📹#ONLAYN
#MATBUOT_ANJUMANI

📌 Xususan, 2024-yilda Toshkent shahrida 452 ta, Andijonda 3 ta, Buxoroda 2 ta, Navoiyda 29 ta, Samarqand viloyatida 42 ta, jami 528 ta lift uskunalarini mahalliy budjet mablagʻlari hisobidan yangilash ishlari yakunlanmoqda.

🏠 Ko’p kvartirali uylardagi lift uskunalaridan samarali foydalanish, ularni saqlash va liftlardan xavfsiz foydalanish bilan bogʻliq muammolarni bartaraf etishning yangi mexanizmlarini joriy qilish, shuningdek, aholining lift uskunalariga nisbatan daxldorlik hissini oshirish maqsadida “Xavfsiz lift” yagona idoralararo platformasi ishlab chiqildi. Platforma ishga tushgandan soʻng respublikadagi barcha liftlarni real vaqt rejimida monitoring qilib borish hamda zamonaviy dispetcherlik xizmati koʻrsatilishi yoʻlga qoʻyiladi.

Kelgusi yillar davomida respublikadagi 2 001 ta liftni yangilash hamda 382 tasini taʼmirlash ishlari olib boriladi.

Matbuot anjumanini onlayn tarzda ko‘rish uchun havola👇

https://www.facebook.com/aoka.uz/videos/1152350192914525/

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹#ONLAYN
#MATBUOT_ANJUMANI

🔗 AOKAda Qurilish va uy-joy kommunal xoʻjaligi vazirligi, Sanoat, radiatsiya va yadro xavfsizligi qoʻmitasi hamda Texnik jihatdan tartibga solish agentligi bilan hamkorlikda matbuot anjumani boʻlib oʻtdi.

Bahs-munozaraga boy tarzda o’tgan anjumanda OAV vakillari ham oʻzlarini qiziqtirgan masalalar yuzasidan masʼullarga murojaat qilishdi.

Matbuot anjumanini onlayn tarzda ko‘rish uchun havola👇

https://www.facebook.com/aoka.uz/videos/1152350192914525/

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

📍Inspeksiya rahbari Xorazm viloyatida tadbirkorlar hamda fuqarolar bilan uchrashdi.

Ayni paytda Xorazm viloyati qurilish va uy-joy kommunal xo'jaligi sohasida hududiy nazorat qilish inspeksiyasi binosida sayyor qabul bo'lib o'tmoqda. Unda Qurilish va uy-joy kommunal xo’jaligi sohasida nazorat qilish inspeksiyasi boshlig'i Sirojiddin Eshquvvatov hamda boshqa masʼullar viloyatdagi qurilish, kommunal hamda ichimlik suvi bilan bogʻliq murojaatlarni oʻrganishyapti.

Jarayonda fuqarolarning soha doirasidagi takliflari tinglanib, muammolarni bartaraf etishga kirishilmoqda.

Sayyor qabulda sohaga doir har bir masala hamda taklif atroflicha muhokama etilyapti.

#XORAZM

Rasmiy sahifalarimizga a'zo bo'ling👇

|🌍Web| 📸Instagram|💬Facebook|😎Telegram| 📹Youtube|

📹 #ONLAYN

🇺🇿 Ayni damda Nukus shahridagi "Yoshlar markazi"da "Shaffof qurilish" tizimida reyting baholash bo'yicha kiritilgan o'zgartirishlarga bag'ishlangan uchrashuv bo'lib o'tmoqda.

💻 Yig'ilishda Qoraqalpog‘iston Respublikasi Vazirlar Kengashi hamda Qoraqalpog'iston Respublikasi Qurilish va uy-joy kommunal xo'jaligi vazirligi mas'ullari, qurilish-pudrat va loyiha tayyorlash yoʻnalishidagi tadbirkorlar ishtirok etmoqda.

