♾ Ўзбекистон Республикаси Президентининг 15-декабрдаги видеоселектор йиғилишида берилган топшириқлар ижросини таъминлаш мақсадида Миробод туманидаги маҳаллаларда ободонлаштириш ишлари давом этмоқда

➡️ Хусусан, ҳар куни эрталаб, Миробод тумани сектор раҳбарлари, корхона ва ташкилотлар вакиллари иштирокида ободонлаштириш ишлари бўйича йиғилиш ўтказилиб, амалга ошириладиган ишлар бўйича тегишли топшириқлар берилмоқда.

➡️ “Обод Миробод” лойиҳаси доирасида бугун 22-декабрь куни туманнинг барча маҳаллалари, жумладан, кўпқаватли уйлар, ижтимоий объектлар атрофлари, аллеялар ва кўчалар ҳамда ирригация тизимлари хазонлар ва турли чиқиндилардан тозаланиши режалаштирилган.

Шунингдек, туман бўйича бошқарув сервис компанияларининг барча ходимлари ўзларига тегишли ҳудудларда тозалаш ишларини олиб борадилар.

⚠️ Куни кеча, 21-декабрь куни ободонлаштириш ишлари туманимизнинг 11та маҳалласида олиб борилиб, 230 нафар ишчилар ҳашарда иштирок этишди ва натижада 52 минг квадрат метр майдон тозаланиб, 23 тонна чиқинди олиб чиқилди.

✍️ 17-декабрь кунидан бошлаб Миробод туманидаги маҳаллаларда кенг кўламли ҳашар ишлари олиб борилмоқда. Шу кунгача оммавий ҳашар давомида 249 200 кв.м майдон ободонлаштирилиб, туман ҳудудидан 74 тонна чиқиндилар махсус чиқиндихоналарга ташилди.

📢 Ҳурматли Миробод тумани аҳолиси Мирободга ўз уйингиздек муносабатда бўлсангиз, атроф-муҳитнинг тозалигига бефарқ бўлмасангиз, жамиятнинг фаол аъзосиман десангиз, Янги йил олди туманимизнинг тоза ва обод бўлишида фаол иштирок этишга чорлаб қоламиз!

| Facebook | Telegram | Youtube | Web-site|

📌 Ижтимоий тармоқларда Тошкент шаҳри Шимолий вокзал ҳудудида “ноёб” ўриндиқли бекат аниқлангани ҳақида хабарлар тарқалди.

Мазкур ҳолат юзасидан шуни маълум қиламизки, айни вақтда бекат ўриндиғи туман ободонлаштириш бошқармаси томонидан алмаштирилиб, тартибга келтирилди.

| Facebook | Telegram | Youtube | Web-site|