#REYD

🚨 Navoiy viloyatida maktabgacha ta'lim tashkiloti binosining qurilishi to'xtatildi

Navoiy viloyati Qurilish va uy-joy kommunal xo'jaligi sohasida hududiy nazorat qilish inspeksiyasi xodimlari tomonidan belgilangan tartibda nazorat tadbirlari olib borilmoqda.

Xususan, Karmana tumani "Talqoq" MFY hududida "Yagona buyurtmachi xizmati" IK buyurtmachiligida qurilayotgan 120 o'rinli maktabgacha ta'lim tashkiloti binosining ikkinchi qavati "G" o'qining uchinchi hamda to'rtinchi qatorlaridagi g'isht terish ishlari va beton o'zaklar sifatsiz hamda loyiha talablari asosida bajarilmaganligi aniqlandi.

🔴 Mazkur qoidabuzarliklar sabab inspeksiya xodimlari tomonidan obyektda qurilish ishlari vaqtinchalik to'xtatildi hamda sifatsiz bajarilgan ishlar joyida buzdirildi.

#NAVOIY

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#JARAYON

🫥 O‘zbekiston Respublikasi Vazirlar Mahkamasining tegishli Qarori bilan Jahon banki ishtirokida “Buxoro shahrida markazlashgan issiqlik ta’minotini rekonstruksiya qilish va energiya samaradorligini oshirish” loyihasi doirasida “Buxoroenergomarkaz” qozonxonasini modernizatsiya va rekonstruksiya qilish ishlari olib borilmoqda.

Bugun vazirlik boshqarma boshlig'i Ilhom To'rayev Buxoro shahrida bo'lib, Jahon banki vakillari bilan uchrashdi. Unda loyiha doirasida amalga oshirilgan ishlar, kelgusi vazifa va rejalar muhokama qilindi.

Ta'kidlash lozimki, loyiha doirasida jami 4 ta har biri 20 MVt, umumiy quvvati 100 MVtli zamonaviy yangi suv isitish qozonlarini o‘rnatish, 5,5 km uzunlikdagi issiqlik tarmoqlarini modernizatsiya qilish, yopiq issiqlik tizimini tashkil etish uchun 264 ta individual issiqlik punktlarini o‘rnatish hamda 202 ta ko‘p qavatli uyning ichki isitish tizimini tiklash rejalashtirilgan.

🟡 Bugungi kunda har birining quvvati 20 MVt bo‘lgan, umumiy quvvati 80 MVtli 4 ta zamonaviy yangi suv isitish qozonlari o‘rnatilib, 5,5 km uzunlikdagi issiqlik tarmoqlarini modernizatsiya qilish, yopiq issiqlik tizimini tashkil etish uchun 264 ta individual issiqlik punktlarini o‘rnatish ishlari amalga oshirilgan.

Hozirda 1 ta 80 MVt quvvatdagi qozon o‘rnatish va qozonxona tarmoqlariga ulangan 202 ta ko‘p qavatli uyning ichki isitish tizimini tiklash ishlari olib borilmoqda. Loyihani amalga oshirish natijasida Buxoro shahridagi 11 372 ta xonadondan iborat 202 ta ko‘p qavatli uy hamda 32 ta ijtimoiy soha obyektining markazlashgan issiqlik ta’minoti uzluksizligi ta’minlanadi va sifat darajasi oshadi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹 #Press_tur

📍Ayni damda Toshkent viloyati Chirchiq shahrida issiqlik ta’minotini yaxshilash hamda kuz-qish mavsumiga ko’rilgan tayyorgarlik ishlari yuzasidan OAV vakillari ishtirokida Qurilish va uy-joy kommunal xo'jaligi vazirligi tomonidan tashkil etilgan press-tur start oldi.

Hozirda ishtirokchilar hududdagi “Yubileynaya” qozonxonasi bilan tanishmoqdalar.

Loyihaga koʻra qozonxona orqali 176 ta koʻp qavatli uylar (10 238 ta xonodonlar), 4 ta maktab, 2 ta bogʻcha va 1 ta sogʻlikni saqlash muassasalarini uy va xonadonlar ichki isitish tizimini tiklagan holda 2024-yil yakuniga qadar issiqlik energiyasi bilan taʼminlash koʻzda tutilgan.

“Yubileynaya” qozonxonasiga jami 75 MVt quvvatdagi 3 ta qozon va yordamchi uskunalari bilan oʻrnatish, 186 ta individual issiqlik punktlarini o’rnatish, 17,4 km uzunlikdagi issiqlik tarmoqlaridan 16,1 km uzunlikdagi qism hamda 170 ta uyning yertoʻlasidagi IIPlargacha tortish ishlari 100 foiz yakunlangan.

Qolgan 1,3 km uzunlikdagi issiqlik tarmoqlarini yotqizish va 6 ta koʻp qavatli uylarni ichki isitish tizimini tiklash ishlari amalga oshirilmoqda.

Bugungi kunda “Yubileynaya” qozonxonasi hududidagi 9 610 ta xonadondan iborat 170 ta koʻp qavatli uy va 6 ta ijtimoiy soha obyektlari issiqlik tarmoqlariga toʻliq ulanib, uy va xonadonlar ichki isitish tizimini tiklagan holda yetarli haroratda sifatli hamda uzluksiz issiqlik energiyasini qabul qilmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|