#Murojaat_yechim

🔗 Aholi murojaati doimiy e’tiborda

Fuqarolarning turmush sharoitini yaxshilash hamda ularning muammo va masalalariga ijobiy yechim topish maqsadida Toshkent viloyati qurilish va uy-joy kommunal xo‘jaligi bosh boshqarmasi tomonidan qator chora- tadbirlar amalga oshirilmoqda. Xususan, Toshkent viloyati Bekobod tumani "Istiqlol" MFY hududida joylashgan ko‘p qavatli uyda yashovchi fuqarolar bilan suhbat olib borildi. Ma’lum bo’lishicha, bu yerda yashovchi xonadon egalarini kanalizatsiya tarmoqlardagi muammolar tashvishga solib kelmoqda.

O’rganish ishlaridan so’ng ushbu hududdagi ko‘p qavatli uylarga xizmat ko‘rsatuvchi “Umid dur marjon” BSK tomonidan mazkur muammo hal etildi. Hududlarda shu kabi o’rganish jarayonlari davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Hududlardan_xabarlar

🗂 Chortoq tumanining turizm salohiyatini yanada yaxshilashga xizmat qiladigan yangi istiqbolli loyihalar taqdimoti oʼtkazildi

🌳 Chortoq oʼzining betakror tabiati, turizm maskanlari, sihatgohlari bilan nom qozongan. Tumanning oʼziga xos xususiyatlaridan kelib chiqib, aholi va sayyohlar uchun barcha qulayliklarga ega dam olish  maskanlari hamda turistik majmualarni tashkil etish boʼyicha master-rejalar ishlab chiqilmoqda.

“Chortoqsoy” va suv ombori qirgʼoq boʼyi hududida amalga oshiriladigan turizm yoʼnalishidagi yangi loyihalar tuman hokimi boshchiligida tegishli tashkilotlar rahbarlari, mutaxassislar hamda tadbirkorlar ishtirokida koʼrib chiqilib, muhokama qilindi.

Muloqot davomida loyiha yuzasidan qoʼshimcha takliflar tayyorlash, shuningdek, sihatgoh va mehmonxonalar tashkil etishga xorijiy davlatlardan investorlarni jalb qilish muhimligi taʼkidlandi.

#NAMANGAN

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#JARAYON

🏘 Ma'lum qilinganidek, Qurilish va uy-joy kommunal xo'jaligi vaziri o'rinbosari Ozoda Jo'rayeva respublikaning barcha hududlarida ko'p kvartirali uylarga xizmat ko'rsatish, issiqlik ta'minoti tizimi yuzasidan amalga oshirilayotgan ishlarni o'rganmoqda.

Navbatdagi manzil Andijon viloyati "Yangi Andijon" shahri bo'ldi. Shahar qurilishi bundan 4 yil avval qir-adirlarni o‘zlashtirish va tuproq ishlarini bajarishdan boshlangan edi. Hozirga qadar 100 ga yaqin uy-joylar foydalanishga topshirilib, mazkur uylarda 2 000 nafardan ortiq aholi istiqomat qilmoqda.

Ozoda Jo'rayeva shaharda tashkil etilgan "Yangi Andijon obod servis" BSK faoliyati bilan yaqindan tanishdi. So'nggi talablar va sharoitlar bilan ish boshlagan kompaniyaning boshqaruv binosi, moddiy-texnika bazasi, aholi uchun yaratilgan qo'shimcha imkoniyatlarni ko'zdan kechirdi. Yangi uylarga individual issiqlik punktlari (IIP) o'rnatilgan bo'lib, kompaniya issiqlik ta'minoti korxonalari bilan hamkorlikda mazkur yo'nalishda ham mulkdorlarga xizmat ko'rsatib kelmoqda.

- Bu yangi joylar, obod makonlar hurmatli yurtboshimizning xalqchil o'y-fikrlari asnosida qad rostlamoqda. Haqiqatan mamlakatimizda inson qadri, uning yaxshi sharoitlarini ta'minlash bugun asosiy mezonga aylanib ulgurdi. Bizning vazifamiz ana shu imkoniyatlarni yanada takomillashtirish, yurtdoshlarimizga sifatli xizmat ko'rsatishdan iborat, - dedi vazir o'rinbosari.

Jarayonda boshqaruv organi mas'ullariga ish samaradorligini oshirish yuzasidan tavsiyalar berildi. Bunda tadbirkorlikni rivojlantirish, qo'shimcha servis xizmatlari turlarini ko'paytirish lozimligiga alohida urg'u berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|