#Hududlardan_xabarlar

🚨 Navoiy viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan Suv ta'minoti va oqova suv obyektlari qurilishi bo'yicha IK Navoiy viloyati hududiy boshqarmasi buyurtmachiligida  Xatirchi tumani hududida "Jaloir" suv inshootini rekonstruksiya qilish obyektida navbatdagi nazorat tadbiri o'tkazildi.

Natijada unda  quyidagi qoidabuzarliklar aniqlandi:

➖suv yig’ish inshootiga montaj qilingan 4 dona temir beton quduqlar ustki qopqoq qismi betonli qorishma bilan to’liq biriktirilmagan;

➖ ijro hujjatlari, umumiy ishlar, beton ishlari jurnali, qurilish materiallarining kirim jurnallari hamda sinov dalolatnomalari nazorat davomida taqdim etilmadi.

🔴 Aniqlangan qoidabuzarliklar bo‘yicha buyurtmachi, pudratchi va  loyiha tashkilotlariga bajarilishi majburiy bo‘lgan yozma ko‘rsatmalar berildi hamda qurilish ishlari nazoratga olindi.

Rasmiy sahifalarimizga a'zo bo'ling👇
|Web | Instagram| Facebook |Telegram

#Hududlardan_xabarlar

🚨 Buxoro viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan ro'yxatdan o'tmagan qurilish obyektlarini aniqlash va ularni bartaraf etish bo‘yicha monitoring ishlari davom etadi.

Buxoro tumani "Mustaqillik" MFY  hududida fuqaro S.Hodiyeva tomonidan qurilayotgan savdo va maishiy xizmat ko'rsatish binosining qurilishi hududiy nazorat  qilish inspeksiyasidan ro‘yxatdan o‘tmasdan qurilish ishlari amalga oshirilayotganligi aniqlandi.

✅ Ushbu qonun buzilish holati  yuzasidan inspeksiya mutaxassislari tomonidan buyurtmachiga bir necha marotaba qurilishni to'xtatish bo'yicha berilgan yozma ko'rsatmalarga qaramasdan qurilish ishlarini davom ettirgan, natijаda buyurtmachiga nisbatan Ma'muriy javobgarlik to'g'risidagi kodeksning 99-moddasi 7-qismi bilan ma'muriy bayonnoma rasmiylashtirilib, ushbu obyekt hududiy nazorat qilish inspeksiyasining ro'yxatidan o'tgunga qadar qurilish-montaj ishlari to'xtatildi.

Rasmiy sahifalarimizga a'zo bo'ling👇
|Web | Instagram| Facebook |Telegram

#Hududlardan_xabarlar

❗️Farg'ona viloyati Qurilish va uy-joy kommunal xo'jaligi sohasida hududiy nazorat qilish inspeksiyasi xodimlari tomonidan Farg‘ona tumani "Yangi asr" mahallasi hududida joylashgan “Yangi O‘zbekiston” massivida buyurtmachi “Quruvchi Invest” MChJ tomonidan qurilayotgan ko'p qavatli turar-joy obyektida monitoring ishlari o'tkazildi.

Buyurtmachining texnik nazoratchisi obyektlarda monitoring ishlarini amalga oshirmaganligi oqibatida binoning fasad qismiga loyihada nazarda tutilgan bazalt qoplash ishlari sifatsiz bajarilganligi aniqlandi.

Qoidabuzarliklar yuzasidan “Qurilishda davlat nazorati” milliy axborot tizimi orqali bajarilishi majburiy bo'lgan yozma ko'rsatmalar berildi hamda loyiha talablari asosida qilinmagan bazalt qoplamalari demontaj qildirildi. Shuningdek, MJtKning 99-moddasiga asosan pudratchi rahbariga nisbatan ma’muriy bayonnoma rasmiylashtirildi.

Rasmiy sahifalarimizga a'zo bo'ling👇
|Web | Instagram| Facebook |Telegram

#Kengash

🔎 Kuni kecha O‘zbekiston Respublikasi Vazirlar Mahkamasi huzuridagi Respublika Arxitektura-shaharsozlik kengashining navbatdagi yig‘ilishi bo‘lib o‘tdi

“O‘zshaharsozlik LITI” davlat mussasasida tashkil etilgan tadbirda davlatimiz rahbarining tegishli qaroriga asosan Institut mas’ul xodimlari tomonidan ishlab chiqilgan jami 8 ta shaharchaning Bosh reja va batafsil rejalashtirish loyihalari taqdimoti bo'lib o'tdi. Mazkur loyihalar mutasaddi rahbarlar tomonidan ko'rib chiqildi.

Ushbu loyihalarni ishlab chiqishda Institut mutaxassislari quyidagi asosiy masalalarga e’tibor qaratgan:

- shahar va shaharchalarni rejalashtirishning asosiy me’moriy yechimlari;
- aholining turar-joy fondi bilan ta’minlanish darajasi;
- aholiga tibbiy hamda transport xizmatlari ko‘rsatish qamrovi va sifatini oshirish;
- ishlab chiqarishni rivojlantirish;
- yashil maydonlar va sport-sog‘lomlashtirish hududlarini barpo etish;
- shaharchalarni ekologik jihatdan rivojlantirilishi;
- muhandislik tarmoqlari va texnik infratuzilma sohalari bo‘yicha loyiha yechimlari.

💬 Kengash a'zolari tomonidan yig'ilishda taqdim qilingan barcha shaharsozlik hujjatlari bir ovozdan qabul qilindi.

Ma'lumot uchun, bugun Arxitektura-shaharsozlik kengashi yig'ilishining 2-bosqichi o'tkaziladi.

Rasmiy sahifalarimizga a'zo bo'ling👇
|Web | Instagram| Facebook |Telegram