#JARAYON

📝 Qurilish sohasida ochiq va shaffof nazorat o‘rnatiladi

Bugun Farg‘ona shahridagi "Tadbirkorlar markazi"da Qurilish va uy-joy kommunal xo‘jaligi vazirligi boshchiligida “Korrupsiya-rivojlanishimizga toʻsiq” mavzusida seminar o‘tkazildi. Seminarda viloyat boshqarmasi hamda shahar va tuman bo‘lim xodimlari, hududda faoliyat olib borayotgan loyiha tashkilotlar rahbar xodimlari ishtirok etdilar.

Unda vazirlikning Korrupsiyaga qarshi kurashish bo‘limi boshlig‘i J.Fayziev tomonidan “Korrupsiyaga qarshi kurashish faoliyatini samarali tashkil etishga doir qoʻshimcha chora-tadbirlari toʻgʻrisida”gi qaror hamda “Korrupsiyaga qarshi murosasiz munosabatda bo‘lish muhitini yaratish, davlat va jamiyat boshqaruvida korrupsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari to‘g‘risida”gi Farmonning mazmun-mohiyati haqida atroflicha mulohaza yuritildi.

➡️ Shu bilan birga sohada korrupsiyani keltirib chiqaruvchi ayrim omillar haqida so‘z bordi. Tizimda ochiq va shaffof nazorat o‘rnatilishi qurilish obyektlarida ro‘y berishi mumkin bo‘lgan hodisalarning bevosita oldini olishga xizmat qilishi alohida ta'kidlandi.

O‘z navbatida bildirilgan fikr va xulosalar asosida mavjud muammolarni bartaraf qilish hamda sohani tubdan takomillashtirish bo‘yicha tegishli chora-tadbirlarni ishlab chiqishga kelishib olindi. Mazkur seminar hududlar bo'ylab davom etmoqda.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|

#Rahbariyat_qabuli

🏘 Ma’lumki, aholining barcha qatlamlari turmush darajasi va jamiyatimizdagi muhit muhim ijtimoiy ahamiyatga ega bo‘lgan uy-joy kommunal sohasining samarali faoliyat ko‘rsatishi bilan bog‘liq. Shu bois aholining kommunal sohaga oid murojaatlarini o‘z vaqtida bartaraf etish, ularning muammolariga yechim topish zarurati har qachongidan dolzarb ahamiyat kasb etmoqda.

     Xabar berib kelayotganimizdek, Qurilish va uy-joy kommunal xo‘jaligi vaziri o‘rinbosari Ozoda Jo‘rayeva haftaning juma kunlari aholining kommunal, xususan, ko‘p qavatli uylarga xizmat ko‘rsatish hamda ekspluatatsiya qilish, issiqlik ta’minoti, billing tizimi, ko‘p qavatli uylar atrofidagi noqonuniy qurilmalar bo‘yicha murojaatlarini qabul qilib kelmoqda. Bugun ham poytaxtimizning bir necha tumanlaridan 10 nafarga yaqin murojaatchilarning sohaga doir muammo va so‘rovlari qabul qilindi. Ularning aksariyati bilan huquqiy tushuncha va to‘g‘ri yo‘nalish berish bo‘yicha suhbatlashildi. Joyida o‘rganilishi talab etiladigan vaziyatlar yuzasidan aniq muddatlar va mutaxassislar tarkibi belgilab olindi. Ozoda Jo‘rayeva ko‘p qavatli uylarga egalik qilish maqsadida bir-biri bilan kelisha olmayotgan ba’zi boshqaruv tashkilotlarini keskin tanqid qilar ekan, bundan faqatgina aholi aziyat chekishini ta’kidladi:
     ➖Aholimiz bugun sohadagi islohotlarni ancha tushunib qoldi. Ular kim ishlayotganligini, kim esa shunchaki ko‘zbo‘yamachilik qilayotganligini bilishadi. Shu bois uyning sonini ko‘paytirishga emas, sifatni oshirishga e’tibor qaratishingizni so‘ragan bo‘lar edim. Toki, aholi xizmatingizdan qoniqmas ekan, boshqa yechim izlashga harakat qiladi, - dedi Ozoda Jo‘rayeva.
    Qizg‘in muhokamalar so‘ngida murojaatchilar muammolariga befarq bo‘lmagan soha mutasaddilariga o‘z minnatdorliklarini bildirdilar.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|