Аxborot kommunikatsiya texnologiyalarini rivojlantirish Respublika markazi

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Qabul
#Onlayn

📌 Boshqaruv organlari xalq oldida hisobdorlikni his qilishi shart!

🏘 Bugun haftaning juma kuni va odatdagidek, vazirlikda aholining kommunal sohaga oid murojaatlari qabul qilinmoqda. Vazir o’rinbosari Ozoda Jo’rayeva hamda boshqa mutasaddilar ishtirokida o’tkazilayotgan tadbirda Toshkent shahrining bir qator tumanlaridan kelgan yuridik va jismoniy shaxslarning muammolari o’rganilmoqda.

Hozirga qadar ko’p qavatli uylarning elektr shitlari, boshqaruv organlarining mulkdorlar oldidagi majburiyatlariga amal qilmaslik, asossiz qarzdorlik hamda noqonuniy qurilmalarga oid 5 ta murojaat qayd etildi.

- Boshqaruv tashkiloti aholi oldida hisobdor, belgilangan talab asosida bir yilda bir marta qat’iy tartibda yig’ilish o’tkazishi, unda bajarilgan ishlar va kelgusi vazifalar muhokama qilinishi shart. Fuqarolarimiz majburiy badal to’lovlari qaysi ishlar uchun sarflanayotganini bilishi kerak. Biz aholimiz huquqlari ta’minlanishini nazorat qilamiz, - dedi Ozoda Jo’rayeva.

Qabul davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹#Onlayn

Toshkent viloyatida faoliyat yurituvchi boshqaruv organlari uchun amaliy seminar tashkil etildi

🏘 Ayni damda mazkur seminar doirasida Qurilish va uy-joy kommunal xo’jaligi vazirining o’rinbosari Ozoda Jo’rayeva ishtirokida yig’ilish bo’lib o’tmoqda.

Tanqidiy ruhda o’tkazilayotgan yig’ilishda boshqaruv organlarining aholi oldidagi mas’uliyatiga alohida urg’u berildi. Bu borada so’nggi paytlarda Toshkent viloyatining ba’zi hududlarida sustkashliklar kuzatilayotgani, bu esa bevosita sohada olib borilayotgan islohotlarga zid ekanligi ta’kidlandi.

- Davlatimiz rahbari tomonidan yurtdoshlarimizning turmush tarzini yaxshilashga juda katta e’tibor qaratilmoqda. Shu asnoda sizlarga qator imkoniyatlar, imtiyozlar berilmoqda. Sohani takomillashtirish, bor resurslarimizdan oqilona foydalanish orqali biz ko’zlagan maqsadimizga erishamiz, - dedi Ozoda Jo’rayeva.

Ta’kidlash lozimki, seminar bugun Toshkent shahrida faoliyat yurituvchi boshqaruv organlarida davom etadi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

🏘 Qurilish va uy-joy kommunal xo‘jaligi vazirligi vakillari va Xitoyning O‘zbekistondagi Tadbirkorlari uyushmasi raisi Liu Yu rahbarligidagi Tianjin provinsiyasining yetakchi qurilish va loyiha tashkilotlari vakillari ishtirokida uchrashuv o‘tkazilmoqda.

Muzokaralar davomida O‘zbekiston va Xitoy o'rtasidagi hamkorlik munosabatlari ikki davlat rahbarlarining oliy darajadagi uchrashuv va muloqotlari asosida turli sohalarda rivojlanib borayotganligi mamnuniyat bilan qayd etildi. Jumladan, qurilish sohasida ham hamkorlik aloqalari yangi bosqichga ko‘tarilib, yurtimizda Xitoyning Shanxay Construction, CAMCE, CITIC, China State Construction va boshqa qator yetakchi pudrat tashkilotlari ishtirokida yirik loyihalar amalga oshirilayotganligi e’tirof etildi.
 
Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

🏘 Ayni paytda Qurilish va uy-joy kommunal xoʻjaligi vaziri oʻrinbosari Toir Alimatov boshchiligidagi ishchi guruhi Surxondaryo viloyatida boʻlib turibdi. Ishchi guruhining dastlabki manzili Termiz tumanidagi “Yangiobod” MFY hududida barpo etilayotgan “Yangi Oʻzbekiston” massivi boʻldi.

Vazir oʻrinbosari hududni koʻzdan kechirish davomida yoʻl qoʻyilgan xato va kamchiliklarni koʻrsatib oʻtdi. Shuningdek, obyekt masʼullariga qurilish madaniyati va xavfsizlik texnikasi qoidalariga amal qilish hamda binolarni oʻz vaqtida, sifatli topshirish zarurligi yana bir karra tushuntirildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

🚨 Ayni paytda Qurilish va uy-joy kommunal xo‘jaligi sohasida nazorat qilish inspeksiyasi xodimlari tomonidan ommaviy axborot vositalari bilan hamkorlikda ichimlik suviga noqonuniy ulanish holatlarini oldini olish yuzasidan reyd tadbirlari olib borilmoqda.

Ishchi guruh hamda jurnalistlar poytaxtimizning Mirzo Ulug'bek tumani "Iqtidor" mahallasida bo'lib turibdi.

#TOSHKENT_SHAHRI

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

🏘 Avval xabar berganimizdek, Qurilish va uy-joy kommunal xoʻjaligi vaziri oʻrinbosari Toir Alimatov Buxoro viloyatida boʻlib turibdi.

Vazir o‘rinbosari boshchiligidagi ishchi guruhi Buxoro tumani “Bogʻidasht” mahallasi hududida qad rostlayotgan “Yangi Oʻzbekiston” massivi qurilish jarayonlarini koʻzdan kechirmoqda.

Mazkur massivda 111 ta ko‘p qavatli turar-joy binosini qurish rejalashtirilgan. Ulardan 88 tasi lotlar bo‘yicha ajratilgan. Shundan 69 tasi sotilgan. Shuningdek, bu yerda 990 o‘ringa mo‘ljallangan 2 ta maktab binosi, 3 ta maktabgacha taʼlim muassasasi, 250 qatnovli oilaviy shifoxona, 1 ta eko bozor, 1 ta mahalla binosi qurilishi rejalashtirilgan. Hozirgi kunda 55 ta lot hududida qurilish ishlari amalga oshirilmoqda.

Qurilish obyektini oʻrganish jarayonida vazir oʻrinbosari Toir Alimatov “Yangi O‘zbekiston” massivida amalga oshirilayotgan qurilish loyihalari mamlakatimizda urbanizatsiya jarayonlarini jadallashtirish, aholi uchun zamonaviy va qulay yashash muhitini yaratishga xizmat qilishi bilan ahamiyatli ekanini ta’kidladi.

Ishlarni sifatli tashkil qilish yuzasidan masʼullarga tegishli koʻrsatmalar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

🏢 Turar joy qurilishida aholi mablag‘larini himoya qilish masalalari muhokama qilinmoqda

Ayni paytda Xalq Demokratik Partiyasi Markaziy Kengashi binosida “Turar joy qurilishida aholi mablag‘larini himoya qilish va ulush kiritish tartibining huquqiy asoslarini takomillashtirish masalalari” yuzasidan munozara bo‘lib o‘tmoqda.

Tadbirda Qurilish va uy-joy kommunal xo‘jaligi vazirligi mutasaddilari, sohaga oid mutaxassislar hamda jamoatchilik vakillari ishtirok etmoqda.

Munozara klubida aholining ulush kiritish asosida uy-joy sotib olish jarayonida huquqiy kafolatlarini mustahkamlash, qurilish kompaniyalari faoliyati ustidan nazoratni kuchaytirish va sohadagi shaffoflikni oshirish bo‘yicha takliflar ilgari surilmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

Ayni paytda munozara klubi oʻzinining qizgʻin pallasiga yetdi. Ekspertlarning taqdimotidan soʻng dolzarb mavzularda savollar berilmoqda. Ulardan biri quyidagicha:
 
❓ Fuqarolarimiz uy-joy sotib olayotganda qanday masalalarga eʼtibor qaratishi lozim va ular qaysi idoralardan huquqiy maslahatlar olishi mumkin?

