#JARAYON

☁️ Maʼlumki, iqtisodiyotni izchil va barqaror rivojlantirish, aholi hayot darajasini yuksaltirishda tadbirkorlikning oʼrni beqiyos. Shu bois ham mamlakatimizda tadbirkorlikni tubdan rivojlantirish, soha vakillarini qoʼllab-quvvatlash, qulay investitsion muhitni yaratish, sarmoyadorni huquqiy, iqtisodiy jihatdan himoya qilish masalalari doim ustuvor.

Oʼzbekiston Respublikasi Prezidentining tegishli farmoni bilan tasdiqlangan davlat dasturi ijrosi yuzasidan Respublika ishchi guruhi tashkil etilib, hududlar kesimida tadbirkorlar faoliyati, ularni qiynayotgan muammolar oʼrganilmoqda, munosib takliflar tinglanmoqda.

Qurilish va uy-joy kommunal xoʼjaligi vaziri oʼrinbosari Davron Аdilov boshchiligidagi ishchi guruhi vakillari Аndijon tumanida boʼlib, tadbirkorlar bilan uchrashdilar. Oʼrganishlar davomida tekstil va toʼqimachilik, farmasevtika, qurilish sanoatida faoliyat yuritayotgan tadbirkorlarning kredit mablagʼlarini ajratish, litsenziyani yangilash, JMP ruxsatnomasini olish yuzasidan murojaatlari tinglandi, muammoli holatlarni bartaraf etish boʼyicha amaliy ishlarga kirishildi.

◀️ Loyihalar va sanoat korxonalarida qurilish va uy-joy kommunal xoʼjaligi yoʼnalishidagi joriy va tizimli muammolarni aniqlash va bartaraf etish choralarini koʼrish orqali hududlarni iqtisodiy, investitsion rivojlantirishga erishamiz. Ishbilarmon kishiga emin-erkin ishlashi uchun sharoit yaratib berilsa, qoʼllab-quvvatlansa uning faoliyati kengayib boraveradi. Quvonarlisi, soʼnggi yillarda mamlakatimizda tadbirkorlarga ana shunday sharoit bilan birga keng imkoniyatlar, soha rivoji uchun katta sharoitlar yaratilmoqda, qogʼozbozlik, kredit mablagʼlarini ajratishda kechikish singari holatlarga uzil-kesil chek qoʼyilmoqda, - deya taʼkidladi D.Аdilov.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#JARAYON

  🏘 Sir emas, so'ngi paytlarda aholi bilan quruvchi tashkilotlar o'rtasida shartnoma shartlarining buzilishi yoki uy-joylarni belgilangan muddatlarda topshirmaslik kabi holatlarga duch kelinmoqda. Bu esa ko'plab aholining haqli e'tiroziga sabab bo'lyapti. Masalani konseptual jihatdan hal qilish, mavjud muammoga yechim topish maqsadida Qurilish va uy-joy kommunal xo'jaligi vazirligi tomonidan yig'ilish oʼtkazildi.

Unda Moliya vazirligi, Markaziy bank, Savdo-sanoat palatasi mutasaddilari, shuningdek, nufuzli qurilish kompaniya (developerlar) vakillari ishtirok etdi.

❕❔ Muhokamalarda turli fikrlar o'rtaga tashlandi. Xususan, odamlarning o'z vaqtida, sifatli va arzon uy-joy sotib olishdagi huquqlarini ta'minlash, bu borada amalga oshirilishi zarur bo'lgan vazifalar e'tirof etildi. Shuningdek, dunyo tajribasidan kelib chiqqan holda aholi va quruvchi kompaniyalar o'rtasidagi munosabatlarni tartibga solishga oid takliflar bildirildi. Munozaralarda har bir jihat chuqur tahlil qilindi va kelgusidagi vazifalar belgilab olindi.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#JARAYON

🚨 Toshkent shahar Qurilish va uy joy kommunal xo‘jaligi sohasida hududiy nazorat inspeksiyasi va O‘zbekiston Kasaba Uyushmalari Federatsiyasi bilan hamkorlikda Toshkent shahrida olib borilayotgan qurilish ishlari va ishchi xizmatchilarning mehnat muhofazasi bo‘yicha navbatdagi o‘rganish ishlarini o‘tkazdi, manzil esa Yashnobod tumani "Parkent" ko’chasi hududida joylashgan buyurtmachi "Golden House Propert Group" MCHj tomonidan qurilayotgan turar-joy binolari va savdo hududlari qurilishi obyekti bo'ldi.

Uchrashuvda ishchilarga yaratilgan shart-sharoitlar o‘rganilib, ish haqlarini vaqtida berish, mehnat sharoitlarini yaxshilash hamda normativ-huquqiy hujjatlarga rioya etilishi bo‘yicha ko‘rsatma berildi, shu bilan birga xodimlarning mehnatni muhofaza qilishga oid muammo va takliflari tinglandi hamda kelgusida bunday hamkorlikdagi o‘rganish ishlarini doimiy ravishda amalga oshirish bo’yicha kelishib olindi.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|