#JARAYON

🏘 Qurilish va uy-joy kommunal xoʻjaligi vaziri o’rinbosari Toir Alimatov bugun Toshkent viloyatining Chirchiq shahrida bo’ldi. Xabaringiz bor, kuni kecha Oʻzbekiston Respublikasi Prezidenti Shavkat Mirziyoyev Toshkent viloyatida boʻlib, hududlarda ijtimoiy-iqtisodiy sohalarda amalga oshirilayotgan islohotlar, qurilish-bunyodkorlik ishlari bilan tanishgan edi. Tashrif doirasida davlatimiz rahbari sohalarda amalga oshirishi lozim boʻlgan vazifalarni belgilab berilgandi.

Shundan kelib chiqqan holda bugun vazir o’rinbosari Toir Alimatov Chirchiq shahrida barpo etilayotgan ijtimoiy soha obyektlari, bino va inshootlarning qurilish jarayonlari bilan tanishib, bu borada bajarilishi zarur boʻlgan masalalarni tanqidiy-tahliliy o’rgandi.

Xususan, kommunikatsiya tarmoqlari, elektr taʼminoti, yo’l infratuzilmasi qurilishini ham sifatli va oʻz muddatida bajarish boʻyicha vazifalar belgilab berildi.

📌 Ayni kunlarda Chirchiq shahrida barpo etilayotgan “Yangi O’zbekiston” massivida ishlar jadallik bilan ketmoqda. Albatta, qilingan ishlar qatori muammolar ham yoʻl qoʻyilayotgan kamchiliklar ham yoʻq emas. Vazir oʻrinbosari kuzatuvlar davomida ana shu kabi masalalar yechimiga eʼtibor qaratdi.

Obyektlardagi pardozlash ishlari, texnika xavfsizligiga amal qilish, qurilish madaniyatiga rioya etish kabi masalalar yuzasidan oʻz fikrlarini bildirdi.

Toir Alimatov boshchiligidagi Ishchi guruhning Toshkent viloyatidagi o‘rganish ishlari davom etmoqda, keyingi manzil Toshkent tumani.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#JARAYON

🔠 Xabaringiz bor, vazirlik tomonidan poytaxtimizning barcha tumanlarida onlayn qabullar tashkil etilib, aholining kommunal sohaga oid murojaatlari qabul qilinmoqda.

Navbatdagi onlayn qabul Yashnobod tumani hokimligida Yashnobod va Bektemir tumanlari uchun bo’lib o’tdi.

Jonli muloqotda vazir o’rinbosari Ozoda Jo’rayeva boshchiligidagi mutasaddilar, xususan, kommunal sohaga daxldor barcha mutasaddi tashkilotlar vakillari, sohada nazorat olib boruvchi inspektorlar hamda ko’p qavatli uylarga xizmat ko’rsatuvchi boshqaruv tashkilotlari ishtirok etdi.

Jarayonda Yashnobod tumani aholisining 60 ga yaqin murojaati o’qib eshittirilib, ularni bartaraf etish choralari belgilab olindi. Bektemir tumanidan esa deyarli murojaat qabul qilinmadi, aksincha aholining boshqaruv tashkilotlaridan minnatdorlik fikrlari kelib tushdi.

Muhokamalar so‘nggida boshqaruv tashkilotlariga ish samaradorligini oshirish yuzasidan bir qator vazifalar belgilandi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|