#Hududlardan_xabarlar

🚨 Farg'ona viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi xodimlari tomonidan Buvayda tumani "Qo'rg'oncha" MFY hududida  buyurtmachi “Infratuzilmani  rivojlantirish  injinering kompaniyasi” DM tomonidan qurilayotgan 6-sonli maktab binosini rekonstruksiya qilish obyektida  monitoring ishlari  o'tkazildi.

Buyurtmachining texnik nazoratchisi obyektda nazorat ishlarini amalga oshirmaganligi oqibatida yangi o‘quv binosining 1-qavat “B-G” va “1-5” o‘qlar oralig‘ida parda devorlarni kuchlantirish ishlari loyiha bo‘yicha bajarilmaganligi ma'lum bo'ldi. Bundan tashqari pardadevorda har 520 mm balandlikda SG-2 to‘rlar o'kazilmagani va loyihada ko‘rsatilgan F-1 simlar bilan asosiy devorga bog‘lanmaganligi aniqlandi.

😀 Qoidabuzarliklar yuzasidan qurilishning mas'ullariga “Qurilishda davlat nazorati” tizimi orqali bajarilishi majburiy bo'lgan yozma ko'rsatmalar berildi va loyiha talablari asosida bajarilmagan g'isht terish ishlari demontaj qildirildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Reyd

❌Noqonuniy qurilmalar bartaraf etilmoqda

🔵Andijon viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi xodimlari tomonidan Oltinkoʻl, Marhamat, Boʻston va Buloqboshi tumanlarida joylashgan ayrim koʻp qavatli uylarning texnik saqlanishi xatlovdan oʻtkazilganda bir guruh mulkdorlar tomonidan oʻzboshimchalik bilan vakolatli tashkilotlar ruxsatisiz umumfoydalanishdagi joylarni egallab, qoʻshimcha qurilma qurib olish va yertoʻladan foydalanish qoidalariga amal qilmaslik holatlari aniqlandi. Mazkur kamchiliklar yuzasidan mulkdorlarga 15 kunlik muddat davomida bajarilishi majburiy boʻlgan koʻrsatmalar berildi. Shuningdek, qonunchilikning tegishli moddalariga asosan maʼmuriy bayonnomalar rasmiylashtirildi.

🟢Xuddi shunday oʻrganish ishlari Buxoro viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi mutaxassislari tomonidan ham amalga oshirildi. Inspektorlar tomonidan Buxoro shahri Q.Murtazoyev koʻchasi 3-uyning tutash hududida yengil konstruksiyali ayvon va unga eshik ochib, qoʻshimcha xona qurib olingani aniqlandi.

Mazkur holat yuzasidan mulkdorlarga turar joylarni saqlash va ulardan foydalanish qoidalari va normalariga oid qonun tushuntirilib, maʼmuriy hujjatlar rasmiylashtirildi hamda jarima jazosi tayinlanishi toʻgʻrisida ogohlantirildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|