Raqobat qoʻmitasi masʼul xodimi quyidagicha javob qildi:

Fuqarolarimiz uy-joy sotib olishda birinchi navbatda qurilish tashkilotining barcha huquqiy hujjatlarini sinchkovlik bilan tekshirishlari lozim. Bunda kompaniyaning litsenziyasi, QR kodli qurilish ruxsatnomasi, “Shaffof qurilish” tizimidagi mavjudligi, elektron reyestrdagi holati hamda quruvchining oldingi loyihalari va tajribasiga alohida eʼtibor qaratish kerak.

Shuningdek, shartnoma shartlarini batafsil oʻrganish talab etiladi. Shartnomada qurilish boshlanish va yakunlanish muddatlari, foydalanishga topshirish sanasi, tomonlarning huquq va majburiyatlari, majburiyatlar buzilganda qoʻllaniladigan javobgarlik choralari, toʻlov tartibi va muddatlari, qurilish maydoni oʻzgarganda qayta hisob-kitob qilish tartibi hamda fors-major holatlari yuzasidan kelishuvlar aniq belgilangan boʻlishi muhim ahamiyat kasb etadi. Moliyaviy xavfsizlikni taʼminlash maqsadida barcha toʻlovlarni faqat rasmiy bank kassalari orqali amalga oshirish, toʻlovlar uchun rasmiy hujjatlarni saqlab qoʻyish va naqd pul orqali toʻlovlardan qatʼiyan voz kechish tavsiya etiladi.

❗️ Zarur huquqiy maslahatlarni tuman va shahar adliya boʻlimlari, davlat xizmatlari markazlari, Qurilish va uy-joy kommunal xo'jaligi vazirligining hududiy boshqarmalari, isteʼmolchilar huquqlarini himoya qilish jamiyatlari hamda malakali advokatlar va yuridik maslahatxonalardan olish mumkin.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

🏘 Munozara klubida taqdimotga chiqqan Qurilish va uy-joy kommunal xoʻjaligi vazirligi masʼul xodimi Elyor Komilov “Avvalo barchamiz uchun muhim boʻlgan mavzu yuzasidan tashkil qilingan muhokamaga taklif etgani uchun Oʻzbekiston Xalq demokratik partiyasiga minnatdorchilik bildiramiz”, - deya taʼkidladi.

- Oʻylaymanki, eskrou tizimini joriy qilish va uni qonuniy asoslarini takomillashtirishda Xalq demokratik partiyasi oʻz oldiga juda katta maqsadlarni belgilab olgan. Ana shu maqsadlarni amalga oshirishda Xalq demokratik partiyasi bilan birgalikda ishlashga tayyorligimizni bildiramiz. Eng asosiy maqsad eskrou tizimini joriy etishni jadallashtirish, uning ham fuqarolarimiz, ham quruvchilar manfaatlarini himoya qilishdagi ahamiyatini aholimizga tushuntirishdir

Bunda fuqarolar oʻz mablagʻlarini ishonchli va xavfsiz saqlanishiga erishsa, quruvchilar oʻz loyihalarini muvaffaqiyatli hamda barqaror amalga oshirish imkoniga ega boʻlishadi. Oʻylaymanki, partiya bilan bu yoʻnalishda hamkorligimiz davomli boʻladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

Ayni paytda munozara klubida dolzarb mavzulardagi savol-javoblar davom etmoqda. Ulardan biri quyidagicha:

❓Urbanizatsiya jarayonlari jadallashib, uy-joyga bo‘lgan talab ortmoqda. Ayrim tadbirkorlar qurilishning boshlang‘ich bosqichida uylarni arzon narxda sotib olib, keyinchalik qimmatga sotish orqali daromad olishmoqda. Bu esa bozorda sun’iy narx oshishiga sabab bo‘lyapti. Bunday holatlarning oldini olish uchun qanday huquqiy mexanizmlar joriy etish mumkin?

