ҳамда туман ИИОФМБ ХПБ вояга етмаганлар масалалари бўйича инспектор-психологлар, ота-оналар иштирок этди.

✔️ Тадбир давомида ўсмирлар жиноятга нега қўл ургани, уларнинг ота-онаси, таълим муассасаси, маҳалласи бундай ҳолатга нега бефарқ, лоқайд муносабатда бўлгани чуқур таҳлил қилинди.

💠 Учинчи сектор раҳбари М.Атаназаров ҳар бир ота-она фарзанд тарбиясига алоҳида масъулият билан ёндашиши лозимлигини таъкидлади.

“Ўтиш” даврида енгил-елпи, эмин-эркин ҳаётга ўрганган болани ота-онаси йўқотиб қўйиши ҳеч гап эмас, ота-онанинг фарзанд ахлоқидаги салбий ўзгаришлар, унинг феъл-атвори, таълим-тарбиясига эътиборсиз бўлиши бола келажаги учун жиддий хавф туғдирувчи асосий омилдир, битта болага етти маҳалла ота-она деган нақлга амал қилган ҳолда, ҳар биримиз масъулиятни чуқур ҳис этиб, болаларимиз тарбиясига бефарқ бўлмаслигимиз керак”, - деди у.

🫥 Ўқувчилар билан бевосита савол-жавоб давомида унинг хулқи, дарслардаги давомати муҳокама қилинди, келажакда қайси касбни эгаллашга қизиқиши батафсил суриштирилди, профилактик ҳисобда турган вояга етмаганлар эндиликда бўш вақтларини чет тилларни ўрганишга сарфлаши белгилаб олинди.

| Facebook | Telegram | Youtube | Web-site|