📹#ONLAYN
#MATBUOT_ANJUMANI

🌧❄️ Kuz-qish mavsumini betalofat o‘tkazish maqsadida ko‘p kvartirali uylarning elektr tarmog‘i xo‘jaligi obyektlarini ta’mirlashga alohida e’tibor qaratdik.

Hududiy hokimliklar, “Hududiy elektr tarmoqlari” korxonalari bilan hamkorlikda respublikadagi 39 334 ta uylarning 374 mingdan ortiq elektr xo‘jalik obektlarini xatlovdan o‘tkazib, “qizil” “sariq” “yashil” toifalarga ajratildi va “qizil” toifadagi 100 mingdan ortiq shitlar mukammal ta’mirlandi.

🏢 Mavjud ko‘p kvartirali uylarning 25 694 tasi ya’ni 1 mln 49 mingta xonadonlar markazlashgan va individual issiqlik energiyasi bilan ta’minlangan. Ushbu ko‘rsatkich 61 foizni tashkil etadi.

Aholini issiqlik energiyasi bilan ta’minlash maqsadida Davlat dasturlari doirasida zamonaviy qozonxonalar qurish ishlari olib borilmoqda.

Joriy yilda 15 ta obyektda 9 ta qozonxona va 55 km issiqlik tarmoqlarini qurish va rekonstruksiya qilish ishlari amalga oshirilishi belgilangan.

Bunda 4 ta obyektlarda 3 ta qozonxona va 17 km issiqlik tarmoqlari yangidan qurildi, 10 ta obyektlarda 7 ta qozonxona va 38 km issiqlik tarmoqlari rekonstruksiya va modernizatsiya qilish ishlari amalga oshirilib, hududlardagi 19 mingdan ortiq xonadondan iborat 611 ta ko‘p qavatli uylar va 58 ta ijtimoiy soha obyektlarining issiqlik energiyasi ta’minoti yaxshilanishiga erishildi.

“Yangi O‘zbekiston” massivlarini markazlashgan issiqlik energiyasi bilan ta’minlash maqsadida 20 ta obyektlarda 12 ta qozonlar o‘rnatish va 64 km issiqlik tarmoqlari quramiz.

Loyihalar natijasida 20 mingdan ortiq xonadonlardan iborat 395 ta ko‘p qavatili uylar va 28 ta ijtimoiy soha obyektlarini issiqlik energiyasi bilan ta’minlash ko‘zda tutilgan.
Mavjud issiqlik ta’minoti obyektlari va uskunalarini kuz-qish mavsumiga tayyorlash maqsadida 20 ta qozon va 69 km issiqlik tarmoqlari mukammal, 564 ta qozonlar va 364 km issiqlik tarmoqlarida joriy ta’mirlash ishlari amalga oshirildi.

Matbuot anjumanini onlayn tarzda ko‘rish uchun havola👇
https://www.facebook.com/share/v/psqnUziYyE8LJ9S1/?mibextid=oFDknk  

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MATBUOT_ANJUMANI

🏢 Ko‘p kvartirali uylarning lift uskunalarini soz holatda saqlash doimiy e'tiborimizda.

Respublikadagi 4 427 ta ko‘p kvartirali uylarda 11 428 ta lift uskunalari mavjud. Liftlarning 11 070 tasi odam tashishga, 358 tasi yuk tashishga mo‘ljallangan.

Joriy yilda Vazirlar Mahkamasining 2020-yil 12-iyundagi 376-sonli qaroriga asosan 528 ta lift uskunalarini 187 mlrd so‘m mablag‘ evaziga yangilash rejalashtirilib, 121 mlrd so‘m mablag‘lar hisobidan 290 ta liftlari yangilandi. Yil yakuniga qadar tasdiqlangan reja-grafik asosida rejalashtirilgan ishlar to‘liq yangilanadi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Reyd

🚨 Toshkent shahar Qurilish va uy-joy kommunal xo'jaligi sohasida hududiy nazorat qilish inspeksiyasi tomonidan Sergeli tumani "Xonobod" ko'chasi hududida buyurtmachi "Ibratli inson" MCHJ tomonidan qurilayotgan ko'p qavatli turar joyda monitoring ishlari o'tkazildi.

Natijada "QURILISHDA XAVFSIZLIK TEXNIKASI” qoidalariga rioya qilinmaganligi, shu bilan bir qatorda obyektda yuk avtomobillari uchun vaqtinchalik yuvish qurilmalari o'rnatilmagani hamda hudud qurilish chiqindilaridan tozalanmagani aniqlandi.

🔴 Qoidabuzarliklar yuzasidan buyutmachiga bajarilishi majburiy bo'lgan yozma ko'rsatmalar berildi va qurilish-montaj ishlari nazoratga olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|