#Reyd

📍Namangan viloyatida qurilish sifatini nazorat qilish ishlari davom etmoqda

Namangan viloyati Qurilish va uy-joy kommunal xo‘jaligi sohasida hududiy nazorat inspeksiyasi tomonidan qurilish jarayonlarining sifatli va loyiha talablariga muvofiq bajarilishini ta’minlash bo‘yicha muntazam nazorat ishlari olib borilmoqda.

Xususan, Uychi tumanida “Olmos Uychi” MCHJ tomonidan barpo etilayotgan 5 qavatli ko‘p xonadonli uyda o‘tkazilgan o‘rganish davomida bir qator kamchiliklar aniqlangan. Jumladan, binoning 5-qavatidagi sanuzel qismlarida parda devorlar uchun terim setkalari o‘rnatilmagani, g‘isht terishda vertikal choklar qorishma bilan to‘liq to‘ldirilmagani, shuningdek, ishchilarning mehnat muhofazasi qoidalariga zid ravishda maxsus kiyim-bosh bilan ta’minlanmagani qayd etildi.

Aniqlangan kamchiliklar yuzasidan quruvchiga yozma ko‘rsatma berildi va loyihaviy talablarga javob bermaydigan sifatsiz bajarilgan ishlar buzdirildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Reyd

🚨 Namanganda qurilish obyektida qonunbuzarliklar aniqlandi

Namangan viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan shaharsozlik meʼyorlariga rioya etilishi yuzasidan navbatdagi reyd tadbiri o‘tkazildi.

Yangi Namangan tumanidagi Go‘zal mahallasi, Kosonsoy ko‘chasida joylashgan “Namangan-Istiqlol bog‘i” MCHJ tomonidan savdo va maishiy xizmat ko‘rsatish shoxobchalarini o‘z ichiga olgan 5 qavatli turar joy binosida o‘tkazilgan o‘rganish jarayonida bir qator qonunbuzarliklar aniqlangan.

Jumladan, loyiha-smeta hujjatlari va shaharsozlik kengashining xulosasida 5-qavat ustiga faqat 2,1 metr balandlikdagi texnik qavat qurilishi belgilangan bo‘lsa-da, quruvchi bu talablarni buzib, 2,8 metr balandlikda to‘liq qavat barpo etgan.

Shuningdek, obyektga olib kelingan qurilish materiallari belgilangan tartibda maxsus omborlarda saqlanmasdan obyekt hovlisida tartibsiz holatda joylashtirilgani va quruvchilar maxsus ish kiyimlari bilan ta’minlanmagani kuzatildi.

Aniqlangan kamchiliklar bo‘yicha obyekt egasiga noqonuniy qurilgan qavatni buzib, loyiha hujjatlarida belgilangan holatga keltirish yuzasidan majburiy ko‘rsatma berildi hamda bajarish muddati belgilandi. Qonun talablariga zid harakatlari uchun texnik nazorat bo‘yicha mas’ul shaxsga nisbatan ma’muriy chora qo‘llanildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Reyd

🚨 Toshkent shahrida koʻp qavatli uylar atrofida oʻzboshimchalik bilan qurilgan qurilmalar bartaraf etilmoqda

Toshkent shahar Qurilish va uy-joy kommunal xoʻjaligi sohasida hududiy nazorat qilish inspeksiyasi xodimlari tomonidan Yashnobod tumanida joylashgan koʻp kvartirali uylarning texnik holati oʻrganilganda mulkdorlar tomonidan koʻp qavatli uylar atrofi oʻzboshimchalik bilan egallab olinib, noqonuniy qurilmalar barpo etilganliklari aniqlandi.

✅ Inspeksiya xodimlari tomonidan joyida mulkdorlarga muammoni bartaraf etish boʻyicha yozma koʻrsatmalar berildi. Mazkur koʻrsatmalar asosida hozirda qurilmalar mulkdorlarning oʻz ixtiyori bilan bartaraf etilmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Reyd

🚨 Toshkent shahrida qurilayotgan koʻp qavatli uylarning seysmik mustahkamligi va qurilish sifati oʻrganilmoqda

Poytaxtdagi koʻp qavatli turar joy binolarida olib borilayotgan qurilish jarayonlari ishchi guruh tomonidan joyiga chiqib oʻrganilmoqda. Tekshiruvlar davomida poydevor, qavat oraligʻi, devor va tom qismlarining mustahkamligi, qurilish ishlarining loyiha va me’yorlarga muvofiqligi tahlil qilinmoqda.

Binolarning umumiy texnik holati maxsus uskunalar yordamida oʻrganilib, natijalar asosida xulosalar chiqarilyapti.

✅ Aniqlangan kamchiliklar yuzasidan mas'ul tashkilotlarga tegishli topshiriqlar berilmoqda hamda ularni bartaraf etish ishlari nazoratga olinyapti.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Reyd

🚨 Qashqadaryo viloyati Qurilish va uy-joy kommunal xoʻjaligi sohasida hududiy nazorat qilish inspeksiyasining qurilish-sinov laboratoriyasi mutaxassislari tomonidan qurilish obyektlarida bino va inshootlarning mustahkamlik darajasini baholash maqsadida sinov ishlari olib borilmoqda.

Ushbu ishlar qurilishda qoʻllanilayotgan materiallar va konstruksiyalarning talab darajasida ekanligini aniqlash, shu orqali kelgusida inshootlarning xavfsizligi hamda sifatini taʼminlashga xizmat qiladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Reyd

🚨 Xabar berganimizdek, Toshkent shahrida qurilayotgan koʻp qavatli uylarning zilzilabardoshlik darajasi, qurilish sifati va texnik holatini oʻrganish maqsadida ishchi guruh tomonidan keng qamrovli monitoring ishlari olib borilmoqda.

Oʻrganish jarayonida uylarning konstruktiv qismlari — poydevor, devor, qavat oraligʻi va tom qismlarining mustahkamligi, texnik hujjatlar bilan muvofiqligi hamda boshqa muhim koʻrsatkichlar tahlil qilinmoqda.

✅ Ishchi guruh tomonidan aniqlangan kamchiliklar yuzasidan masʼul tashkilotlarga tegishli topshiriqlar berilyapti hamda ularni bartaraf etish choralari koʻrilmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Reyd

📍 Namangan viloyati Qurilish va uy-joy kommunal xo‘jaligi sohasida hududiy nazorat qilish inspeksiyasining qurilish-sinov laboratoriyasi xodimlari Namangan shahrida “LIONSTONE” MCHJ tomonidan barpo etilayotgan ko‘p qavatli turar joy obyektida temir-beton konstruksiyalarning mustahkamligi sinovdan o‘tkazildi.

Obyektning temir-beton konstruksiyalari mustahkamligi SHMID bolg‘asi va ONIKS kabi zamonaviy o‘lchov jihozlari yordamida sinovdan o‘tkazildi va ularning meʼyoriy hujjatlarning belgilangan talablariga mos ekanligi ko‘rildi.

Qurilish obyektlarida bunday sinovlarni o‘tkazish kelgusida inshootlarning xavfsizligi va sifatini taʼminlashga xizmat qiladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|