#Hududlardan_xabarlar

🗺Buxoro shahrining markaziy ko‘chalaridagi 72 ta ko‘p kvartirali uyning 3 000 ga yaqin xonadonlariga zamonaviy kommunal xizmatlar jamlanmasini taqdim etib kelayotgan "Buxoro city center" BSK ishchi-xodimlari tomonidan aholiga qator qulaylik va munosib turmush sharoitlarini yaratib berish maqsadida ko‘plab amaliy ishlarga qo‘l urilmoda.
Kuz-qish mavsumi oldidan ko‘p kvartirali uylarning tom va fasad qismi, isitish tizimi va elevatorlari ta’mirlanib, issiqlik quvurlari va moslamalarining yuqori suv-havo bosimi ostida yuvilganligi, turli o‘lchamdagi tutqichlar (vintillar) yangisiga almashtirilib, elektr taqsimlovchi qutilarning nazoratdan o‘tkazilganligi qishni talofatsiz o‘tkazish imkoniyatlarini ta’minlashga xizmat qilishi shubhasiz.
Uylarning kirish yo‘laklariga energоtejamkor lampalar va ko‘cha chiroqlari o‘rnatilishi ham hududda yashaydigan aholini mamnun etmoqda.

Rasmiy sahifalarimizga a'zo bo'ling👇
|Web | Instagram| Facebook |Telegram|

#Hududlardan_xabarlar

📎 Fargʻona viloyati Qurilish va uy - joy kommunal xoʻjaligi boshqarmasida tizim xodimlari uchun “Korrupsiyaga qarshi kurashish sohasidagi davlat siyosatining asosiy yoʻnalishlari” mavzusida seminar oʻtkazildi.

Tadbirda Oʻzbekiston Respublikasi Adliya vazirligi masʼullari ishtirok etdilar. Unda yurtimizda korrupsiyaga qarshi kurashish borasidagi davlat siyosati va uning ustuvor yoʻnalishlari, qabul qilinayotgan huquqiy hujjatlar mazmun-mohiyati, korrupsion jinoyatlar tahlili, korrupsiyaga qarshi kurashishda “komplayens-nazorat” tizimining ahamiyati xususida batafsil maʼlumotlar berildi.

Seminar davomida korrupsiyaga oid huquqbuzarliklar va ularga belgilangan javobgarlik choralari hayotiy misollar bilan tushuntirib berildi.

Rasmiy sahifalarimizga a'zo bo'ling👇
|Web | Instagram| Facebook |Telegram|

#BSKlar_faoliyatidan

🌧❄️Kuz-qish mavsumi eshik qoqmoqda. Bu esa ko‘p qavatli uylarga xizmat ko‘rsatuvchi boshqaruv tashkilotlari mas'uliyatini oshirishi tabiiy. Shu bois ayni kunlarda boshqaruv tashkilotlari tomonidan uylarni mavsumga tayyorlash ishlari so‘nggi bosqichlarda amalga oshirilmoqda.

Xususan, poytaxtimizning Uchtepa tumanida joylashgan 39 ta ko‘p qavatli uyga xizmat ko‘rsatuvchi "Yosh avlod" boshqaruv tashkiloti tomonidan 15 ta uyning kirish yo‘laklari ta'mirdan chiqarilmoqda. Shuningdek, "Uchtepa shirin" BSK tomonidan 10 ta ko‘p qavatli uyning tom qismi mukammal ta'mirlandi. 1 ta uyning tom qismini ta'mirlash ishlari yakunlanish arafasida. Shu bilan birga boshqaruv tashkilotlari tomonidan tutash hududlarni obodonlashtirish ishlariga alohida e'tibor qaratilib kelinmoqda. Mazkur ishlarning barchasi avvalo, xalq roziligiga erishish, ularning qulay sharoitlarda yashashini ta'minlashga xizmat qiladi.

Rasmiy sahifalarimizga a'zo bo'ling👇
|Web | Instagram| Facebook |Telegram|

#Hududlardan_xabarlar

⚠️ Jizzax viloyati G'allaorol tumani hududida pudartchi "Nur Jizzak solar PV" tomonidan 230 MVt tok quvvatiga ega Jizzax quyosh elektr stansiyasi qurilishi obyektida navbatdagi nazorat tadbiri o'tkazildi.

Natijada unda quyidagi qoidabuzarliklar aniqlandi:

➖ qurilish obyektida texnik va mualliflik nazorati ishlari qoniqarli olib borilmagan;

➖olib borilishi zarur bo‘lgan ijro hujjatlari taqdim qilinganda to‘liq yuritilmagani aniqlandi;

➖ qurilish materiallari va buyumlarining muvofiqlik to‘g‘risidagi sertifikat va pasportlari taqdim etilmadi.

➡️ Qoidabuzarliklar yuzasidan qurilishning mas'ul shaxslariga inspeksiya xodimlari tomonidan yozma ko'rsatma berildi, kamchiliklar bartaraf etilgunga qadar obyektda qurilish ishlari to'xtatildi.

Rasmiy sahifalarimizga a'zo bo'ling👇
|Web | Instagram| Facebook |Telegram|