#JARAYON

  🏘Qurilish va uy-joy kommunal xo‘jaligi vaziri o‘rinbosari Ozoda Jo‘rayeva qabulda kelib tushgan murojaat bo‘yicha poytaxtimizning Yangihayot tumani Mirzo Tursunzoda ko‘chasida bo‘ldi.
       Mazkur hududda boshqaruv tashkiloti va ko‘p qavatli uylarning yerto‘lasidan tadbirkorlik maqsadida foydalanib kelayotganlar o‘rtasida tushunmovchilik paydo bo‘lgan. Mulkdorlar boshqaruv tashkiloti yaxshi faoliyat yuritmayotganligini ta’kidlasa, boshqaruv tashkiloti rahbari hududdagi 9 ta uyning debitor qarzdorligi 400 mln so‘mdan ortganini, bu esa bevosita sifatga ta’sir o‘tkazishini bildirdi. 
     Ozoda Jo‘rayeva mazkur 9 qavatli uylardagi yerto‘lalar holatini ko‘zdan kechirdi. Haqiqatan ham yerto‘lalarda suv to‘plangan. Vazir o‘rinbosari eng avvalo mazkur muammoga yechim topish lozimligini, bu bo‘yicha tegishli tashkilotlar vakillaridan iborat ishchi guruh tuzib, masalaning asl mohiyatini bilish lozimligini ta’kidladi. Ertagayoq bu yo‘nalishda ishlar boshlab yuborilishi aytildi.
      Boshqaruv tashkiloti va mulkdorlar o‘rtasidagi munosabatlar esa o‘zaro kelishuv asosida hal qilinishi, aholi o‘z xohishi bilan boshqa kompaniyaga o‘tishi mumkinligi bo‘yicha tushuntirishlar berildi.

Rasmiy sahifalarimizga a'zo bo'ling👇
|Web | Instagram| Facebook |Telegram |

#JARAYON

    🏢  Bugun koʻp qavatli uylarga xizmat koʻrsatish sohasi aholining birlamchi ehtiyojlarini qondirish, ularni qulay shart-sharoitlar bilan ta’minlashga xizmat qilishi shart. Bu sohada olib borilayotgan islohotlarning asosiy talabidir.
       Qurilish va uy-joy kommunal xoʻjaligi vaziri oʻrinbosari Ozoda Joʻrayeva mazkur ishlarning borishi bilan tanishish maqsadida poytaxtimizning Uchtepa tumanida boʻldi.
      Vazir oʻrinbosari dastlab 23-mavze “Tinchlikobod” mahallasida joylashgan “Yosh avlod” BSK faoliyati bilan tanishdi. Boshqaruv tashkilotining yangi qurilayotgan binosi koʻzdan kechirilib, unda ishchi xodimlarga qulay sharoit yaratish lozimligi ta’kidlandi. Jumladan, ularning ovqatlanishi, xordiq chiqarishi uchun zarur qulayliklar boʻlishi lozimligi ta’kidlandi.
    ✅ Ozoda Joʻrayeva koʻp qavatli uylarning yertoʻla qismlarida amalga oshirilayotgan ta’mirlash, ichki muhandislik tarmoqlarini yangilash ishlarini ham koʻzdan kechirdi. Mas’ullarga ish sifatiga e’tibor qaratish va aniqlangan kamchiliklarni bartaraf etish topshirigʻi berildi.
      Shuningdek, uylarning atrofi, kirish yoʻlaklarida tartibni saqlash, ozodaligiga e’tibor qaratish kerakligi aytildi.

Rasmiy sahifalarimizga a'zo bo'ling👇
|Web | Instagram| Facebook |Telegram |

#JARAYON

    ❗️ Ozoda Joʻrayeva Uchtepa tumani “Birlik” mahallasida faoliyat yurituvchi “Zolotoy znak” BSKda ham boʻldi. Mazkur boshqaruv tashkilotining ham yangi binosi qurilishi boshlangan boʻlib, vazir oʻrinbosari uning loyihasi, ishchi-xodimlarga yaratilayotgan sharoitlar bilan tanishdi.
     - Ishchi xodimlar yertoʻlalarda, hududlarni obodonlashtirish ishlarida faol qatnashadilar. Shu bois ularga yuvinishi uchun BSK binosida shatoit boʻlishi shart, - dedi Ozoda Joʻrayeva.
      Vazir oʻrinbosari 26 ta uyga xizmat koʻrsatuvchi boshqaruv tashkilotining koʻp qavatli uylarni saqlashda amalga oshirilayotgan ishlari bilan tanishdi. Kompaniyaning moddiy-texnik bazasi, obodonlashtirish unsurlari, davlat dasturi asosida oʻrnatilgan yangi liftlar koʻzdan kechirildi.
     ➖ Xizmat sifatini yaxshilash, xususan, qoʻshimcha servis xizmatlarni koʻpaytirish yizasidan zarur tavsiyalar berildi. Bunda ishchi-xodimlarni malakasini oshirishga ahamiyat berish lozimligi ta’kidlandi. Shuningdek, BSK vakillarining murojaatlari, sohani takomillashtirish takliflari qabul qilindi.

Rasmiy sahifalarimizga a'zo bo'ling👇
|Web | Instagram| Facebook |Telegram |