#Hududlardan_xabarlar

ARNASOYDA JAMOAT PARKI QURILISHIGA TAMAL TOSHI QOʻYILDI

📌 Mamlakatimiz mustaqilligining 33 yillik bayrami arafasida Gʻofur Gʻulom MFY hududida jamoat parki qurilishiga tamal toshi qoʻyildi.

Tadbir avvalida davlatimiz barqarorligi, xalq farovonligini tilab duo-fotihalar qilindi. Marosimda ishtirok etganlar oʻzlarining ezgu tilaklarini oq qogʻozga yozib qoldirishdi.

Ushbu parki 4,5 gektarni oʻz ichiga olib, “Jizzax tadqiqot” loyihachi tomonidan qurilish ishlari ikki bosqichda amalga oshiriladi. Mazkur loyihaga 30 milliardga yaqin mablagʻ ajratilishi koʻzda tutilgan.

🔰 Kelgusida aholining madaniy dam olishi uchun ushbu jamoat parkida amfiteatr, basseyn va qayiqlari, savdo doʻkonlari, bolalar uchun batutlar, piyodalar yoʻlakchalari, mehmonxona hamda avtoturargohlar barpo etiladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

🏘 Kuni kecha Qurilish va uy-joy kommunal xoʻjaligi vazirligida vazir oʻrinbosari Toir Alimatov va  Xitoyning “Fang Tong Jou Xoldings” kompaniyasi vakillari ishtirokida uchrashuv boʻlib oʻtdi.

Unda  joriy yilning iyul-avgust oylarida oʻtkazilgan muzokaralar yakunlari, jumladan,  Oʻzbekistonda temir xomashyosini qayta ishlash, metall konstruksiyalar, elektr muhandislik jihozlarining metall qismlari va boshqa mahsulotlarni ishlab chiqarishni hamda temir-kon xomashyosini qayta ishlash boʻyicha investitsiya loyihasini amalga oshirish boʻyicha erishilgan kelishuvlar istiqboliga eʼtibor qaratildi.

*️⃣Kelishuvlarga koʻra kompaniya tomonidan  mamlakatimizga   uchta bosqichda investitsiya mablagʻlarini (jami 450-500 million AQSH dollari) jalb qilish  rejalashtirilgan.

Jumladan, elektrotexnika mahsulotlari uchun metall qismlar va metall konstruksiyalarni ishlab chiqarish hamda temir kon xomashyosini qayta ishlab chiqarish rejalashtirilgan.

Uchrashuvda mazkur loyihaning  Qurilish va uy-joy kommunal xoʻjaligi vazirligi bilan bogʻliq yoʻnalishlari  xususida soʻz bordi.

|🌍Web| 📸Instagram|💬Facebook|✅Telegram| 📹Youtube|