#Hududlardan_xabarlar

🗺 Andijonda qurilayotgan ko'p qavatli uyda sifatsiz materiallar ishlatilgani aniqlanib, mas'ullarga chora ko'rildi

Andijon viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi rahbari boshchiligidagi ishchi guruhi qurilish obyektlarida nazorat tadbirlarini olib bormoqda.

Xususan, Izboskan tumani “Daminboychek” mahallasida qurilayotgan ko‘p qavatli turar joy obyekti ko‘zdan kechirilganda quyidagi qoidabuzarliklarga yo‘l qo‘yilganligi aniqlandi:

📌 qurilish obyektiga sifatsiz ora yopma plitalar olib kelinib, montaj qilinganligi;
📌 binoning 3-qavatidagi ora ajratma devorlarni tiklash ishlari sifatsiz bajarilganligi;
📌 obyektning ijro hujjatlari talab darajasida yuritilmaganligi aniqlandi.

✅ Mazkur qoidabuzarliklar yuzasidan qurilishning mas’ul texnik va ichki nazoratchilariga ma’muriy choralar ko‘rilib, sifatsiz ishlar joyida demontaj qilindi. Shuningdek, yaroqsiz ora yopma plitalar qurilish obyektidan chiqarilib, ishlab chiqaruvchi korxonaga qaytarildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹#ONLAYN

Ommaviy sayyor qabulga start berildi

🔗 Bugun Chilonzor tumani hokimligi binosida Respublika ishchi guruhi tomonidan ommaviy sayyor qabul boshlandi.

🏘 Unda Qurilish va uy-joy kommunal xo’jaligi vazirligidan mutasaddilar ishtirok etmoqdalar. Tadbirni O’zbekiston Respublikasi Prezidenti Administratsiyasi, Toshkent shahar hokimligi hamda boshqa mutasaddilar kirish so’zi bilan ochib berdi.

Ta’kidlanganidek, bunday sayyor qabullar aholining muammolarini manzilli o’rganish va maqbul yechim topishda muhim ahamiyat kasb etadi.

Bunda qabulga kelgan fuqarolar o‘z murojaatlarini bevosita mas’ul tashkilot vakillariga yo‘llash imkoniyatiga ega bo’ladi.

Sayyor qabul kun davomida o‘z ishini olib boradi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹#ONLAYN

Sayyor qabulda jismoniy va yuridik shaxslarning qurilish hamda kommunal sohaga oid muammolar qabul qilinmoqda.

🏘 Vazir o’rinbosari Ozoda Jo’rayeva, vazirlikning Arxitektura va shaharsozlikni rivojlantirish boshqarmasi boshlig'i Azizxon Usmonov hamda Toshkent shahar uy-joy kommunal xo’jaligi bosh boshqarmasi boshlig’i Shomansur Ahmedov tomonidan hozirga qadar Chilonzor, Uchtepa, Yakkasaroy tumanlaridan kelgan aholining ko’p qavatli uylarga xizmat ko’rsatuvchi boshqaruv organlarining faoliyati, tomdan chakki o’tishi, noqonuniy qurilmalar, shuningdek, uy-joy masalalari, loyiha hujjatlarini ishlab chiqish hamda qurilish obyektlaridagi yengil konstruksiyali qurilmalar yuzasidan 10 dan ziyod murojaatlari qabul qilindi.

Jarayonning o’zida aksariyat muammolar bartaraf etilib, yechimi bo’yicha huquqiy tushunchalar berildi.

Sayyor qabul davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|