#Qabul

📌🏘 Ta’kidlab kelayotganimizdek, Qurilish va uy-joy kommunal xo’jaligi vazirligida vazir o’rinbosari Ozoda Jo’rayeva ishtirokida haftaning juma kunlari aholining kommunal sohaga oid murojaatlari qabul qilib kelinadi.

Ayni damda Toshkent shahrining deyarli barcha tumanlaridan kelgan yuridik va jismoniy shaxslarning kommunal soha, xususan, boshqaruv tashkiloti faoliyatidan norozilik, ko’p qavatli uydagi umumfoydalanish obyektlarini noqonuniy egallab olganlik, billing tizimi, asossiz qarzdorlik kabi murojaatlari qabul qilindi.

Hozirgi vaqtga qadar Yunusobod, Yashnobod, Mirzo Ulug’bek hamda Chilonzor tumanidan kelgan fuqarolarning 6 ta murojaati qabul qilindi.

Jarayonda mazkur holatlar yechimi muhokama qilinib, aholi fikri asosida hal qilinadigan muammolar joyiga chiqqan holda o’rganiladigan bo’ldi.

Qabul qizg’in muhokamalarga boy tarzda davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #Onlayn
#Qabul

❄️ Qish mavsumi insonlarning eng dastlabki ehtiyojlari bilan bog’liq bo’lgan kommunal sohadagi murojaatlarni o’z vaqtida bartaraf etish zaruratini oshiradi. Shu ma’noda Qurilish va uy-joy kommunal xo’jaligi vazirligida mazkur yo’nalishni kuchaytirish ishlariga alohida e’tibor qaratilmoqda. Xususan, vazirlikda 24/7 ish rejimida ishlovchi shtab faoliyati yo’lga qo’yilgan. Unda tun-u kun aholi murojaatlarini qabul qilish, shuningdek, hududlar kesimida sohaga oid muammolarni monitoring qilish ishlari amalga oshirilmoqda.

🏘 Shuningdek, haftaning juma kunlari vazir o’rinbosari Ozoda Jo’rayeva ishtirokida jismoniy va yuridik shaxslarning kommunal sohaga oid murojaatlari qabul qilib kelinadi.

Bugungi qabulda ham poytaxtimiz va boshqa viloyatlardan kelgan aholi vakillarining muammolari tinglanmoqda.

Hozirga qadar boshqaruv tashkilotiga oid 3 ta murojaat qabul qilindi. Mazkur holatlar yuzasidan maxsus ishchi guruh tashkil etilishi ta’kidlanib, tezkor yechim choralarini ishlab chiqish bo’yicha topshiriq berildi.

Qabul davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Qabul
#Onlayn

📌 Boshqaruv organlari xalq oldida hisobdorlikni his qilishi shart!

🏘 Bugun haftaning juma kuni va odatdagidek, vazirlikda aholining kommunal sohaga oid murojaatlari qabul qilinmoqda. Vazir o’rinbosari Ozoda Jo’rayeva hamda boshqa mutasaddilar ishtirokida o’tkazilayotgan tadbirda Toshkent shahrining bir qator tumanlaridan kelgan yuridik va jismoniy shaxslarning muammolari o’rganilmoqda.

Hozirga qadar ko’p qavatli uylarning elektr shitlari, boshqaruv organlarining mulkdorlar oldidagi majburiyatlariga amal qilmaslik, asossiz qarzdorlik hamda noqonuniy qurilmalarga oid 5 ta murojaat qayd etildi.

- Boshqaruv tashkiloti aholi oldida hisobdor, belgilangan talab asosida bir yilda bir marta qat’iy tartibda yig’ilish o’tkazishi, unda bajarilgan ishlar va kelgusi vazifalar muhokama qilinishi shart. Fuqarolarimiz majburiy badal to’lovlari qaysi ishlar uchun sarflanayotganini bilishi kerak. Biz aholimiz huquqlari ta’minlanishini nazorat qilamiz, - dedi Ozoda Jo’rayeva.

Qabul davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Qabul

📌 Aholi muammolari bartaraf etildi

Bugungi qabulda yuridik va jismoniy shaxslardan 30 ga yaqin murojaatlar kelib tushdi. Ular orasida asosan boshqaruv organlarining ishiga asossiz aralashuv yoxud ularning faoliyatidan norozilik holatlari qayd etildi. Barcha murojaatlar tegishli tartibda, qonun doirasida hal qilinishi lozimligi ta’kidlanib, bu jarayonni nazorat qilish yuzasidan mas’ullar belgilandi.

Shuningdek, ko’p qavatli uyning elektr shit, tom qismidagi nosozliklarni bartaraf etish yuzasidan tadbirning o’zidayoq mas’ullarga qat’iy topshiriqlar berildi.

Qabuldagi 80 foiz murojaat joyida yechim topgan bo’lsa, qolgan holatlar vaqt va o’rganish talab etgani bois muddat belgilandi hamda nazorat kuchaytirilishi ta’kidlandi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|