#JARAYON

📍Kuni kecha poytaxtimizning Shayxontohur tumanida ko’p qavatli uylarga xizmat ko’rsatish sohasidagi islohotlarning borishiga bag’ishlangan yig’ilish o’tkazildi.

🏘 Unda Qurilish va uy-joy kommunal xo’jaligi vaziri o’rinbosari Ozoda Jo’rayeva hamda Toshkent shahri prokurori o’rinbosari Habibulla Mirsoatov tumanda faoliyat yurituvchi sektor rahbarlari, uy-joylarga xizmat ko’rsatish tizimiga mas’ul mutasaddilar bilan uchrashdilar.

Kun tartibiga binoan dastlab ko’p qavatli uylarda debitor qarzdorlikni kamaytirish yuzasidan olib borilayotgan ishlar muhokama qilindi. Shuningdek, boshqaruv organlari faoliyati, ularni yanada takomillashtirish yuzasidan amalga oshirish lozim bo’lgan kelgusidagi ishlar ko’rib chiqildi. Bu borada barcha aholi oldidagi mas’uliyatni chuqur his qilishi shart ekanligi alohida ta’kidlandi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🔠 "Eng yaxshi boshqaruv organi" ko‘rik tanloviga start berildi

🏘 Qurilish va uy-joy kommunal xo‘jaligi vazirligi tomonidan "Eng yaxshi boshqaruv organi" Respublika ko‘rik tanlovini o‘tkazish bo‘yicha e’lon berilgan edi.

Bugun tanlov komissiyaning ilk yig‘ilishi bo‘lib o‘tdi. Respublika miqyosida faoliyat yuritayotgan ilg‘or boshqaruv organlarining tajribasini keng targ‘ib qilish, ularning faoliyatini qo‘llab-quvvatlashga bag‘ishlangan ushbu loyiha tizimda sog‘lom raqobat muhitini shakllantirishi bilan ahamiyatli. Yig‘ilishda komissiya raisi o‘rinbosari Ozoda Jo‘rayeva so‘zga chiqib, tanlovni tashkil etishda ochiqlik va shaffoflik asosiy mezon bo‘lishi lozimligini ta’kidlab o‘tdi.

-Ko‘p qavatli uylarga xizmat ko‘rsatish sohasida so‘nggi yillarda olib borilayotgan keng islohotlarimiz bugun ijobiy natijasini ko‘rsatib, tizimda sog‘lom raqobat muhiti shakllanib bormoqda. Bugun respublikada faoliyat yurituvchi boshqaruv organlari orasida yaxshi tadbirkorlar, sohada tub o‘zgarishlar qila olayotgan tashabbuskor mutaxassislar yetarlicha topiladi. Ularning faoliyatini qo‘llab-quvvatlash, mashaqqatli mehnatini ko‘proq targ‘ib qilish, motivatsiya berish bizning asosiy vazifamizdir,- dedi vazir o’rinbosari.

Shuningdek, tanlovning hududiy bosqichlarini tegishli tartibda o‘tkazish yuzasidan mas’ullarga qator topshiriqlar berildi. Ta’kidlash lozimki, tanlov 3 bosqichda, ya’ni:

I bosqich- shahar (tuman)lardagi ko‘p kvartirali uyni boshqarish organlari o‘rtasida;
II bosqich- Qoraqalpog‘iston Respublikasi, viloyatlar va Toshkent shahri bo‘yicha I bosqich g‘oliblari o‘rtasida;
III bosqich-respublika tanlovi II bosqich g‘oliblari o‘rtasida o‘tkaziladi.

🚗 Tanlov g‘oliblariga qimmatbaho sovg‘alar va bosh sovrin - Labo avtomobili taqdim etiladi.

Yig‘ilish davomida ko‘p qavatli uylarni boshqarish sohasida birinchi marta o‘tkazilayotgan tadbirni mazmunli tashkil etish bo‘yicha komissiya a’zolarining taklif va mulohazalari tinglandi va zarur vazifalar belgilab olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🏘 Bugun Qurilish va uy-joy kommunal xoʻjaligi vaziri oʻrinbosari Davronjon Adilov Andijon viloyatida bo’ldi.

