#Yashil_makon

🌳 "Yashil makon" loyihasi yurtimizning barcha hududlarida amalga oshirilayotgan bo‘lib, tanlab olingan maydonlarda daraxt va buta ko‘chatlari ekilmoqda.

Xususan, Surxondaryo viloyati Termiz tumanida 100 gektar maydonda bugun erta tongdan davlat va jamoat tashkilotlari, nuroniylar, faollar va yoshlar jam bo‘lishib, "yashil" belbog‘ yaratish maqsadida daraxt va buta ko‘chatlari ekish tadbirida ishtirok etdi.

Ma’lumot uchun, 100 gektar maydonda 55 mingga yaqin daraxt va buta ko‘chatlari ekilishi rejalashtirilgan bo‘lib, ayni vaqtga qadar 5 gektardan ortiq maydonga 2,8 ming tup manzarali hamda mevali daraxt ko‘chatlari ekildi.

#SURXONDARYO

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

❄️🌧 Ishchi guruh o’rganish ishlarini davom ettirmoqda

Avval xabar berganimizdek, davlatimiz rahbarining tegishlicha topshirig’i bilan O’zbekiston Respublikasi Prezidenti Administratsiyasi, Prokuratura va  vazirlik mutasaddilaridan iborat ishchi guruhi  kuz-qish mavsumini betalofat o’tkazish, issiqlik ta’minoti korxonalarining faoliyati, aholini energiya resurslari bilan ta’minlash chora-tadbirlari yuzasidan amalga oshirilayotgan ishlarni o’rganib kelmoqda.

Bugun vazir o’rinbosari Ozoda Jo’rayeva, O’zbekiston Respublikasi Bosh prokurori o’rinbosari Shohrux Aminov, Toshkent shahar prokurori o’rinbosari Habibulla Mirsoatov bilan birgalikda ko’p kvartirali uylarni mavsumga tayyorligi, boshqaruv tashkilotlarida aholi qulayligini oshirish yuzasidan amalga oshirilgan ishlarni o’rganish maqsadida poytaxtimizning Sergeli tumanida bo’lib, mavjud holatni tanqidiy-tahliliy o'rgandilar.

Xususan, tumandagi ko’p qavatli uyga xizmat ko’rsatuvchi “Hayot kommunal” BSK ish faoliyati o’rganildi. Shu bilan birga ko’p qavatli uylarning yerto’lasi, texnik shayligi hamda ijtimoiy soha obyektlarida isitish tizimining sifati ko'zda kechirildi.

Mas’ullarga ish sifatini yaxshilash yuzasidan  ko'rsatma va topshiriqlar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹#ONLAYN

“Qurilishda energiya samaradorlikni oshirishning istiqboldagi vazifalari”
mavzusidagi respublika anjumani o’z ishini boshladi.

🏘 Qurilish va uy-joy kommunal xo’jaligi vazirligi, vazirlik huzuridagi Texnik me’yorlash hamda standartlashtirish ilmiy-tadqiqot instituti tomonidan tashkil etilagan tadbirda 100 dan ortiq xalqaro hamkorlar, loyiha tashkilotlari, mahalliy soha mutaxassislari hamda oliy ta’lim muassasalari vakillari ishtirok etmoqdalar.

Tadbirni vazir o’rinbosari Davronjon Adilov kirish so’zi bilan ochib berar ekan, sohada energosamaradorlikni oshirishning ahamiyatiga to’xtaldi:

-Sir emas, dunyoning ko‘plab davlatlarida elektr energiya taqchilligi kuzatilayotgan bir paytda uning samaradorligi va tejamkorligiga erishish har bir fuqaro oldida turgan katta burch va vazifadir.

Boisi yildan-yilga tabiiy resurslarning kamayib borayotgani va elektr energiyasiga bo‘lgan talabning tobora ortib borayotgani, uning samaradorligi va tejamkorligiga bo‘lgan talabni orttirmoqda.

Mazkur talablar mamlakatimiz iqtisodiyotining eng muhim tarmoqlaridan biri bo‘lgan bunyodkorlik sohasida ham yangicha qarashlar, yondashuvlarni joriy etish zaruratini taqozo etadi.
Davlatimiz rahbari, hurmatli Shavkat Miromonovich Oliy Majlis Qonunchilik palatasining navbatdagi majlisida 2025-yilni yurtimizda “Atrof-muhitni asrash va “yashil” iqtisodiyot yili” deb e’lon qilganlari Yangi O‘zbekistonda ona tabiatni asrab-avaylash, ekologik barqarorlikni ta’minlashga qaratilayotgan yuksak e’tiborning amaldagi yana bir ifodasi bo‘ldi, deyish mumkin,- dedi D.Adilov

Tadbir qizg’in muhokamalar bilan davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|