💐 #Bayram_shukuhi

#Qurilish_sohasi_raqamlarda

🏢 Yangi O‘zbekistonning yangi shaharlari

Joriy yilning mart oyida Chirchiq va Qorasuv daryolari oralig‘ida dunyodagi eng ilg‘or “aqlli” texnologiyalar asosida barpo etilayotgan Yangi Toshkent qurilishini odamlarning yashash sharoitlari, iqtisodiy rivojlanishi, kayfiyati va madaniyatiga katta ta’sir ko‘rsatadigan puxta o‘ylangan urbanizatsiya siyosatining yaqqol namunasi deyish mumkin. Buyuk Britaniya, Singapur va Turkiya mutaxassislari bilan birgalikda Toshkentning 2045-yilgacha bosh rejasi loyihasi ishlab chiqildi. Ushbu loyiha doirasida 20 ming gektarda 1 million aholi yashashi uchun qulay sharoit yaratiladi va shunga mos infratuzilma bilan ta’minlanadi.

Andijon shahrida ham eng so‘nggi texnologiyalar va jahon tajribasi asosida mutlaqo yangicha loyihaga qo‘l urildi. Xususan, 4 000 gektar maydonda 440 000 aholiga mo‘ljallangan Yangi Andijon shahrini barpo qilinmoqda. Ushbu hududning 1 144 gektarida uy-joylar quriladi, 215 gektarida savdo shaxobchalari, 240 gektarida xizmat ko‘rsatish, 276 gektarida sanoat va 1 942 gektarida yashil hududlar tashkil etiladi.

💬Samarqanddagi Zarafshon daryosi sohilida ham salkam 700 gektarga yaqin maydonda ko‘p qavatli uylar, savdo majmualari va boshqa obyektlardan iborat bo‘lgan “Shirin” zamonaviy massivini barpo etish rejalashtirilgan.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|