#JARAYON

🔠 Texnik me’yorlash va standartlashtirish ilmiy-tadqiqot instituti hamda Farg’ona politexnika instituti o’rtasidagi hamkorlik aloqalari tobora rivojlanib bormoqda.

Shuningdek, kuni kecha O’zbekiston Respublikasi Prezidentining “Ma’muriy islohotlar doirasida qurilish va uy-joy kommunal xo‘jaligi sohasida davlat boshqaruvini samarali tashkil qilish chora-tadbirlari to‘g‘risida”gi PF-151-sonli Farmoni ijrosi yuzasidan mazkur institutlar o‘rtasida ochiq muloqot o‘tkazildi.

⏺Uchrashuv davomida bir qator hamkorlik yo’nalishlari muhokama qilindi.

Jumladan,

- shaharsozlik faoliyati sohasidagi normativ hujjatlarni va Yevrokodlarni ishlab chiqish;
- axborot modellashtirish texnologiyalari (BIM / Building Information Modeling)ni joriy etish boʻyicha hamkorlikda ishlar olib borish;
- bino va inshootlarni energiya samaradorligi bo‘yicha audit qilish va qurilishda energiya samarador va tejamkor materiallarni qoʻllash amaliyoti;
- sohadagi taʼlim dasturlarini hamkorlikda koʻrib chiqish va amaliyotga joriy etish;
- bino va inshootlarning qurilish konstruksiyalari va alohida konstruktiv elementlari holatini texnik koʻrikdan oʻtkazish va monitoring qilish;  
- shaharsozlik sohasida ustuvor yoʻnalishlar boʻyicha qayta tayyorlash va malaka oshirish kurslarini tashkil qilish;
- hamkorlikda mahalliy va xalqaro loyihalarni tayyorlash;
- doktorantlarning ilmiy ishlarini Texnik me’yorlash va standartlashtirish ilmiy-tadqiqot instituti kompleks laboratoriyasida oʻtkazish.
      
Xususan, muloqot so‘nggida institutlar tomonidan imzolangan memorandum asosida hamkorlikdagi vazifalarni yanada  takomillashtirishga kelishib olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#Onlayn
  #Seminar

Birozdan so’ng Navoiy shahrida ko’p kvartirali uylarga xizmat ko’rsatuvchi boshqaruv organlari uchun tashkil etilgan seminarga start beriladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN
 
🔗 Tadbirda ta’kidlanganidek, sohaga berilayotgan katta e’tibor tufayli so’nggi yillarda “og‘ir” toifadagi boshqaruv servis kompaniyalari soni keskin kamaydi va asta-sekin raqobat muhiti shakllandi.

Shuningdek, mamlakatimizning chekka hududlarida ham namunali boshqaruv servis kompaniyalari tashkil etildi. 2023-yil 1-yanvar holatiga BSKlarning namunaviy binolari soni 52 ta bo‘lgan bo‘lsa, bugungi kunga kelib ularning soni 131 taga yetdi.

Boshqaruv organlarining debitor qarzdorliklarini kamaytirish yo‘lida ham qator natijalarga erishildi.  BSKlarda moliyaviy ahvolning yaxshilanishi va qo‘shimcha ish hajmining paydo bo‘lishi natijasida yangi ish o‘rinlari yaratildi.

🏠 Respublikada 1,4 mln dan ortiq  xonadondan iborat  42 072 ta ko‘p kvartirali uylar mavjud. Mazkur ko‘p kvartirali uylarning:

- 38 689 tasiga 821 ta boshqaruv tashkilotlari tomonidan;
- 849 tasiga 157 ta shirkatlar tomonidan;
- 676 tasi bevosita mulkdorlar tomonidan;
- 1 405 tasiga idora va tashkilotlar tomonidan xizmat ko‘rsatib kelmoqda.

Joriy yilning bugungi kuniga qadar boshqaruv organlari tomonidan ko‘p kvartirali uylarga 692 mlrd so‘mlik xizmatlar ko‘rsatilgan va 512 mlrd so‘m majburiy badallar undirildi. Ushbu mablag‘lar hisobidan 4 978 ta uylar ta’mirlandi.

Rejalashtirilgan ishlardan tashqari 311 ta uyning tom qismi, 1 328 ta kirish yo‘laklari, 390 ta yerto‘la qismidagi muhandislik-kommunikatsiya tarmoqlari, 174 ta uylarning fasad qismi ta’mirlanib, 410 ta kodli qulfli temir eshiklar o‘rnatildi.

🔰 Respublikadagi 4 427 ta ko‘p kvartirali uylarda 11 428 ta lift uskunalari mavjud. Joriy yilda Vazirlar Mahkamasining 2020-yil
12-iyundagi 376-sonli qaroriga asosan 528 ta lift uskunalarini 187 mlrd so‘m mablag‘ evaziga yangilash rejalashtirilib, 121 mlrd so‘m mablag‘lar hisobidan 290 ta liftlari yangilandi. Yil yakuniga qadar tasdiqlangan reja-grafik asosida rejalashtirilgan ishlar to‘liq yangilanadi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|