💰 2024 йил 1 майдан бошлаб энг кам тарифни қўллаш барча кўп қаватли уйларни бошқариш органлари учун мажбурий ҳисобланади

АОКАда Қурилиш ва уй-жой коммунал хўжалиги вазирлиги раҳбарияти иштирокида ўтказилган матбуот анжуманида кўп квартирали уйларни бошқариш соҳасида амалга оширилаётган ишлар ҳақида маълумот берилди.

⏺Бугунги кунда республикада 1 млн 400 мингдан зиёд хонадондан иборат 42 057 та кўп квартирали уйлар мавжуд бўлиб, шундан 38 686 та уйларга 819 та бошқарувчи ташкилотлари, 836 тасига 156 та уй-жой мулкдорлари ширкатлари хизмат кўрсатади ҳамда 1 130 та уйлар ўзини ўзи бошқариш ва
1 405 та уйлар идора ва ташкилотлар балансида.

⏺2023/2024 йиллар республикадаги 5 684 та кўп квартирали уйларда жами 278,6 млрд сўм (шундан, 176,2 млрд сўм республика ва маҳаллий бюджет, 75,1 млрд сўм бошқарув ташкилотлари, 27,3 млрд сўм ҳомийлик) маблағлар ҳисобидан таъмирлаш ишлари амалга оширилди.

⏺“Менинг уйим” биллинг тизими орқали 2022 йилда 238,9 млрд сўм, 2023 йилда 460,4 млрд сўм ва 2024 йил 30 апрель ҳолатига 240,0 млрд сўм, яъни режага нисбатан 95 фоиз мажбурий бадал тўловлари келиб тушган.

⏺Аҳолининг бошқарув органлари олдидаги мажбурий бадал тўловидан 2024 йил 30 апрель ҳолатига 207 млрд сўм дебитор қарздорлиги мавжуд. Дебитор қарздорликни ундириш тадбирлари давом этмоқда. Ҳозирги кунда тушум ўртача 95 фоизни ташкил этади.

⏺Республикада 53 та “Янги Ўзбекистон” массивлари барпо этилмоқда. Албатта, уй-жойларни қуриш билан бир қаторда, уларни талаб даражасида эксплуатация қилиш муҳим масала ҳисобланади. Ҳозирда 13 400 та хонадонли 409 та кўп қаватли уйлар фойдаланишга топширилган.

✍️ Батафсил

Telegram | Facebook | Instagram | Youtube | Медиабанк