#JARAYON

🔠 Xabaringiz bor, vazirlik tomonidan poytaxtimizning barcha tumanlarida onlayn qabullar tashkil etilib, aholining kommunal sohaga oid murojaatlari qabul qilinmoqda.

Navbatdagi onlayn qabul Yashnobod tumani hokimligida Yashnobod va Bektemir tumanlari uchun bo’lib o’tdi.

Jonli muloqotda vazir o’rinbosari Ozoda Jo’rayeva boshchiligidagi mutasaddilar, xususan, kommunal sohaga daxldor barcha mutasaddi tashkilotlar vakillari, sohada nazorat olib boruvchi inspektorlar hamda ko’p qavatli uylarga xizmat ko’rsatuvchi boshqaruv tashkilotlari ishtirok etdi.

Jarayonda Yashnobod tumani aholisining 60 ga yaqin murojaati o’qib eshittirilib, ularni bartaraf etish choralari belgilab olindi. Bektemir tumanidan esa deyarli murojaat qabul qilinmadi, aksincha aholining boshqaruv tashkilotlaridan minnatdorlik fikrlari kelib tushdi.

Muhokamalar so‘nggida boshqaruv tashkilotlariga ish samaradorligini oshirish yuzasidan bir qator vazifalar belgilandi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

🌧❄️ #Kuz_qish

🗺 Mamlakatimiz hududlarida ko'p kvartiarli uylarni kuz-qish mavsumiga tayyorlash ishlari jadallik bilan davom etmoqda. Xususan, Qarshi shahri “Binokor obod uy" boshqaruv servis kompaniyasi tomonidan hududdagi ko‘p qavatli uylarning kirish yo‘laklari joriy ta’mirlanmoqda.

Shuningdek, Qarshi shahri “Bilolov Usmon" boshqaruv servis kompaniyasi ham o'z hududidagi 53- sonli ko‘p qavatli uyning tom qismida joriy ta’mirlash ishlarini amalga oshirmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#JARAYON

🔗 Vazir o‘rinbosari Toir Alimatovning Toshkent viloyati tumanlarida qurilayotgan obyektlarni o‘rganishga oid tahlillari davom etmoqda.

Jarayonlarda vazirlikning Uy-joylar qurilishini rivojlantirish bo‘limi boshlig‘i B.Nazarov, Qurilish va uy-joy kommunal xo'jaligi sohasida nazorat qilish inspeksiyasi mas'ullari va hududiy inspeksiya mutasaddilari ishtirok etishmoqda.

📍 Kuni kecha vazir o’rinbosari Zangiota tumanida bo'lib, Eshonguzar qurilish majmuasini ko'zdan kechirdi. Obyekt buyurtmachisi “Expected Homes” MCHJ QK hisoblanadi.

Majmuadagi umumiy holat qoniqarli. O'rganishlar davomida koʻp qavatli binoning pastki qavatlaridagi noturar binolarning ichki suvoq va boshqa pardozlash ishlari bajarilmagani, yoʻllarni asfaltlash ishlari qilinmagani, SHNQ 3.01.04-19 talablari boʻyicha obodonlashtirish ishlari amalga oshirilmagani aniqlandi.

⏺T.Alimatov qurilish jarayonlarining har bir jihatiga e’tibor qaratdi va kamchiliklar yuzasidan bajarilishi lozim bo‘lgan tegishli ko‘rsatmalar berdi. Xususan, mazkur obyektni belgilangan muddatda va sifatli tarzda topshirish lozimligi ta'kidlandi.

Vazir o'rinbosarining hududlar bo'ylab monitoring ishlari davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|