#Reyd

📍Toshkent shahri "Nilufar" MFY  Sergeli 2-mavze 40-A-uyda joylashgan “CROWD DEVELOPMENT GROUP” MChJga tegishli ko’p kvartirali turar joyda Toshkent shahar Qurilish va uy-joy kommunal xo’jaligi sohasida hududiy nazorat qilish inspeksiyasi tomonidan navbatdagi monitoring ishlari o’tkazildi. Hozirda ushbu obyektda 3 ta 9 qavatli ko’p xonadonli uylar qurilmoqda.

O‘rganish davomida hududda mehnat muhofazasi va texnika xavfsizligi qoidalariga rioya etmasdan qurilish-montaj ishlari olib borilayotganligi hamda binoning 1-qavat quyma temir-beton ustunida siljish (20 mm) borligi, shuningdek, hudud qurilish chiqindilaridan tozalanmaganligi ma'lum bo'ldi.

Ushbu kamchiliklar yuzasidan bajarilishi majburiy bo’lgan yozma ko’rsatmalar berildi va ular bartaraf etilgunga qadar obyektda qurilish-montaj ishlari vaqtincha to’xtatildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Hududlardan_xabarlar

ARNASOYDA JAMOAT PARKI QURILISHIGA TAMAL TOSHI QOʻYILDI

📌 Mamlakatimiz mustaqilligining 33 yillik bayrami arafasida Gʻofur Gʻulom MFY hududida jamoat parki qurilishiga tamal toshi qoʻyildi.

Tadbir avvalida davlatimiz barqarorligi, xalq farovonligini tilab duo-fotihalar qilindi. Marosimda ishtirok etganlar oʻzlarining ezgu tilaklarini oq qogʻozga yozib qoldirishdi.

Ushbu parki 4,5 gektarni oʻz ichiga olib, “Jizzax tadqiqot” loyihachi tomonidan qurilish ishlari ikki bosqichda amalga oshiriladi. Mazkur loyihaga 30 milliardga yaqin mablagʻ ajratilishi koʻzda tutilgan.

🔰 Kelgusida aholining madaniy dam olishi uchun ushbu jamoat parkida amfiteatr, basseyn va qayiqlari, savdo doʻkonlari, bolalar uchun batutlar, piyodalar yoʻlakchalari, mehmonxona hamda avtoturargohlar barpo etiladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|