#ONLAYN

🟡 Oliy Majlis Qonunchilik palatasi Sanoat, qurilish va savdo masalalari qoʻmitasi raisi oʻrinbosari Farhod Zayniyev soʻz olib, qurilish va kommunal sohada amalga oshirilayotgan tub islohotlarni alohida e’tirof etdi. Xususan, tizimning raqamlashtirilayotganligi sohada yigʻilib qolgan qator mummolarni bartaraf etishga xizmat qilishi ta’kidlandi. Shu bilan birga muammolarni oʻz vaqtida bartaraf etish aholi vakillarining qulay yashash sharoitlarini oshirishi aytib oʻtildi.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|

#ONLAYN

📎 Qurilish va uy-joy kommunal xoʻjaligi vaziri oʻrinbosari Ozoda Joʻrayeva boshchiligidagi mutasaddilar deputatlarning qurilish obyektlaridagi sifat nazorati, shaharsozlik normalari, ichimlik suv ta’minotidagi mavjud muammolar, koʻp qavatli uylarga xizmat koʻrsatish tizimi, liftlar ekspluatatsiyasi bilan bogʻliq savollariga javob bermoqdalar. Shuningdek, ularning chekka hududlarda ichimlik suv minorasini oʻrnatish, oqova suv tizimini loyihalashtirish asnosida takomillashtirish, qurilish obyektlari ustidan qat’iy nazorat oʻrnatish boʻyicha taklif-mulohazalari qabul qilinmoqda.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|

#Rahbariyat_qabuli

 🏘 Bugun Qurilish va uy-joy kommunal xo'jaligi vazirligida aholining kommunal sohaga oid murojaatlari yuzasidan navbatdagi rahbariyat qabuli bo'lib o'tdi. Vazir o'rinbosari Ozoda Jo'rayeva tomonidan o'tkazilgan tadbirda  5 nafar jismoniy va 2 nafar yuridik shaxslarning murojaatlari qabul qilindi. Jumladan, tadbirkorlik subyektlari va ko'p qavatli uylarga xizmat ko'rsatuvchi boshqaruv tashkilotlari o'rtasidagi munosabatlar, shirkatlar faoliyatidan norozilik, ko'p qavatli uylarning yerto'la qismida amalga oshirilayotgan noqonuniy qurilmalar bilan bog'liq muammolarni hal etish yuzasidan fuqarolarga huquqiy tushunchalar berildi. Joyiga chiqqan holda o'rganish talab etiladigan masalalar bo'yicha aniq muddat belgilandi. Ozoda Joʻrayeva koʻp qavatli uylarda tadbirkorlik faoliyati bilan shugʻullanayotganlar, ularning aholi oldidagi majburiyatlariga toʻxtaldi.
     *️⃣ Ko'p qavatli uylarning yerto'la qismlarida tadbirkorlik faoliyatining yo'lga qo'yilishi, avvalo, o'sha uyning ekspluatatsiyaga ijobiy ta'sir o'tkazadi. Ammo tadbirkorlar belgilangan tartibdan chetga chiqishi mumkin emas. Eng birinchi navbatda aholining qulay yashash sharoiti ta'minlanmog'i darkor ,- dedi vazir o'rinbosari.
      Qabulda kelib tushgan barcha murojaatlar ijrosi shaxsan vazir o'rinbosari nazoratida bo'lishi alohida ta'kidlandi.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|