#JARAYON

🏘 Bugun Qurilish va uy-joy kommunal xo‘jaligi vaziri o‘rinbosari Toir Alimatov Toshkent viloyatida bo‘lib, qurilish obyektlarida monitoring ishlarini amalga oshirmoqda.

Dastlab Yangiyo’l shahri “Turkiston” MFY, Niyozboshi ko’chasidagi “Saidazim ota” MCHJga tegishli 8 qavatli 56 xonadonli obyekt tahlil qilindi. Jarayonda binoga bazalt to’g’ri qoplanmaganligi, pol plitalarining orasi ochilib, chiqindi bilan to’lgani, g’ishtlar sifatsiz terilgani qattiq tanqid qilindi.

Shuningdek, “Oriyent invest injinering” buyurtmachiligida qurilayotgan “Yangi bog’” MFY, Beruniy ko’chasidagi 7 qavatli obyekt o’rganildi.

Binoni joriy yil oxirigacha qurib, foydalanishga topshirish rejalashtirilgan bo’lib, vazir o’rinbosari obyekt loyihasi va sifatiga doir barcha masalalarni mutasaddilarga tushuntirdi.

Shundan so’ng Yangiyo’l shahri Navro’z dahasidagi 5 qavatli 45 xonadonli qurilish obyekti ko’rib chiqildi. “Doston house” MCHJ tomonidan barpo etilayotgan obyektda ichki devorlarning metal ustunlari ishchi loyihaga zid ravishda bajarilgani ma’lum bo’ldi va joyida mas’ullarga tegishli vazifalar belgilab berildi.

“Navro’z” MFY, Ibn Sino ko’chasidagi  5 qavatli bino ham Toir Alimatov e’tiboridan chetda qolmadi. Obyektda gidroizolyatsiya ishlari belgilangan tartibda qilinmagani jiddiy e’tirozga sabab bo’ldi.

Navbatdagi manzil “Bahor" MFYdagi 4 qavatli 72 xonadondan iborat ko’p qavatli uyning qurilishi bo’ldi. “Bilol 777" MCHJga tegishli obyektda deyarli kamchiliklar ko‘zga tashlanmadi.

Kuzatuvlar davomida vazir o‘rinbosari tegishliligi yuzasidan mas’ullarga yana bir qator vazifalarni belgilab berdi.

Toir Alimatov boshchiligidagi ishchi guruh monitoringlari Olmaliq shahrida davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

‼️Tayyorga ayyorlik, yoxud uy boshilarning xalqqa murojaati…

Ijodiy jamoamizga kelib tushgan murojaatga ko’ra Yunusobod 6-dahada joylashgan ko’p kvartirali uylarga xizmat ko’rsatish tizimidagi noqonuniy xatti-harakatlar aholi orasidagi ko’plab tushunmovchiliklarga sabab bo’lmoqda. Bundan xavotir bo’lgan faollar hamda uy boshilari holatga oydinlik kiritish, shu yo’l bilan ijtimoiy tarmoqlarda turli yolg’onlar bilan e’lon qilingan xabarlarga javob berish niyatida ekanliklarini ta’kidladilar.

⚠️ Biz ijodiy jamoamiz bilan holatni o’rgandik, aholi vakillari va uy boshilarining fikrlariga quloq tutdik. Anglaganingizdek, ko’p kvartirali uylarni boshqaruvga olishda noqonuniy yo’llar orqali harakat qilish, aholining fikriga ta’sir o’tkazish, jamiyatda o’z o’rniga ega shaxslarni obro’sizlantirish orqali ularga bosim o’tkazish haqiqatan tizimning samaradorligiga salbiy ta’sir o’tkazadi va bunday holatlarga albatta chora ko’rilishi shart!

📌 Shu o’rinda aholimizga muhim eslatma!

Turli aldov yo’llari bilan, go’yoki sizga alohida imtiyoz qilib berish orqali imzoingizni so’rab kelgan insonlardan ehtiyot bo’ling. Shaxsiy mulkingizni noqonuniy faoliyat bilan shug’ullanuvchilarga ishonmang. Zero, tekin pishloq faqat tuzoqda bo’ladi!

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#No_comment

📌 Vazir oʻrinbosari Toir Alimatov Toshkent viloyatidagi obyektlarning qurilish jarayonlarini o’rgandi

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

💐#TABRIK

O’zbek tili - millatimizning ma’naviy boyligi hisoblanadi. Ota-bobolarimizning tanti va samimiy gurunglari, onalarimizning mehr to’la allalari bilan bunyod bo’lgan, qon-qonimizda singgan ona tilining qadri va qimmati har narsadan baland. Zero, til bor - millat bor!

Shubhasiz, o‘zlikni anglash, milliy ong va tafakkurning ifodasi, avlodlar o‘rtasidagi ruhiy-ma’naviy bog‘liqlik til orqali namoyon bo‘ladi. Jamiki ezgu fazilatlar inson qalbiga avvalo, ona tilining betakror jozibasi bilan singadi. Xalqimiz tafakkurining ko‘zgusi bo‘lgan ushbu bebaho ne’matni asrab-avaylash va rivojlantirish bugungi kundagi eng katta vazifalarimizdan biridir. Boisi til faqatgina jamiyat bilan birgalikda rivojlanadi.

✨ Aziz yurtdoshlar, sizlarni o‘zbek tiliga davlat tili maqomi berilganligining 35 yilligi hamda 21-oktabr – O‘zbek tili bayrami kuni bilan samimiy tabriklab, barchangizga mustahkam salomatlik, oilangizga qut-baraka, tinchlik va xotirjamlik tilayman!

🏘 Qurilish va uy-joy kommunal xo'jaligi vaziri v.b
Sherzod Hidoyatov

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#Ona_tilim_faxrim

🫥 Ona tilimiz rivojiga barchamiz birdek mas’ulmiz!

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#REYD

📍Samarqandda yana bir talabalar turar joy binosining sifatsiz qurilayotgani maʼlum boʻldi.

Qurilish va uy-joy kommunal xoʻjaligi sohasida nazorat qilish inspeksiyasi xodimlari tomonidan oʻtkazilgan reyd tafsiloti.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|