Javob: Qurilish va uy-joy kommunal xo‘jaligi vazirligi mas’uli Davron Meliyev

- Bu masala nafaqat iqtisodiy, balki ijtimoiy ahamiyatga ham ega. Xalqaro tajribaga ko‘ra bunday spekulyativ holatlarga qarshi samarali choralar qo‘llanilmoqda. Kanadada norezidentlarga uy-joy sotib olish taqiqlangan, Yangi Zelandiyada chet elliklarga cheklovlar o‘rnatilgan, Singapur esa ikkinchi va undan keyingi uylarni sotib olishda qo‘shimcha soliqlar joriy qilgan.

Mamlakatimizda ham ushbu muammoni hal etish uchun quyidagi mexanizmlar taklif etilmoqda:
📌Ijtimoiy uy-joy dasturlarini kengaytirish va xususiy sektor ishtirokini rag‘batlantirish;
📌Uy-joy bozorida narxlarning shaffofligini ta’minlash va monopoliyaga qarshi choralarni kuchaytirish.

Davlat tomonidan uy-joy bozorida tartibni saqlash orqali barcha qatlamlar uchun uy-joy olish imkoniyatlarini kengaytirish muhim vazifa bo‘lib qolmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

☯️ Munozara klubida yangi uy-joy massivlarida ijtimoiy infratuzilmani rivojlantirish masalasi ham muhokama qilindi

Savol: Yangi qurilayotgan uy-joy massivlarida maktab, bog‘cha, poliklinika va jamoat transporti yetishmovchiligi aholining noroziligiga sabab bo‘lmoqda. Xalqaro tajribani inobatga olgan holda, uy-joy qurilishi bilan birga ijtimoiy infratuzilmani rivojlantirishning qanday samarali mexanizmlarini taklif etasiz?

🏘 Javob: Qurilish va uy-joy kommunal xo‘jaligi vazirligi vakili Elyor Komilov

- Bu masala bugungi kunda dolzarb ahamiyat kasb etmoqda. Hozirda davlat va mahalliy hokimiyat organlari ijtimoiy infratuzilmani rivojlantirishga alohida e’tibor qaratmoqda. Yangi qurilish normalari va standartlarida ijtimoiy obyektlarning majburiy ravishda rejalashtirilishi ham muhim qadam hisoblanadi.

Xalqaro tajriba asosida quyidagi mexanizmlarni joriy etish maqsadga muvofiq:
📌Singaрur tajribasi – Quruvchi kompaniyalar uy-joy loyihasini tasdiqlashdan oldin ijtimoiy infratuzilmani qurish bo‘yicha majburiyat olishi lozim.
📌Janubiy Koreya tajribasi – Davlat-xususiy sheriklik asosida investorlarni imtiyozlar orqali ijtimoiy obyektlar qurilishiga jalb qilish.
📌Germaniyaning “15 daqiqalik shahar” konsepsiyasi – Har bir fuqaro yashash joyidan 15 daqiqa masofada ijtimoiy xizmatlardan foydalanish imkoniyatiga ega bo‘lishi kerak.
📌Yaponiya tajribasi – “Transit-oriented development” tamoyiliga ko‘ra avval transport infratuzilmasi yaratiladi, keyin esa uy-joy qurilishi boshlanadi.

Mamlakatimiz sharoitida hududiy xususiyatlarni inobatga olib, mahalliy hokimliklar tomonidan infratuzilma obyektlarini moliyalashtirishni oshirish, aholi soniga qarab ijtimoiy obyektlar quvvatini belgilash va jamoatchilik nazoratini kuchaytirish kabi choralarni amalga oshirish lozim.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|