Vazir o’rinbosari Xonobod shahrida qurilishi rejalashtirilayotgan Sunʼiy koʻl loyihasi ustida olib borilayotgan ishlarni oʻrgandi. Jarayonda mazkur loyiha yuzasidan qoʻshimcha taklif va tashabbuslarini ilgari surib, bu borada amalga oshirilishi lozim boʻlgan vazifalarni mas’ullarga belgilab berdi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🔗 Qurilish va uy-joy kommunal xo‘jaligini rivojlantirish va sohaga grantlarni jalb etish maqsadida davra suhbati tashkil qilindi.

Unda Qoraqalpog‘iston Respublikasi Vazirlar Kengashining bo’limi boshlig’i K.Idirisov, Orol bo‘yi innovatsiya markazi boshlig‘i B.Habibullayev va Qoraqalpog‘iston Respublikasi Qurilish va uy-joy kommunal xo‘jaligi vaziri K.Aytbayev hamda vazirlikning shahar va tuman bo‘limlari boshliqlari ishtirok etishdi.

Suhbat davomida sohaga grantlar jalb qilish va mazkur yo’nalishni takomillashtirish maqsadida rivojlangan davlatlar texnologiyalarini joriy etish hamda tegishli xorijiy tashkilotlar bilan aloqa o‘rnatishga oid masalalar muhokama qilindi.

🔠 Tadbir yakunida bir qator xalqaro hamkorlik loyihalarini ishlab chiqish yuzasidan mas’ullarga topshiriqlar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🚨 Qurilish va uy-joy kommunal xo‘jaligi sohasida nazorat qilish inspeksiyasida navbatdagi kengaytirilgan yig‘ilish bo‘lib o‘tdi.

Yig‘ilish avvalida inspeksiya rahbari S.Eshquvvatov qurilish obyektlari statistikasi, kommunal sohada bajarilgan ishlar, jumladan, ichimlik suvi ta’minoti va oqova suvlarni chiqarib yuborish xizmatlarining nazorati bo‘yicha amalga oshirilgan ishlarni batafsil tahlil qildi. Shundan so‘ng har bir hududiy inspeksiya rahbarlarining olib borgan nazorat ishlari yuzasidan hisobotlari zoom platformasi orqali onlayn tarzda tinglandi.

Xususan, yig'ilish davomida davlat dasturiga kiritilgan hamda inspeksiya ro'yxatidan o'tgan barcha qurilish obyektlaridagi sifat masalasi, shaharsozlik me’yorlariga rioya etilish holatlari hamda obyektlarda texnik, mualliflik va ichki nazorat xodimlari tomonidan ishlarni samarali tashkil etish kabi muammolar ko‘rib chiqildi. Inspeksiya rahbari tomonidan mas'ullarga davlat nazoratini yanada kuchaytirish bo‘yicha tegishli ko‘rsatma va topshiriqlar berildi.

✅ Shuningdek, kommunal xizmatlar sifatini oshirish, ichimlik suvi ta’minoti va oqova suvlarni chiqarib yuborish tizimlarini yanada rivojlantirish zarurligi ta’kidlandi. Ushbu yo‘nalishlarda amalga oshirilayotgan ishlarni jadallashtirish hamda aniqlangan kamchiliklarni bartaraf etish bo‘yicha aniq chora-tadbirlar belgilab olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

📍 Samarqand shahrida bo'lib o'tgan “Turkiy dunyo shaharsozlik qurultoyi”da Yangi Toshkent loyihasi taqdimot qilindi

Unda loyiha konsepsiyasi, bosqichlari va amalga oshirilayotgan ishlar haqida batafsil ma’lumot berildi. Tadbir ishtirokchilari Yangi Toshkent nafaqat O‘zbekiston, balki butun mintaqa uchun yirik urbanizatsiya loyihasi ekanini ta’kidlab, uning kelajakdagi strategik ahamiyatiga alohida urg‘u qaratdi.

Taqdimot davomida Yangi Toshkentning innovatsion infratuzilmasi, ekologik barqarorligi va zamonaviy shaharsozlik yondashuvlariga asoslangan rivojlanish modeli haqida fikr yuritildi.

Shuningdek, loyihada xalqaro investitsiyalarni jalb qilish, biznes va innovatsiyalar markazini yaratish, yashil energiya va aqlli shahar texnologiyalaridan keng foydalanish rejalari muhokama qilindi. Turkiy davlatlar vakillari mazkur yirik loyihaga katta qiziqish bildirdi. Turli yo‘nalishlarda hamkorlik qilish bo‘yicha o‘z takliflarini ilgari surdi.

Qurultoy doirasida muhokama qilingan takliflar va tashabbuslar Yangi Toshkentning global darajadagi nufuzini oshirish hamda xalqaro hamkorlikni mustahkamlashga xizmat qiladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

📌 "Eng yaxshi boshqaruv organi" ko‘rik tanlovi o'tkazilmoqda

Xabar berib kelayotganimizdek, Qurilish va uy-joy kommunal xo‘jaligi vazirligi tomonidan "Eng yaxshi boshqaruv organi" Respublika ko‘rik tanlovini o‘tkazilib kelinmoqda. Ko‘p qavatli uylarga xizmat ko‘rsatuvchi boshqaruv organlari mavqeyini yanada oshirish, ularning mashaqqatli mehnatini targ‘ib qilish asnosida tashkil etilgan tadbir mamlakatimizning barcha hududlarida faoliyat yurituvchi boshqaruv organlari uchun tashkil etilgan.

Bugun tanlovning birinchi bosqichi yakunlari bo’yicha komissiyaning navbatdagi yig‘ilishi bo‘lib o‘tdi.

Yig‘ilishda komissiya raisi o‘rinbosari Ozoda Jo‘rayeva so‘zga chiqib, birinchi bosqichdan muvaffaqiyatli o’tgan boshqaruv organlarini samimiy qutladi:

- Bu g‘alaba sari bosilgan ilk qadam! O‘ylaymanki, tanlovimiz sohada ilg‘or faoliyat yuritayotgan boshqaruv organlarini aniqlash, ularning tajribasini respublika miqyosida targ‘ib qilishda muhim maydon bo‘lib xizmat qiladi. Uy-joylarga xizmat ko‘rsatish sohasidagi tajribamdan kelib chiqib aytishim mumkinki, respublika miqyosidagi bunday salmoqli tanlov ilk bor o‘tkazilmoqda. Mazkur tanlovda sizga faqat omad yor bo'lishini tilayman,- dedi vazir o’rinbosari.

Shuningdek, tanlovning ikkinchi bosqichini ochiq, shaffof o‘tkazish yuzasidan mas’ullarga qator topshiriqlar berildi. Bunda asosiy e'tibor ko'p qavatli uylarning texnik holati, bugungi kunda boshqaruv organlariga qo'yilayotgan talablar, xususan, dispetcherlik xizmati hamda aholi bilan o'rnatilgan kommunikativ jarayonga qaratilishi lozimligi ta'kidlandi.

🚗 Eslatib o'tamiz, tanlov g‘oliblariga qimmatbaho sovg‘alar va bosh sovrin - Labo avtomobili taqdim etiladi.

Yig‘ilish so'ngida komissiya a’zolarining taklif va mulohazalari tinglandi hamda kelgusi zarur vazifalar belgilab olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🚨 Qurilish va uy-joy kommunal xo‘jaligi sohasida nazorat qilish inspeksiyasida inspeksiya rahbari Sirojiddin Eshquvvatov boshchiligida navbatdagi yig‘ilish bo‘lib o‘tdi.

Unda qurilish sohasida olib borilayotgan ishlar, nazorat tizimini yanada kuchaytirish hamda mavjud mexanizmlarni takomillashtirish masalalari keng muhokama qilindi. Ayniqsa, qurilish obyektlarida davlat nazoratini samarali tashkil etish hamda takomillashtirilgan "Qurilishda davlat nazorati" elektron tizimidan keng foydalanish masalalariga alohida e’tibor qaratildi.

Yig‘ilish davomida qurilish-montaj ishlarining sifati, texnik va mualliflik nazorati tizimini kuchaytirish, shaharsozlik me’yorlari hamda qurilish qoidalariga qat’iy rioya etilishini ta’minlash bo‘yicha aniq topshiriqlar berildi.

✅ Shu bilan birga kelgusidagi ustuvor vazifalar aniqlanib, qurilish jarayonlarining shaffofligi va samaradorligini oshirishga qaratilgan aniq chora-tadbirlar belgilandi. Bu esa sohada sifat va nazoratni yanada kuchaytirishga xizmat qiladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|